Sosial

Hesabat: Azərbaycan məhbusların sayına görə Avropada liderlər arasındadır

8 Aprel, 2021
1212

Sputnik

Avropa Şurası məhbus əhali sayı barədə yeni hesabatını dərc edib.

Hesabata görə, Azərbaycanda ümumilikdə 21012 məhbus var. Onların 2,7 faizi qadınlardır. Hər 100 min nəfərə 208.7 məhbus düşür. 

Sənəddə qeyd olunub ki, son 10 ildə Azərbaycanda məhbus sayında 14% azalma olub: 2018-ci ildə 235, 2019-cu ildə 218, 2020-ci ildə 208 nəfər.

Ermənistan və Gürcüstanda isə bu göstərici daha yüksək - 50% təşkil edib.

Avropada hər 100 min nəfər əhaliyə düşən məhbus sayına görə, ilk dördlükdə bu ölkələr qərarlaşıb: Türkiyədə 357, Rusiyada 356, Gürcüstanda 263, Litvada 219 məhbus var.

Azərbaycan isə siyahıda 5-ci yerdədir.

Hər 100 min nəfərə Ukraynada 126, Ermənistanda 75, İslandiyada 45, Finlandiyada 48 məhbus düşür. 

Hesabata görə, Azərbaycanda mövcud olan hər 100 həbs yerinə 82.4 məhbus düşür. Məsələn, Türkiyədə bu rəqəm 127, İtaliyada isə 120-dir.

Diqqət çəkən məqamlardan biri məhbuslara günlük xərclənən vəsaitlə bağlıdır. Belə ki, 5,9 avro vəsaitlə Azərbaycan məhbuslara ən az vəsait xərcləyən 3 ölkədən biridir. Bolqarıstan bir məhbusa 5,7, Rusiya 2,8, Gürcüstan 12,6, Ermənistan isə 18,8 avro xərcləyir.

"Azərbaycanda məhbuslara xərclənən məbləğ yüksək deyil"

Ədliyyə naziri yanında İctimai Komitənin üzvü, hüquqşünas Əlməmməd Nuriyev "Toplum TV"-yə hesabatı şərh edərkən belə deyib.

Əliməmməd Nuriyev - Sosial Media

"Azərbaycanda məhbuslara xərclənən vəsaitin metodologiyası, digər ölkələrdən fərqli ola bilər. 5,9 avro məhkumun yalnız yemək, qalmaq xərcdir. Avropa ölkələrində məbləğin yüksək olması kommunal, sığorta, tibbi xərclərinin də hesaba qatılması ilə əlaqədar ola bilər.  Azərbaycanda isə bunlar hesaba alınmır".

Hüquqşünas deyir ki, devalvasiyaya qədər Azərbaycanda bir məhkumun bir illik xərci 6000 manat təşkil edib.

Ə.Nuriyev məhbusların sayının son illərdə baş verən azalmanı belə izah edir:

"Cinayət məcəlləsinə 2017-2020-ci illərdə 600 dən artıq dəyişikliklər olub. Məcəllələrin bəziləri dekriminallaşdırıldı, bəzilərində isə sanksiyalar azaldıldı. Həmçinin, cinayətin təsnifatında da dəyişiklik oldu. Məsələn, ağır cinayət az ağır cinayət kimi təsnifatlaşdırıldı. Bu dəyişikliklər məhbusların sayında əhəmiyyətli şəkildə azalmaya gətirib çıxardı. 

Hüquqşünasın fikrincə, məhbus sayında azalma olsa da, 21012 rəqəmi kifayət qədər yüksək göstəricidir.

"Azadlıqdan məhrumetmə cəzası nə qədər az olarsa, yeni kriminal qrupların yaranması imkanı da məhdudlaşacaq. Çünki həbsxanalarda fərqli bir mədəniyyət hökm sürür. Buna submədəniyyət də deyilir. Sosioloji tədqiqatlar göstərir ki, 5 ildən artıq həbsxanada qalan  şəxslərin davranışında cinayətə meyillilik, neqativ hərəkətlər yaranmağa başlayır. Eyni zamanda bu onların gələcəkdə cəmiyyətə inteqrasiyasına da çətinliklər yaradır. Bununla belə, cəzanın humanistəşdirilməsi cəzasızlığa yol açmamalıdır. Buna görə də gələcəkdə cəzalar təyin olunarkən bütün bunlar nəzərə alınmalı, məhbusların sayında balans qorunmalıdır".


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Oqtay Əliyev yol qəzasında həyatını itirdi

22 Mart 2023
Əməkdar mədəniyyət işçisi, televizya prodüseri, rejissor Oqtay Əliyev yol-nəqliyyat hadisəsi nəticəsində vəfat edib.  Report xəbər verir ki, O.Əliyevin idarə etdiyi “Toyota Lexus” markalı avtomobil yolun hərəkət hissəsindən çıxaraq aşıb.  Hadisə nəticəsində avtomobildə olan Xalq artisti Mehriban Zəki yaralanıb, mərhumun həyat yoldaşı əməkdar artist Dilarə Əliyeva isə yüngül xəsarətlər alıb. Hadisənin Abşeron rayonu ərazisində baş verdiyi bildirilir. TƏBİB-dən verilən məlumata görə, hadisə zamanı xəsarət alan Mehriban Zəki Sumqayıt Tibb Mərkəzinin nəzdində olan Təcili Tibbi Yardım Xəstəxanasına təxliyə olunub. Ona zəruri tibbi xidmətlər göstərilib, hazırda Reanimasiya şöbəsində müalicəsi davam etdirilir. Vəziyyəti orta ağır olaraq qiymətləndirilir. Baş Dövlət Yol Polisi İdarəsindən isə bildirilib...
Sosial

Bayram günlərinin hava proqnozu açıqlanıb

17 Mart 2023

Açıq mənbələrdən götürülüb

Azərbaycanın rayonlarında istirahət və bayram günlərində gözlənilən hava proqnozu açıqlanıb. Toplum TV xəbər verir ki, bu barədə martın 17-də Milli Hidrometeorologiya Xidmətindən bildirilib.  Məlumata görə, istirahət və bayram günlərində ölkə ərazisində hava şəraitinin əsasən qeyri-sabit keçəcəyi, qısa fasilələrlə yağıntılı olacağı gözlənilir. https://toplum.tv/siyaset/psusaya-ilk-turist-seferleri-baslayirp Martın 19-u axşamdan 24-ü axşamadək ölkə ərazisində hava şəraitinin arabir yağıntılı olacağı gözlənilir. Bəzi yerlərdə intensiv olacağı, dağlıq ərazilərdə qar yağacağı ehtimalı var. Qərb küləyi 21-i axşamdan 23-ü gündüzədək əsasən dağlıq və dağətəyi rayonlarda arabir 18-23 m/s-dək güclənəcək. Gözlənilən yağıntılarla əlaqədar bəzi dağ çaylarında sululuğun artacağı ehtimalı var.

Seçilmiş Videolar

Toplum TV loqo