Sosial

Jurnalist: "16 saylı poliklinikada onlayn növbə nəzərə alınmır"

25 Mart, 2021
1950

science.gov.az

Jurnalist Nailə Babayeva Bakıdakı 16 saylı poliklinikada aparılan vaksinasiya prosesindən narazıdır. 

Bu barədə "Turan"a Nailə Balayeva danışıb.
O bildirib ki, martın 24-də həyat yoldaşı Aydın Balayevlə birlikdə Çində istehsal edilən Sinovak (Koronavak) vaksininin birinci dozasını vurdurmaq üçün Bakıdakı 16 saylı poliklinikaya gediblər. 

Onlar Operativ Qərargahın koronavirus infeksiyasına qarşı mübarizə ilə bağlı təlimatına əsasən, əvvəlcədən "randevu.its.gov.az" saytında elektron növbədə qeydiyyatdan keçiblər və mesaj alıblar ki, saat 10.00-11.00 radələrində poliklinikada olmalıdırlar.  

Jurnalist deyir ki, tibb müəssisəsində izdihamla qarşılaşıblar: "Qapının ağzında dayanan əməkdaş bizə üzərində 48 və 49 rəqəmləri yazılmış əzilmiş, dəfələrlə istifadə edilmiş kartonlar verdi. Elektron növbə haqqında suala isə cavabda dedi ki, o boş şeydir, real növbə buradadır, elektron sənəd isə nəzərə alınmır. Heç vaksinasiyaya gələnlərin yaşı da yerində yoxlanılmırdı". 

Balayevalar elektron növbə götürsələr də, onları bir saat gözlədiblər: "Kişi üçün vaksini digər otaqda şprisə dolduran tibb bacısı Lyudmila Qaralovanın iş metodunu gördükdə qəzəbləndik. İzah etməyə çalışdıq ki, sudan deyil, vaksindən istifadə edirsiniz. Məhlulun əvvəlki xəstələr üçün açılmış ampuladan yığılmadığından əmin ola bilmədik".

Jurnalist yaşananlarla bağlı 16 saylı poliklinikanın baş həkimi Sara Cabbarlıya şikayət edib, lakin müsbət cavab almayıb: "Baş həkim dedi ki, siz peyvənd olundunuz, gedə bilərsiniz. Tabeliyimdəki insanla necə rəftar edəcəyimə özüm qərar verəcəyəm".

Balayeva poliklinikadakı izdihamın səbəbini belə izah edib: "Tibbi Ərazi Bölmələrini İdarəetmə Birliyinin(TƏBİB) elektron sistemində vaksinin 18.00-a qədər vurulması mümkünlüyü bildirilsə də, 16 saylı poliklinikada vaksinasiya saat 10.00-dan 14.00-a qədər həyata keçirilir. Saat 17.00-da gələn vətəndaşlar növbəti gün vaksinasiya üçün qayıtmaq məcburiyyətində qalırlar".

"Turan" xəbər verir ki, vaksinasiya ilə bağlı analoji hadisə martın 5-də Xırdalanda 5 saylı məktəb binasında da qeydə alınıb. Belə ki, elektron qeydiyyatdan keçən iqtisadçı Samir Əliyev həyat yoldaşı ilə birlikdə qapalı məktəb binasında izdihamın yaşadığın deyib.

O bildirib ki, növbə gözləyənlərin heç də hamısı maska taxmayıb. Elektron növbə nəzərə alınmadığına görə iqtisadçı canlı növbə tutmaq məcburiyyətində qalıb: "Bu şəraitdə vətəndaşlar koronavirusa yoluxa bilərlər, çünki növbədə dayananlara peyvənd vurulmayıb və onlar riskli yaş qrupuna daxildirlər".

TƏBİB-dən isə bildiriblər ki, vaksinasiya yerlərində izdihamı onlayn növbə götürməyən, həmçinin müəyyən edilmiş vaxtdan tez və ya gec gələn vətəndaşlar yaradır: "Əməkdaşlarımız müəyyən edilmiş vaxta riayət etmədən gələn yaşlı şəxslərə peyvənd vurmaqdan imtina etmirlər". 

TƏBİB vətəndaşların elektron növbədən istifadə etməsində israrlı olduğunu açıqlayıb, həmçinin qeyd edib ki, onlayn qeydiyyatdan keçə bilməyənlər kömək üçün yaşadıqları ərazi üzrə poliklinikaya müraciət edə bilərlər.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Deputat: Selektiv abortlar baş alıb gedir  

29 Noyabr 2023

Açıq mənbələrdən götürülüb

"Selektiv abortlar baş alıb gedir. Bu, qanunla bu qadağandır. Buna riayət etmək lazımdır" Toplum TV "Trend"-ə istinadən məlumat verir ki, bunu noyabrın 29-da Milli Məclisin Səhiyyə komitəsinin sədri Əhliman Əmiraslanov parlamentdə müzakirə zamanı deyib. "Azərbaycanda müasir tibbi avadanlıqlar var ki, hamilə vaxtı ən xırda patologiyanı belə aşkara çıxarır. Selektiv abortların qarşısının alınması üçün maarifləndirmə işləri gücləndirilməlidir”, - deyə o əlavə edib. https://toplum.tv/sosial/pazerbaycan-selektiv-aborta-goumlre-duumlnya-birincisi-olaraq-qalirp Milli Məclisdə “Ailə sağlamlığı və dəyərləri qanunvericilik aspektində” mövzusunda ictimai dinləmə keçirilir. İclasda səhiyyə nazirinin müavini İlqar Qasımov, elm və təhsil nazirinin müavini Firudin Qurbanov, əmək və əhalinin sosial müdafiəsi nazirinin mavini Vüsal Nəsirli, deputatlar və digər qonaqlar...
Sosial

Dünya Bankı: Azərbaycan su qıtlığı ilə üzləşəcək

29 Noyabr 2023

Açıq mənbələrdən götürülüb

Azərbaycan qlobal miqyasda baş verən dekarbonizasiyanın təsirinə birbaşa məruz qalan ölkədir. Toplum TV APA-ya istinadən xəbər verir ki, bunu Dünya Bankının Azərbaycan üzrə yeni təyin olunmuş ölkə meneceri Stefanie Stallmeister jurnalistlərə açıqlamasında deyib. https://toplum.tv/sosial/azerbaycanda-su-qitligi-ile-uzlesecek-olkeler-sirasindadir Onun sözlərinə görə, Azərbaycan növbəti illərdə həm su qıtlığı, həm də esktremal isti hava kütləsi ilə üzləşəcək:  “Bu xüsusən kənd təsərrüfatında öz təsirini göstərəcək. Qeyd edim ki, iqlim və inkişaf perspektivləri ilə bağlı hazırlanan hesabat həm ölkələrin inkişaf perspektivlərini təhlil edir, həm də iqlim dəyişikliyi nöqteyi-nəzərindən araşdırmalara imkan verir”. Bundan əvvəl məlum olmuşdu ki, 2040-cı ilədək Azərbaycan ən çox su problemi olan 33 həssas ölkə arasında...

Seçilmiş Videolar

Toplum TV loqo