Sosial

Hüquqşünas: "Nazirliyin COVİD-19 pasportu ilə bağlı tələbinin hüquqi əsası yoxdur"

Məzahir Abdurahmanov
11 Avqust, 2021
1395

Rəsmi səhifə

“Nazirliyin və ya qurumların binasına daxil olarkən COVİD-19 pasportu istəmək mümkündür, ancaq onlayn müraciətdə pasport tələb edə bilməzlər”.
 
Hüquqşunas Fərhad Mehdiyev Əmək və Əhalinin Sosial Müdafiə Nazirliyinin (ƏƏSMN) 7 avqust tarixli qərarını “Toplum TV”-yə belə şərh edib.
 
ƏƏSMN-in qərarına əsasən, 16 avqustdan etibarən Əmək və Əhalinin Sosial Müdafiəsi Nazirliyində və onun mərkəzi qurumlarında, habelə DOST mərkəzlərində vətəndaşların qəbulu və müraciətlərinə baxılması üçün COVİD-19 pasportu tələb ediləcək.
 
Eyni zamanda, qərarda qeyd olunub ki, vətəndaşların nazirliyin elektron xidmətlərinə müraciəti zamanı COVİD-19 pasportu tələb olunacaq.

Fərhad Mehdiyev - Sosial Media

F.Mehdiyev deyir ki, sosial xidmətlərə müraciəti məhdudlaşdırmaq üçün qanuni əsaslar olmalıdır: “Onlayn müraciət zamanı pasport tələbinin olmasının isə heç bir qanuni əsası yoxdur”.
 
İqtisadçı Rəşad Həsənov isə hesab edir ki, bu qərar vətəndaşlar üçün problemlər yaradacaq: “Sosial xidmət müəssələrində COVİD-19 pasportu tələb etmək vətəndaşların işinə müəyyən qədər çətinliklər yaradacaq. Səhiyyə sisteminin imkanlarını nəzərə alaraq, zamanı optimallaşdırmaq lazımdır. Ən azından yaş səviyyəsinə görə mərhələlər tətbiq edilə bilərdi”.
 
“Bir çox insan peyvəndlə bağlı hələ qərar qəbul edə bilmir, çünki onun təsirləri ilə bağlı müəyyən şübhələri var. Ona görə də vətəndaşların peyvəndlənməsi müəyyən zaman alacaq”, - R.Həsənov qeyd edib.

Rəşad Həsənov - Açıq mənbələrdən götürülüb

İqtisadçı deyir ki, Azərbaycandakı səhiyyə sistemi ən yaxşı halda gündə 50-60 min adamı vaksinasiya etmək imkanına malikdir: “Nazirliyin məcburi COVİD-19 pasportu tələbindən sonra vətandaşlar peyvənd olunmaq üçün səhiyyə müəssələrinə getsələr, səhiyyə sisteminin bu yükü götürməyə imkanı yoxdur. Bu o deməkdir ki, vətəndaşlar vaksinasiya oluna və onlara lazım olan sosial xidmətlərdən istifadə edə bilməyəcəklər. Ona görə də bir qərar qəbul edərkən ciddi şəkildə təhlil edilməli, onun yaradacağı fəsadlar göz önünə gətirilməlidir”.
 
Əmək və Əhalinin Sosial Müdafiəsi Nazirliyi “Toplum TV”-nin “Təşkilatlarda vaksinasiya məntəqələri təşkil olunubmu?” sualına belə cavab verib: "Bu gün ölkəmizdə əhalinin rahat şəkildə COVID-19 infeksiyasına qarşı peyvənd olunmaq və ya COVID-19-dan sağalaraq immunitetə malik olmaları barədə təsdiqedici sənəd (COVİD-19 pasportu) əldə etmək imkanı var”.
 
Nazirlik qeyd edib ki, COVİD-19 pasport tələbi bütün e-xidmətlərə aid deyil: “Pasport əyani qəbul, əyani ünsiyyət və müayinə üçün tələb ediləcək. Nazirliyin e-xidmətlərinin bir qismi var ki, onlarda müraciətə baxılaraq cavablandırılması üçün vətəndaşla əyani ünsiyyət nəzərdə tutulur. Belə hallarda e-xidmətlər üçün vətəndaşın COVİD-19 pasportunun olması tələb edilir”.
 
Nazirlər Kabineti yanında Operativ Qərargahın 10 avqust tarixli məlumatına əsasən gün ərzində birinci mərhələ üzrə vaksinasiya olunanların sayı 39 352, ikinci mərhələ üzrə vaksinasiya olunanların sayı 19 936 nəfər təşkil edib.
 
Azərbaycanda ümumilikdə 2 277 935 nəfərə hər iki vaksin vurulub.
 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Oqtay Əliyev yol qəzasında həyatını itirdi

22 Mart 2023
Əməkdar mədəniyyət işçisi, televizya prodüseri, rejissor Oqtay Əliyev yol-nəqliyyat hadisəsi nəticəsində vəfat edib.  Report xəbər verir ki, O.Əliyevin idarə etdiyi “Toyota Lexus” markalı avtomobil yolun hərəkət hissəsindən çıxaraq aşıb.  Hadisə nəticəsində avtomobildə olan Xalq artisti Mehriban Zəki yaralanıb, mərhumun həyat yoldaşı əməkdar artist Dilarə Əliyeva isə yüngül xəsarətlər alıb. Hadisənin Abşeron rayonu ərazisində baş verdiyi bildirilir. TƏBİB-dən verilən məlumata görə, hadisə zamanı xəsarət alan Mehriban Zəki Sumqayıt Tibb Mərkəzinin nəzdində olan Təcili Tibbi Yardım Xəstəxanasına təxliyə olunub. Ona zəruri tibbi xidmətlər göstərilib, hazırda Reanimasiya şöbəsində müalicəsi davam etdirilir. Vəziyyəti orta ağır olaraq qiymətləndirilir. Baş Dövlət Yol Polisi İdarəsindən isə bildirilib...
Sosial

Bayram günlərinin hava proqnozu açıqlanıb

17 Mart 2023

Açıq mənbələrdən götürülüb

Azərbaycanın rayonlarında istirahət və bayram günlərində gözlənilən hava proqnozu açıqlanıb. Toplum TV xəbər verir ki, bu barədə martın 17-də Milli Hidrometeorologiya Xidmətindən bildirilib.  Məlumata görə, istirahət və bayram günlərində ölkə ərazisində hava şəraitinin əsasən qeyri-sabit keçəcəyi, qısa fasilələrlə yağıntılı olacağı gözlənilir. https://toplum.tv/siyaset/psusaya-ilk-turist-seferleri-baslayirp Martın 19-u axşamdan 24-ü axşamadək ölkə ərazisində hava şəraitinin arabir yağıntılı olacağı gözlənilir. Bəzi yerlərdə intensiv olacağı, dağlıq ərazilərdə qar yağacağı ehtimalı var. Qərb küləyi 21-i axşamdan 23-ü gündüzədək əsasən dağlıq və dağətəyi rayonlarda arabir 18-23 m/s-dək güclənəcək. Gözlənilən yağıntılarla əlaqədar bəzi dağ çaylarında sululuğun artacağı ehtimalı var.

Seçilmiş Videolar

Toplum TV loqo