Sosial

“Həkimləri həbs etməklə səhiyyədəki korrupsiyanın qarşısını almaq çətindir”

Məzahir Abdurahmanov
5 Avqust, 2021
1829

Açıq mənbələrdən götürülüb

"Rüşvətin qarşısını almaq üçün tibb işçilərinin maddi vəziyyətinin yaxşılaşdırılması yolunda addımlar atılmalıdır"

Bunu “Toplum TV”-yə açıqlamasında Azərbaycan Həkimləri İctimai Birliyinin təsisçilərindən biri, həkim-radioloq Aydın Əliyev deyib.

Avqustun 4-də Saatlı rayon mərkəzi xəstəxanasının baş həkimi Adəm Əliyev barəsində saxta sənəd hazırlamaq ittihamıyla cinayət işi açılıb. 

Rayon prokurorluğundan bildirilib ki, baş həkim rüşvət almaqla əlillik sənədi düzəldib və müvafiq şəxsə 01.06.2019-cu il tarixindən 31.12.2019-cu il tarixinədək əmək qabiliyyətinin müvəqqəti itirilməsinə görə 2 min 976 manat məbləğində pul müavinətinin ödənilməsini təmin edib.

Adəm Əliyev vəzifə səlahiyyətlərindən sui-istifadədə və vəzifə saxtakarlığında təqsirkar bilinir. 

Azərbaycan Həkimləri İctimai Birliyinin həmtəsisçisi Aydın Əliyev deyir ki, rüşvət alan şəxslərin həbs olunması korrupsiyanın azalmasına müsbət təsir edə bilər, ancaq problemi kökündən həll edə bilməz: “Heç bir rüşvət alana haqq qazandırmıram və düşünürəm ki, işi kökündən həll etmək lazımdır. Məsələn, həkimin aldığı maaş aylıq 5 min manatdırsa və o, rüşvət alırsa, onu həbs etmək yox, hansısa bir "meydanda asmaq" lazımdır. Həkim 300 manat maaş alırsa da, rüşvət götürməməlidir, çünki o, işə düzələndə bilirdi ki, maaşı bu qədərdir”.

Aydın Əliyev - Sosial Media

Həkim hesab edir ki, rüşvətin qarşısını almaq üçün tibb işçilərinin maddi vəziyyətinin yaxşılaşdırılması yolunda addımlar atılmalıdır: “Məsələn, maaşlar qaldırıla bilər və ya gənc mütəxəssislər güzəştli şərtlərlə mənzillə təmin edilə bilər. Gənc həkimlər xaricdə mütəxəssisləşib Azərbaycana işləməyə qayıdanda buradakı nöqsanları, təminatın azlığını görüb geriyə qayıdırlar. Bu çox böyük itkidir”.

İqtisadçı ekspert Azər Mehtiyev isə deyir ki, səhiyyədəki korrupsiyanın ləğv olunması istiqamətində hələlik real addımlar atılmayıb. 

Onun sözlərinə görə, səhiyyədəki korrupsiyanın aradan qaldırılması üçün islahatlara start verilsə də, ortada nəticə yoxdur: "Səhiyyə sistemində icbari tibbi sığortanın tətbiqinə ötən ildən start verilib, proses bu ildən artıq bütün ölkədə həyata keçirilir. Ancaq təəssüf ki, ortada hələ real nəticə yoxdur. Əhalidən vəsaitlərin  toplanmasına baxmayaraq, insanlar öz ciblərindən ödəniş edirlər”.

Azər Mehtiyev - Sosial Media

Ekspert bildirir ki, həkimlər vətəndaşlardan aldıqlarına əslində, rüşvət yox, ödəniş kimi baxırlar: “Həkimin göstərdiyi tibbi xidmətə görə haqqı ödənilmirsə, təbii ki, o, müvafiq xidməti göstərməyəcək. Əgər hökumət səhiyyə pulsuzdur deyib həkimin haqqını ödəmirsə, o da əhalidən rüşvət almağa məcbur qalacaq”. 

Bu həftənin əvvəllində, avqustun 2-də Sabunçu rayonundakı 11 saylı poliklinikada çalışan 3 tibb işçisi vətəndaşlardan 150 manat məbləğində pul alaraq saxta “Covid 19” pasportu vermək üstündə saxlanılıb. 

Daxili İşlər Nazirliyindən verilən məlumata görə, məsələylə bağlı Baş Mütəşəkkil Cinayətkarlıqla Mübarizə İdarəsinin İstintaq və Təhqiqat İdarəsində araşdırma aparılır.

Sosial

Kütləvi məzarlıqda tapılan geyimlərin azərbaycanlı hərbçilərə aid olduğu güman edilir

5 Oktyabr 2022

APA

Xocavəndin Edilli kəndində aşkarlanan kütləvi məzarlıqdakı meyitlər analizdən keçirilib və geyimlərə əsasən onların hərbçilər olduğunu deməyə əsas yaradır.  Yaxın günlərdə qazıntı işləri yenidən davam etdiriləcək. Bu sözləri oktyabrın 5-də Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi qrupunun böyük məsləhətçisi Namiq Əfəndiyev mətbuata açıqlamasında deyib.  https://toplum.tv/dunya/abs-azerbaycanin-17-ermeni-herbcini-tehvil-vermesini-alqislayib Onun sözlərinə görə, Dövlət Komissiyası Beynəlxalq Qızıl Xaç Komitəsi ilə birlikdə fevral ayından əsir və itkin düşmüş şəxslərin axtarışına başlayıb: “İlk olaraq işlərə Xocavəndin Edilli kəndində başlanılıb. Fevralda bu ərazidə 7 şəxsə aid insan qalıqları qazılaraq götürülüb. Sentyabrın 14-dən qazıntı işləri davam etdirilib. 5 tam, 1 qarışıq skelet və 12 şəxsə...
Sosial

DİN məktəbdə narkotikli konfetin peyda olmasına aydınlıq gətirib 

4 Oktyabr 2022

Rəsmi səhifə

Paytaxt məktəblərinin birində şagirdlərə konfet kağızına bükülmüş formada narkotik vasitələrin paylanıldığı barədə sosial şəbəkələrdə yayılan məlumatlar aydınlaşdırılıb.  Bu barədə Daxili İşlər Nazirliyinin sözçüsü Elşad Hacıyev sosial media hesabında məlumat yayıb.  Onun sözlərinə görə, qeyd edilən görüntü Xətai rayonundakı məktəblərin birində təhsil alan 12 yaşlı şagird tərəfindən çəkilib. https://toplum.tv/sosial/mektebde-doyulen-usagin-atasi-polis-ne-doyene-deyir-ne-video-cekene  "Həmin şagird valideyninin iştirakı ilə aparılan profilaktiki söhbətə cəlb olunub. O, konfetin üzərinə müxtəlif ədviyyatlar qataraq qeyd edilən fotonu çəkdiyini bildirib.  Daha sonra guya “narkotik”in məktəbin ətafında tanmadığı şəxs tərəfindən ona verildiyi barədə yalan təəssürat yaradaraq həmin məlumatı sosial şəbəkələrdə məhşurlaşmaq üçün yayıb", - Elşad Hacıyev bildirib.  DİN rəsmisi valideynlərdən sosial şəbəkələrdə...

Seçilmiş Videolar

Toplum TV loqo