Sosial

Hərbi qulluqçu 2 ildir sığorta pulunu ala bilmir

Roza Məmmədova
29 Aprel, 2022
123

AZƏRTAC

Hərbi qulluqçu 2 ildir sığorta pulunu ala bilmir

Neftçala rayon sakini Alı Cəfərov bu barədə “Toplum TV”yə danışıb.

Dediyinə görə, 2018-ci ildə Gəncədə, Göygöldə, Şəmkirdə hərbi xidmətdə olub.

Bu müddətdə sağlamlığında problemlər başlayıb. Onda talasemiya, qan azlığı xəstəliyi aşkarlanıb.

Alı deyir ki, hətta 2020-ci ildə ikinci Qarabağ müharibəsi zamanı onu yenidən hərbi xidmətə çağırsalar da, xəstəlikləri səbəbindən aparılmayıb.

 “Salyanda, “Papanin”də (Silahlı Qüvvələrin Baş Kliniki Hospitalı- red) yoxlamalarda olmuşam. Hətta 2019-cu ilin oktyabrında Bakıda Nevroloji xəstəxanada ilik köçürülüb. İndi çox hərəkət edə bilmirəm, edəndə belimdən ağrı tutur”.

Hazırda işsiz olan Alı deyir ki, xidmət zamanı sağlamlığında yaranan problemlərə görə, ona birdəfəlik sığorta ödənməli olsa da, iki illik müddətdə o haqqı olanı pulu ala bilməyib:

Qanunvericiliyə görə, hərbi xidmətdə olan şəxslər və toplanışlarda olan hərbi vəzifəlilər sığorta olunur. https://e-qanun.az/framework/3896

Bundan başqa aidiyyəti dövlət orqanları (qurumları) sığorta ödənişlərinin alınması üçün sığorta ödənişi almaq hüququ olan şəxsə kömək etməlidirlər.

Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu və Səfərbərlik və Hərbi Xidmətə Çağırış üzrə Dövlət Xidməti sığorta ödənişinin həyata keçirilməsini təmin edən qurumlardır.

Toplum TV

Səfərbərlik və Hərbi Xidmətə Çağırış üzrə Dövlət Xidmətindən “Toplum TV”nin sorğusuna cavab olaraq Alı Cəfərovun toplanmış sənədləri ilə birlikdə Dövlət Sosial Müdafiə Fonduna müraciət etməsi tövsiyə olunur.

Alı isə 2 illik müddətdə sənədlərini çoxdan topladığını, ancaq ona geri dönüş edilmədiyini deyir:

“Vayonkomata (Səfərbərlik və Hərbi Xidmətə Çağırış üzrə Dövlət Xidməti-red) gedəndə deyirlər get, nə vaxt olsa cavabın gələcək. Hərbi Qospitalda isə dedilər ki, hərbi hissədən sənədlərin gəldikdən sonra sığorta pulunu ala bilərsən”.

“Qarabağ qaziləri” İctimai Birliyinin mətbuat katibi Rey Kərimoğlunun sözlərinə görə, əvvəlcə Müdafiə Nazirliyi tərkibində fəaliyyət göstərən həkim komissiyası sözügedən şəxsin hərbi xidmət zamanı xəstələnməsi haqqında xəstəlik şəhadətnaməsi verməlidir.

“Şəhadətnamədə hərbi qulluqçunun xəstələnməsi, sağlamlıq vəziyyəti haqqında məlumatlar əksini tapır, sonda isə orduya yararlı və yaxud da yararsız olması qeyd olunur. Həmin sənəd şəxsin yaşadığı rayon üzrə sığorta idarəsinə təqdim etdikdən sonra sığorta pulu alınır”.

Rey Kərimoğlu-Sosial media

Onun sözlərinə görə, birinci Qarabağ müharibəsi dövründə yaralanalardan və İkinci Qarabağ Müharibəsi zamanı bir qrup hərbiçidən başqa digər hərbi qulluqçuların sığorta pulunu almasında problem yaşanmır.

Rey Kərimoğlu bildirir ki, Alı Cəfərovun sığorta ödənişi ala bilməməsinin səbəbi Müdafiə Nazirliyindən xəstəlik haqqında şəhadətnamənin verilməməsi ilə bağlıdır.

Müdafiə Nazirliyinə hərbi qulluqçuya hansı səbəbdən şəhadətmə verilmədiyini öyrənmək mümkün olmayıb.

Sosial

Türkiyədə imtahan suallarını qanunsuz satan azərbaycanlılar saxlanılıb

17 May 2022

açıq mənbədən götürülüb

Ankarada Amerika və Türkiyə universitetlərində təhsil almaq istəyən əcnəbi tələbələrə SAT imtahan (Scholastic Aptitude Test - akademik qabiliyyət imtahanı) suallarını satdığı iddia edilən 6 şəxs saxlanılıb. "TRT Haber"in məlumatına görə, saxlanılanlar arasında azərbaycanlıların da olduğu deyilir. Ankara Respublika Baş Prokurorluğu mayın 7-də keçirilən SAT imtahan suallarının Ankarada 2-3 min dollara satılmasından sonra istintaqa başlayıb. İstintaqı dərinləşdirən prokurorluq, İran və Azərbaycan vətəndaşları da daxil olmaqla 6 şübhəlinin “Telegram” mesajlaşma proqramı vasitəsilə əlaqəyə girdiyini aşkarlayıb. Cahid və M.N. adlı şəxslərin sualları “karantin” adlandırdıqları evlərdə payladıqları müəyyən edilib. Baş Prokurorluğun göstərişi ilə Maliyyə Cinayətlərinə Qarşı Mübarizə İdarəsinin əməkdaşları təyin olunmuş ünvanlarda eyni vaxtda...
Sosial

Müştəri restoranda servis haqqı ödəməlidirmi?

Roza Məmmədova
17 May 2022

Getty Images

Restorana gedəndə xərcinizi menyudakı qiymətlərə görə hesablayırsınızsa, sürprizə hazır olun. Bəzi kafe və restoranlarda yeyib içdiyinizdən əlavə servis haqqı da tutulur. Nədir servis haqqı? Bura restoranda dinlədiyiniz musiqi, servis xidməti, istifadə olunan qab-qacaq və s. aiddir. Bakıda “Özsüt” restoranında ofisiant işləyən Pünhan Cəfərov (ad şərtidir) deyir ki, müştərilər əvvəlcədən servis haqqı tutulduğunu bilmir: “Onlar bunu ya menyu jurnalından, ya da hesab qəbzindən öyrənə bilirlər. Müştərilər çox zaman servis haqqını ən sonda, hesabı istəyəndə görür, təbii, narazılıq edənlər də olur”. Pünhanın sözlərinə görə, bu restoranda əlavə xidmət haqqı ümumi hesabın 6%-i qədərdir: “Servis haqqı ofsiantlar müştəriyə qulluq edir, restoranın boşqabları istifadə...

Seçilmiş Videolar

Toplum TV loqo