Sosial

İcbari Sığorta Bürosuna növbəti kiberhücum olub

20 İyun, 2022
96

Açıq mənbələrdən götürülüb

İcbari Sığorta Bürosuna (İSB) edilən kiber hücumu aşkar etmək mümkün olmayıb.

Bu barədə iyunun 20-də APA-ya açıqlamasında Xüsusi Rabitə və İnformasiya Təhlükəsizliyi Dövlət Xidmətinin idarə rəisi Tural Məmmədov deyib.

Onun sözlərinə görə, İcbari Sığorta Bürosunun nə şəbəkə, nə informasiya sistemi, nə də istifadə edilən internet sistemi “Aztexnet”lə əlaqəli deyil. 
"Kiber təhlükəsizliyin təmini ilə bağlı İSB-dən hər hansı müraciət daxil olmayıb. Ona görə də quruma edilən kiber hücumu aşkar etmək imkanımız olmayıb”, - deyə o qeyd edib..

https://toplum.tv/sosial/hekim-men-sehiyyede-ciddi-keyfiyyet-deyisikliyi-musahide-etmirem

Tural Məmmədov bildirib ki, “Aztexnet” sistemi vasitəsilə daha çox dövlət qurumlarının kiber təhlükəsizliyi təmin edilir. Amma sözügedən qurum Azərbaycan Mərkəzi Bankı vasitəsilə müraciət edərsə, onların kibertəhlükəsizliyini həyata keçirmək mümkündür.

Bir müddət əvvəl İSB-nin sisteminə haker qrupu tərəfindən hücum olunmuşdu. Qrup “DarkNet” internet resurslarında dövlət qurumlarına aid avtomobillərlə bağlı datanı dərc etmişdi.

Sosial

Əsgərin özünü öldürdüyü bildirilir

6 İyul 2022

Açıq mənbələrdən götürülüb

Azərbaycan Ordusunun hərbi qulluqçusu intihar edib    Bu barədə iyulun 6-da Baş Prokurorluğun mətbuat xidməti məlumat yayıb.  Bildirilib ki, 5 iyul saat 17 radələrində Azərbaycan Ordusunun müddətli həqiqi hərbi xidmət hərbi qulluqçusu əsgər Tağıyev Rəvan Zeynalabdin oğlunun ona təhkim edilmiş avtomat silahdan atəş açaraq özünü öldürüb. Faktla bağlı Hərbi prokurorluqda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb.     Hazırda istintaq aparılır.  Rəvan Tağıyevin Yevlaxın Salahlı kənd sakini olduğu, hadisənin Laçında baş verdiyi bildirilir.   
Sosial

Koronavirusa yoluxanların sayı artır

6 İyul 2022

Açıq mənbələrdən götürülüb

Azərbaycanda koronavirus infeksiyasına 69 yeni yoluxma faktı qeydə alınıb, 36 nəfər müalicə olunaraq sağalıb. Operativ Qərargahdan iyulun 6-da verilən məlumata görə, ölən yoxdur. İndiyədək ölkədə ümumilikdə 793 506 nəfərin koronavirus infeksiyasına yoluxması faktı müəyyən edilib, onlardan 783 501 nəfər müalicə olunaraq sağalıb, hazırda 287 aktiv xəstə var. Bu günə qədər 9 718 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 2 755, bu günə qədər isə ümumilikdə 6 977 685 test icra olunub.

Seçilmiş Videolar

Toplum TV loqo