Sosial

Heyvansevərlərin “Küçələrin səsi” aksiyası

3 Dekabr, 2018
2287
"Sahibsiz heyvanların küçələrdə ac-susuz qalması, əksər insanlar tərəfindən işgəncəyə məruz qalması bizi bu layihəni gerçəkləşdirməyə sövq etdi”.

"Küçələrin səsi” layihəsinin yaradıcısı Şölə Bağırova Toplum.Tv-yə belə deyir.  

Layihənin məqsədi atılmış, yaralı küçə itlərininin qorunması, müalicə etdirilməsi və sahibləndirilməsidir.

Azərbaycan beynəlxalq konvensiyaya qoşulub.

Son zamanlar sosial şəbəkələrdə sahibsiz heyvanlarla bağlı keçirilən aksiyalara, layihələrə tez-tez rast gəlmək olur. 

Elə heyvansevərlərin sayəsində sahibsiz heyvanlara qarşı münasibət də dəyişməyə başlayıb. 

Azərbaycan 2007-ci ildən heyvanlara humanist münasibəti tələb edən "Ev heyvanlarının mühafizəsi haqqında” Avropa Konvensiyasına qoşulub. 

Bu sənədin tələblərinə görə, heyvanların sayına humanist üsullarla nəzarət edilməlidir. 

Azərbaycanda "Bakı-2015” Avropa Oyunları qabağı küçə itlərinin yandırılmasının iddia olunduğu videoların yayılmasından sonra, Ümumdünya Heyvanları Müdafiə Təşkilatı Azərbaycan hakimiyyətini "bu qəddarlığa son qoymağa” çağırıb. 

Elə o vaxtdan da bu mövzular həssaslaşıb. Ancaq hələ də küçələrdə sahibsiz itlərin baxımsız və ac-susuz qaldıqları deyilir.

"Heç bir qurum köməklik göstərmir”

Şölə Bağırovanın sözlərinə görə, aksiyalar zamanı xeyli yaralı, ac və susuz itlərlə rastlaşırlar: "Dəri xəstəliyi olan, ayağı sınmış, yaxud da acından ölmək üzrə itlərin sayı kifayət qədərdir. Yaralı olan itləri klinikalara göndərib müalicə etdiririk. Daha sonra bəzi itləri sahibləndiririk”. 

Layihə rəhbəri təəssüflənir ki, bu işdə heç bir qurum tərəfindən köməklik göstərilmir: "Bütün lazım olan  vəsaitləri öz hesabımıza alırıq. Düşünürəm ki, maddi cəhətdən bizə dəstək olunsa, daha çox sahibsiz heyvanlara kömək edə bilərik”.

"Aksiyalara yeni qoşulanlar az deyil"

Sosial şəbəkələr vasitəsilə təşkil olunan aksiyalarda xeyli heyvansevər iştirak edir. Onlar Balaxanı, Suraxanı, Zabrat və s kimi sahibsiz heyvanların daha çox olduğu ərazilərə üz tuturlar. Elə növbəti səfərlərdən biri də məhz həmin ərazilərə idi. 

Şölə Bağırova deyir ki, son aksiyalarda 70-ə yaxın insan iştirak edib: "Onların arasında sosial şəbəkələr vasitəsilə yeni qoşulanların sayı da az deyil". 

Bakıda könüllü heyvansevərlərin təşkil etdiyi sığınacaqlar da var. Bundan başqa, klinika fəaliyyət göstərir. Sosial şəbəkələr vasitəsilə insanları aksiyalara cəlb etmək, maarifləndirmək mümkün olur. Amma bölgələrdə bununla bağlı hansısa işlərin görülməsinə dair hər hansı məlumat yoxdur. 

Görünür, elə bu səbəbdəndir ki, heyvanların öldürülməsi, işgəncəyə məruz qalması ilə bağlı xəbərlər də rayonlardan gəlir. Məsələn, bu ilin əvvəlində mətbuatda Qubada küçə itlərinin öldürülməsi ilə bağlı məlumatlar yer alırdı. 

Gözlənilir ki, heyvanlarla bağlı növbəti aksiyalar bir sıra bölgələri də əhatə etsin.   

Sevinc Ağazadə
Lalə Möhsümova
Türkan Məmmədli
Aytac Məmmədova
Mübariz Əhmədov

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Narkoloji Mərkəzin vəzifəli şəxsləri həbs edilib

1 Mart 2024

Rəsmi səhifə

“Respublika Narkoloji Mərkəzi”nin vəzifəli şəxsləri cinayət məsuliyyətinə cəlb olunub. Toplum TV xəbər verir ki, bu barədə martın 1-də Baş Prokurorluq və Səhiyyə Nazirliyi birgə məlumat yayıb.  Bildirilir ki, Korrupsiyaya qarşı Mübarizə Baş İdarəsində "Narkoloji Mərkəzi”n baş direktoru Elşən Mustafayev və müavini Zamin Əliyev barəsində cinayət işi açılıb. https://toplum.tv/olke/pherbi-hisselerdeki-menimsemeye-goumlre-mehkeme-baslayirp Vəzifəli şəxslər şübhəli şəxs qismində tutulublar. Onlara Cinayət Məcəlləsinin rüşvət alma maddələri ilə ittiham elan edilib. Həmçinin məhkəmənin qərarı ilə həbs qətimkan tədbiri seçilib.  Məlumatda o da bildirilib ki, hazırda cinayət əməllərinin törədilməsində iştirak etmiş digər şəxslərin müəyyən edilməsi istiqamətində tədbirlər davam etdirilir.    
Sosial

Xocalıdakı kütləvi məzarlıqdan daha 5 nəfərin qalıqları tapılıb

1 Mart 2024

Açıq mənbələrdən götürülüb

Xocalıda aşkar edilmiş kütləvi məzarlıqdan daha 5 nəfərin qalıqları tapılıb. Toplum TV xəbər verir ki, bu barədə martın 1-də Baş Prokurorluğun Mətbuat xidməti məlumat yayıb.  "Xəbər verildiyi kimi işğaldan azad edilmiş Xocalı şəhərinin mərkəzində (keçmiş xalça fabrikinin yaxınlığında) həyata keçirilən əsaslı bərpa-quruculuq işləri çərçivəsində aparılan qazıntı işləri zamanı basdırılmış vəziyyətdə kütləvi insan qalıqlarının aşkar olunması faktı ilə bağlı Baş Prokurorluğun Kriminalistika və informasiya texnologiyaları idarəsində araşdırma aparılır. Qeyd olunan ərazidə həyata keçirilən baxış istintaq hərəkəti nəticəsində bu gün daha 5 nəfərə aid insan qalıqları aşkar edilib, bununla da, kütləvi məzarlıqda basdırılan insan qalıqlarının ən azı 10 nəfər şəxsə (onlardan 2...

Seçilmiş Videolar

Toplum TV loqo