Sosial

Jurnalistlə MSK arasında məhkəmə davam edir

22 İyul, 2021
152

İyulun 22-də Bakı İnzibati Məhkəməsində "Arqument.az" saytının Mərkəzi Seçki Komissiyasına (MSK) qarşı iddiasına baxılıb.

Bu barədə "Toplum TV"yə saytın baş redaktoru Şəmşad Ağa məlumat verib.

O bildirib ki, məhkəmə prosesi 2020-ci ilin fevral ayından davam edir.

Jurnalistin dediyinə görə, MSK onun 2020-ci ilin fevral ayında növbədənkənar parlament seçkiləri ilə bağlı göndərdiyi informasiya sorğusunu təmin etməyib.

"2020-ci il fevral ayının 9-da keçiriləcək növbədənkənar Parlament seçkiləri ilə bağlı informasiya sorğusu göndərmişdik. Orada qeyd etmişdik ki, seçkidə iştirak edən və "exit-poll" keçirən keçirən təşkilatlarla bağlı məlumat verilsin. Amma MSK bu sorğuya cavab vermədi. Pandemiya dövründə məhkəmə bir neçə dəfə təxirə salınsa da, indiyə qədər bir neçə məhkəmə prosesi keçirilib, amma MSK məhkəməyə heç bir nümayəndə göndərməyib. Bugünkü məhkəmədə də nümayəndələri iştirak etmədi və hakim Elvin Əliyev məhkəmə prosesini oktyabr ayının 13-dək təxirə saldı", - Şəmşad Ağa belə deyib.

Jurnalist deyir ki, MSK Azərbaycan Respublikası Konstitusiyasının 50-ci maddəsini, habelə "İnformasiya əldə etmək haqqında" Qanunun və "KİV haqqında" Qanunun tələblərini kobud şəkildə pozub: "Həmin informasiyalar dövlət sirri deyil, açıq informasiyalardır, amma MSK onları hərbi və kommersiya sirri kimi gizlədib heç bir məlumat vemədi".

Ş. Ağa deyib ki, prosesi davam etdirməkdə israrlıdır və məhkəmədən tələb edir ki, MSK-nın qanun pozuntusunu qeydə alsın.

Sosial

İki dəfə vaksin vurduranların sayı 2 milyonu keçdi

29 İyul 2021

BBC

Azərbaycanda son sutkada koronavirus (COVID-19) əleyhinə 84 247 vaksin vurulub. Bu barədə iyulun 29-da Nazirlər Kabineti yanında Operativ Qərargah məlumat yayıb. Qeyd edilib ki, bir gündə birinci mərhələ üzrə vaksinasiya olunanların sayı 46 638, ikinci mərhələ üzrə vaksinasiya olunanların sayı 37 609 nəfərdir. Ölkədə vurulan vaksinlərin ümumi sayı 4 798 286, birinci mərhələ üzrə vaksinasiya olunanların ümumi sayı2 777 752, ikinci mərhələ üzrə vaksinasiya olunanların sayı isə 2 020 534 təşkil edir.
Sosial

Son sutkada yoluxanların sayı

29 İyul 2021

Sosial Media

Azərbaycanda koronavirus (COVID-19) infeksiyasına 615 yeni yoluxma faktı qeydə alınıb, 181 nəfər müalicə olunaraq sağalıb. Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 5 nəfər vəfat edib. İndiyədək ölkədə ümumilikdə 342 548 nəfərin koronavirus infeksiyasına yoluxması faktı müəyyən edilib, onlardan 332 574 nəfər müalicə olunaraq sağalıb, 5 019 nəfər vəfat edib. 4 955 nəfər aktiv xəstə sayını təşkil edib. Son sutka ərzində yeni yoluxma hallarının müəyyənləşdirilməsi ilə əlaqədar 10 423, bu günə qədər isə ümumilikdə 4 014 073 test icra olunub.
Seçilmiş Videolar