Sosial

İcra hakimiyyətləri sükut edirlər: 28 sorğuya 4 cavab

5 Mart, 2021
1167

Açıq mənbələrdən

2020-ci il ərzində Azərbaycanda 129 min yeni iş yerləri açılıb, onların 54,9 faizi qeyri-dövlət sektorunun payına düşüb - Dövlət Statistika Komitəsinin (DSK) hesabatında belə deyilir.

Hesabata görə, yeni iş yerlərinin 69,3 faizi Bakı şəhərinin, 0,7 faizi Naxçıvan Muxtar Respublikasının, 30 faizi digər regionların, o cümlədən 6,6faizi Lənkəran, 6 faizi Gəncə-Qazax, 2,4 faizi Abşeron, 2 faizi Dağlıq Şirvan, 1,5 faizi Şəki-Zaqatala, 1,5 faizi Yuxarı Qarabağ, 1,4 faizi Quba-Xaçmaz, 0,2 faizi isə Kəlbəcər-Laçın iqtisadi rayonlarının payına düşüb.


Hesabatda qeyd olunur ki, yeni açılmış iş yerlərinin 6,2 faizi yeni yaradılmış müəssisə və təşkilatlarda, 74,8 faizi mövcud müəssisə və təşkilatlarda, 0,3 faizi fəaliyyətini bərpa etmiş müəssisə və təşkilatlarda, 18,7 faizi isə digər tədbirlər üzrə yaradılıb.

DSK 2020-ci ildə 20,1 min iş yerinin bağlanmasıı, bunların 28,1 faizinin qeyri-dövlət sektorunun payına düşməsi haqda da məlumat verib.

 “Toplum TV” yeni iş yerlərinin hansı müəssisələrdə yaradıldığını, bağlanan iş yerlərinin hansılar olduğunu öyrənmək üçün fevral ayının 21-də 28 rayonun - Şəmkir, Samux, Goranboy, Göygöl, Daşkəsən, Ağstafa, Tovuz, Qobustan, Ağsu, İsmayıllı, Şamaxı, Laçın, Kəlbəcər, Zaqatala, Şəki, Qazax, Gəncə, Xaçmaz, Quba, Abşeron, Lənkəran, Naxçıvan, Bakı, Gədəbəy, Astara, Lerik və Masallının icra hakimiyyətlərinə informasiya sorğusu göndərib.

Aradan keçən müddət ərzində onların yalnız 4-ü – Lənkəran, Astara, Daşkəsən və Göygöl icra hakimiyyətləri sorğuya cavab yazıblar. Onların da ancaq birində – Daşkəsəndən gələnində sualın cavabı var.     

Lənkəran Şəhər İcra Hakimiyyətinin Sosial-iqtisadi inkişafın təhlili və proqnozlaşdrılması şöbəsinin aparıcı məsləhətçisi Kamran Axundov: 

“Salam!

Müvafiq məlumatları əldə etməkdən ötrü Lənkəran Şəhər Statistika İdarəsi və 15 saylı Ərazi Məşğulluq Mərkəzinin Filialına müraciət etməyinizi tövsiyə edirik”.

Göygöl İcra Hakimiyyəti: 

“Salam, suallarınızı məşğulluq mərkəzinə ünvanlayın”.

Astara İcra Hakimiyyəti:

“Bu məlumatların dəqiqləşdirilməsindən ötrü 15 saylı Ərazi Məşğulluq Mərkəzi filialına müraciət edə bilərsiniz”.

Daşkəsən Rayon İcra Hakimiyyətinin İnformasiya təminatı və təhlil sektoru:

“2020-ci ildə Daşkəsən rayonu üzrə işlə təmin olunanların sayı 330 nəfər olmuşdur.

Ötən il ərzində 306 yeni iş yeri açılıb. 24 nəfərin işlə təminatı isə mövcud müəssisələrdə olub. 

Nə qədər iş yerinin bağlanması barədə statistik hesabatlar hələlik dəqiqləşdirilməyib.

Açılan iş yerlərindən hamısı qeyri-dövlət sektorunun payına düşüb”.

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo