Jurnalistlərin binasına görə daha bir nəfər cinayət məsuliyyətinə cəlb olundu
Telegraf.com
Binanın komendantı KİVDF ilə bağlı cinayət işi üzrə təqsirləndirilən şəxs qismində tanınıb
Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) sədri Vüqar Səfərli və digərlərinin işi üzrə daha bir nəfər məsuliyyətə cəlb olunub.
Bu da paytaxtın Səbail rayonu, Bibiheybət qəsəbəsində yerləşən, jurnalistlər binasının komendantı Binyamin İsmayılovdur.
Baş Prokurorluğun mətbuat xidmətinin yaydığı xəbərə görə, Binyamin İsmayılov təqsirləndirilən şəxs qismində cəlb olunub.
Onun barəsində polis nəzarətinə vermə qətimkan tədbiri seçilib.
Bu cinayət işinin istintaqı Baş prokuror yanında Korrupsiyaya qarşı Mübarizə İdarəsində aparılır. Fondun həbsdə olan keçmiş rəhbəri Vüqar Səfərliyə qarşı Cinayət Məcəlləsinin 179.4 (xüsusilə külli miqdarda mənimsəmə və ya israfetmə), 308.2 (vəzifə səlahiyyətlərindən sui-istifadə etmə ağır nəticələrə səbəb olduqda), 308-2.4 (satınalma prosedurları keçirilmədən külli miqdarda ziyan vurmaqla dövlət vəsaitlərini xərcləmə) maddələri ilə ittihamlar irəli sürülüb. Cinayət işində başqa pozuntu hallarıyla yanaşı, həm də jurnalistlər üçün binaların tikintisində yeyintilərdən bəhs olunur. Ona görə, Vüqar Səfərli ilə yanaşı, binanı inşa etmiş "Portos” MMC-nin direktoru Nadir Məmmədov da həbs olunub.
Vüqar Səfərlinin əmlaklarının, bank hesabının üzərinə məhkəmə qərarı əsasında həbs qoyulub.
Vüqar Səfərli 2013-2019-cu illər ərzində jurnalistlər üçün yaşayış binalarının tikintisi məqsədilə rəhbərlik etdiyi Fonda ayrılmış vəsaiti layihə və smeta sənədlərində şişirdib, işlərin və materialların dəyərini artıq göstərməkdə, bu qurum üçün daha ağır şərtlərlə icarə müqaviləsi bağlamaqda, öz ailə üzvünün adına təsis olunmuş "Futbol+qol” qəzetinə 2015-2019-cu illər ərzində 300 min manat vəsait ayırmaqda və başqa əməllərdə ittiham olunur.
O, 2009-cu ildə Fondun icraçı direktoru vəzifəsinə təyin edilib. 2020-ci ildə bu vəzifədən azad edilib.
Vüqar Səfərli YAP-ın Nərimanov rayon təşkilatının sədr müavini olub, 2021-ci ildə - həbsindən sonra bu vəzifədən azad edilib.( Meydan TV)
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər
Açıq mənbələrdən götürülüb
Açıq mənbələrdən götürülüb
Makron Avropadakı müttəfiqləri qorxaq olmamağa çağırıb
Neft gəlirləri ədalətli bölünürmü? - SORĞU
İranla münasibətlər bərpa olunur, azərbaycanlı diplomatlar qayıdacaq
"Arxa cəbhədə olmuşuq deyə veteranlıq vermirlər"
Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər