Sosial
İlham Əliyev: “Bütün şəhid ailələrinə dövlət tərəfindən mənzillər, evlər veriləcək”
15 Yanvar, 2021
155

İlham Əliyev

FOTO: https://president.az

"Bütün şəhid ailələrinə dövlət tərəfindən mənzillər, evlər veriləcək”.


Bunu Prezident İlham Əliyev yanvarın 15-də Şuşa şəhərində hərbçilərlə görüşü zamanı deyib.

"Şəhid ailələri üçün müavinət 300 manatdan 500 manata qaldırıldı və daim o ailələr diqqət mərkəzində olacaqlar. Birinci Qarabağ müharibəsində həlak olmuş 9 min şəhidin ailəsinə dövlət artıq mənzillər, evlər vermişdir. Yaralı hərbçilərimiz dövlət tərəfindən qayğı ilə əhatə olunub”.

İlham Əliyev qeyd edib ki, əlil olmuş hərbçilərin reabilitasiyası, onların müasir protezlərlə təmin edilməsi məsələsi həllini tapacaq.

Prezident Şuşaya Füzuli rayonundan keçməklə gedib.

"Qələbə yolu ilə gedirik. Bir daha görürük ki, bu ərazidən, bu meşələrdən keçmək olduqca böyük qəhrəmanlıq idi", - dövlət başçısı deyib və əlavə edib:

"Bu yol Qələbə yolu adlandırılır. Çünki bizim qəhrəman əsgər və zabitlərimiz bu ərazidən keçərək Şuşaya yaxınlaşıb və Şuşanı işğalçılardan azad etmişlər. Ermənilər bizi bu tərəfdən gözləmirdilər. Onların ağlına belə gələ bilməzdi ki, Azərbaycan Ordusu bu yoldan keçə bilər və yaxınlaşa bilər. Onlar bizi başqa yerdən gözləyirdilər və orada möhkəm istehkamlar qurmuşdular. Biz isə həm o istiqamətdə müəyyən manevrlər etmişdik. Amma əsas bizim Şuşaya yol, bax bu, yoldur. Və ermənilər bir də ayıldılar, gördülər ki, azərbaycanlılar Şuşanın yaxınlığındadır. Gözlərinə inana bilmədilər. İndi təsəvvür edin bu yol, on kilometrlərlə ölçülən bu məsafəni, dağlardan, dərələrdən, meşələrdən keçərək qət etmək böyük qəhrəmanlıqdır. Biz ağır texnikanı gətirə bilməmişdik, bu, mümkün deyildi. Ancaq yüngül silahlar və qəhrəmanlıq, əsgər, zabitlərimizin fiziki hazırlığı, mənəvi gücü, iradəsi, Vətən sevgisi bizi bu yollarla-əslində burda yol yox idi, indi bu yaxınlarda bu yol açıldı - bu ərazidən bizi müqəddəs yerimiz olan Şuşaya apardı. Cəmi iki ay ərzində mənim göstərişimlə bu yol açıldı və indi görə bilərsiniz ki, bu sol tərəf bütün qazılan ərazilərdir. Biz Füzulidən, Xocavənd rayonundan keçərək Şuşaya gedə bilək və gedirik”.

Sosial

Son sutkada nə qədər insan peyvənd olunub?

10 Aprel 2021
Azərbaycanda son sutkada koronavirus (COVID-19) əleyhinə 41 827 vaksin vurulub. Nazirlər Kabineti yanında Operativ Qərargahdan aprelin 10-da verilən məlumata görə, bir gündə birinci mərhələ üzrə vaksinasiya olunanların sayı 32 886, ikinci mərhələ üzrə vaksinasiya olunanların sayı 8 941 nəfərdir. Ölkədə vurulan vaksinlərin ümumi sayı 1 153 549, birinci mərhələ üzrə vaksinasiya olunanların ümumi sayı 739 319, ikinci mərhələ üzrə vaksinasiya olunanların ümumi sayı isə 414 230 təşkil edir.
Sosial

Koronavirusa bugünkü yoluxma sayı açıqlandı

10 Aprel 2021

Heinrich-Böll-Stiftung

Azərbaycanda koronavirus (COVID-19) infeksiyasına 2 192 yeni yoluxma faktı qeydə alınıb, 1 554 nəfər müalicə olunaraq sağalıb. Nazirlər Kabineti yanında Operativ Qərargahdan aprelin 10-da verilən məlumata görə, COVID-19 üçün götürülən analiz nümunələri müsbət çıxmış 33 nəfər vəfat edib. Azərbaycanda indiyədək ümumilikdə 283 579 nəfər koronavirus infeksiyasına yoluxub, onlardan 249 013 nəfər müalicə olunaraq sağalıb, 3 879 nəfər vəfat edib, aktiv xəstə sayı 30 687 nəfərdir. Ölkədə son sutka ərzində 14 912, hazırkı dövrədək isə 3 005 197 test aparılıb.
Seçilmiş Videolar