Sosial

İctimai fəallar "Bakı qətliamına son" adlı aksiya keçirib

15 İyul, 2021
540

Toplum TV

"Toplan" Sahibsiz İtlərə Qayğı Mərkəzini qeyri-şəffaf fəaliyyətdə günahlandıran bir qrup ictimai fəal mərkəzin qarşısında "Bakı qətliamına son" adlı etiraz aksiyası keçirib.

Onlar qurumun nümayəndələriylə görüşmək istədiklərini bildirsələr də, buna nail ola bilməyiblər.

12-ci polis bölməsinin əməkdaşları aksiyaya müdaxilə ediblər və aşağıdakı şəxsləri zorakılıqla saxlayaraq polis maşınlarında naməlum istiqamətə aparıblar:

1. Əhməd Məmmədli
2. Rüstəm İsmayılbəyli
3. Kamran Məmməddli
4. Rəvan Axundov
5. Fərid Cabbar
6. Elxan Mirzoyev
7. Nicat İsmayıl
8. Elmir Abbasov.

Sonda aksiya iştirakçısı Aynur Babayeva tədbirin təşkilatçısı "Toplan"tı"nın bəyanatını səsləndirib:

""Toplan" Sahibsiz İtlərə Qayğı Mərkəzi şəhərimizdə evsiz itlərin problemlərini müasir standartlarda və etik üsullarla həll etmək üçün yaradılmış qurum olsa da, praktikada biz bunun tam əksini görürük. Belə ki, "Toplan" mərkəzinin elan edilən iş prinsipləri sahibsiz itlərin yaşadıqları ərazidən tutulması, mərkəzə gətirilməsi, burada qısırlaşdırılıb peyvənd edildikdən sonra qulaqlarına birka taxılaraq həmin əraziyə geri buraxılması üzərində qurulmuşdur. Lakin bu mərkəzin topladığı itlərin az qala hamısı məhv edilməkdədir.
 
Sual veririk: "Toplan" İtlərə Qayğı Mərkəzinin qapıları nə üçün ictimaiyyətə qapalıdır? Qayğı mərkəzində (dünya praktikasında olduğu kimi) könüllü olmaq və oradakı sahibsiz itlərin qayğısına qalmaq, gündəlik işlərə dəstək olmaq istəyən vətəndaşlara nə üçün icazə verilmir? Sakinlərin öz məhəllələrində qayğı göstərdiyi itlər bu qurum tərəfindən götürüldükdən sonra onları sahiblənərək geri götürmək üçün edilən müraciətlərə nə üçün rədd cavabı verilir? Mərkəzin yalnız giriş hissəsinə vətəndaşların daxil olmasına (bəzi hallarda) icazə verildiyi hallarda daxil olmadan öncə mobil telefonları onlardan nə üçün toplanılır? Fəaliyyətə başladığı vaxtdan bu günədək "Toplan" mərkəzi tərəfindən götürülən minumum 44 min itin aqibəti haqqında nə üçün məlumat verilmir? Mərkəz itlərin həyatına son verdikdən sonra onları hansı üsulla ortadan qaldırır?
 
"Toplan" mərkəzinin ictimaiyyət qarşısında şəffaf fəaliyyət aparmasını, qapılarını könüllülərə açmasını, itlərimizə nə edildiyi haqqında bizə məlumat verməsini tələb edir və mərkəzin səlahiyyətli şəxslərini ictimaiyyətdən gizlənməməyə çağırırıq".

Sosial

Nazilik "Meymun çiçəyi" virusu barədə məlumat yayıb

20 May 2022

açıq mənbədən götürülüb

Səhiyyə Nazirliyi son vaxtlar kütləvi şəkildə yayılan “Meymun çiçəyi” virusunun Azərbaycan üçün təhlükəsi olub-olmaması məsələsinə münasibət bildirib. Nazirlikdən “Reporta”a deyilib ki, hazırda həmin virus Azərbaycanda yoxdur və olmaması üçün də yetərincə tədbirlər həyata keçirilir. Nazirliyin mütəxəssis-eksperti, infeksionist Ləman Qalimova qeyd edib ki, “Meymun çiçəyi” nadir virusdur və suçiçəyi xəstəliyinə bənzəyir: “Virusa adətən Qərbi Afrika ölkələrində, xüsusilə də tropik meşələrin yaxınlığında rast gəlinir. Virusun iki əsas ştammı var: Qərbi Afrika və Mərkəzi Afrika. Simptomlara gəlincə, virusun ilk əlamətləri qızdırma, baş ağrısı, şişlik, bel ağrısı, əzələ ağrısı və zəiflik kimi büruzə verir». İnfeksionistin sözlərinə görə, qızdırma azaldıqdan sonra üzdə başlayan səpgilər bədənin digər...
Sosial

Prezident Şuşa Real Məktəbinin bərpasına 1 milyon manat ayırdı

20 May 2022

Wikipedia

Şuşa Real Məktəbi bərpa ediləcək. “president.az”ın məlumatına görə, bununla bağlı İlham Əliyev Sərəncam Sərəncama əsasən, Şuşa şəhərində Şuşa Real Məktəbinin binasının layihələndirilməsi və bərpası məqsədilə Azərbaycan 2022-ci il dövlət büdcəsində işğaldan azad olunmuş ərazilərin yenidən qurulması və bərpası üçün nəzərdə tutulan vəsaitdən Təhsil Nazirliyinə ilkin olaraq 1 milyon manat ayrılıb. Şuşa Real Məktəbinin əsası 19-cu əsrdə qoyulub. 1992-ci ildə Şuşa işğal olunduqdan sonra Şuşa Realnı məktəbi yandırılıb.

Seçilmiş Videolar

Toplum TV loqo