Sosial

Kəramət Böyükçöl: “Əjdər Ol ömür boyu təriflədiyi siyasi sistemin qurbanı olub”

9 Fevral, 2021
4335

Sosial Media

“Əjdər müəllim dostumuzdur, ancaq Səlim Müslümovun yanında aparat rəhbəri işləyib, təmiz bir adam olmaq inandırıcı görünmür. Dostumuz, qələm adamı olmasına baxmayaraq, hesab edirəm ki, rüşvətdə əli olmasa, həbs olunmazdı”.

Yazıçı Kəramət Böyükçöl bir müddət əvvəl rüşvət almaqda günahlandırılan məmur-yazıçı Əjdər Olun həbsini belə qiymətləndirir.

Onun sözlərinə görə, Əjdər Ol ömürü boyu təriflədiyi, səfasını gördüyü siyasi sistemin qurbanı olub: “Yenə də adamın içindən keçir ki, qələm dostunu bir şəkildə müdafiə eləsin. Ancaq nə deyib müdafiə edək? Canı bahasına müdafiə etdiyi ideyalar uğrunda tutulmayıb ki, biz də deyək söz, fikir azadlığına ölkədə belə əngəllər var”.

K.Böyükçöl bu həbsin Azərbaycan Yazıçılar Birliyinin nüfuzuna təsir edib-etməməsi məsələsinə isə ritorik cavab verib: “Yazıçılar Birliyinin özü bir ləkədir, ləkəyə necə bir ləkə gətirmək olar? Aydan arı, sudan duru bir qurum deyil ki, kimsə nüfuzuna xələl gətirsin... Ümumiyyətlə, məmur işləyən yazıçı və şairlərin elə hamısı potensial “Əjdər Ol”dur. İndi araşdırılsa ki, prezidentin Yazıçılar Birliyinə, şair və yazıçılar üçün ayırdığı pullar hara gedib? Məlum olacaq ki, o pullar şəxsi ciblərə gedib”.

Azərbaycan Yazıçılar Birliyinin üzvü, "Əjdər Ol” təxəllüsüylə tanınan şair-publisist Dövlət Təhlükəsizliyi Xidmətinin (DTX) İstintaq Baş İdarəsində başlanmış cinayət işi üzrə məsuliyyətə cəlb olunub.
Əjdər Ol yazıçı olmaqla bərabər, Əmək və Əhalinin Sosial Müdafiəsi Nazirliyində aparat rəhbəri vəzifəsini icra edirdi. Keçmiş Aparat rəhbəri vəzifə səlahiyyətlərini aşmaqda, rüşvət almaqda təqsirləndirilir.

O, keçmiş nazir Səlim Müslümovla eyni cinayət işi üzrə təqsirləndirilir. Onların hər ikisinə qarşı Cinayət Məcəlləsinin 308 (vəzifə səlahiyyətlərindən sui-istifadə etmə), 311 (rüşvət alma) və 313-cü (vəzifə saxtakarlığı) maddələrilə ittihamlar irəli sürülüb.
Məhkəmənin qərarı ilə Ə.Cəbiyev barəsində ilkin istintaq dövrü üçün 4 aylıq həbs-qətimkan tədbiri seçilib. Həm o, həm də S.Müslümov DTX-nın istintaq təcridxanasında saxlanılır.

Keçmiş nazir və aparat rəhbərinə hazırda verilmiş ittihamlarda 12 ilə qədər azadlıqdan məhrumetmə cəzası nəzərdə tutulub.

Rəşad Məcid: "İnanmıram ki, onun bu məsələlərdə əli olsun"

Rəşad Məcid - Sosial media

Yazıçı, jurnalist Rəşad Məcidsə bu həbsin ciddi məsələ olmağını güman edir və inanır ki, yazıçı tezliklə azadlığa qovuşacaq: “Yazıçılar Birliyinin millət vəkilləri, məmur, nazir, rektor kimi üzvləri var: Əjdər Ol da onlardan biri - gözəl şair, yazıçıdır. Azərbaycanda nazirlərinin çoxu həbsdədir. Bu hökumətə xələl gətirir ki? Əjdər Olun günahı sübut olunmayıb. Ola bilsin ki, bu anlaşılmaz şikayətlərlə əlaqədar olsun. Mən inanmıram ki, onun bu məsələlərdə əli ola bilər”.

“Əjdərin Azərbaycan poeziyası, ədəbiyyatı qarşısında böyük xidmətləri var: Vətənpərvərlik, dövlətçilik mövzusunda yazılan əsərlərin müəllifidir”, - deyə o fikrini tamamlayıb.

Rasim Qaraca: “Onun həbsini daha çox Azərbaycanın amansız reallığı adlandırmaq olar”

Rasim Qaraca

FOTO:Sosial media

Yazıçı Rasim Qaracaya görə, Əjdər Ol hər zaman dövlətçilik mövqeyində duran, Heydər Əliyev haqqında kitab yazan, eyni zamanda yüksək ədəbi istedadı olan yazıçıdır.
“Güman edirəm Əjdərin bu reallığı yazması üçün fürsəti olacaq. O ki qaldı Yazıçılar Birliyinə, onsuz da ləkəli olan bu təşkilatın nüfuzu ilə Əjdərin həbsinin az əlaqəsi var”, - deyə o bildirib.
 

Faiq Balabəyli: "Əjdər Olun yaradıcılığı Azərbaycan xalqına xidmət idi"

Faiq Balabəyli

FOTO:Sosial media

Şair Faiq Balabəyli isə Əjdər Olun yaradıcılığını Azərbaycan xalqına xidmət kimi dəyərləndirir: “Hər hansı neqativ hal olubsa, sözsüz, nazirliyin səlahiyyətli şəxslərinin bundan xəbəri olmalıydı”.

F.Balabəyli Əjdər Ola ədəbiyyat adamı kimi rəğbəti olduğunu deyir: “Məmur kimi deyə bilmərəm necə işləyib, amma bildiyim qədəri ilə bu dövrdə hər kəs ondan razı olub”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Zəlzələdən sonra Səngəçalda qala divarlarının üzə çıxdığı iddia edilir

8 Dekabr 2023

Sosial Media

Səngəçalda zəlzələdən sonra üzə çıxdığı güman edilən qala divarları ilə bağlı əraziyə baxış keçirilir. Toplum TV APA-ya istinadən xəbər verir ki, bu barədə dekabrın 8-də Mədəni İrsin Qorunması, İnkişafı və Bərpası üzrə Dövlət Xidmətindən bildirilib.  “Sosial mediada yayılan videogörüntülərə görə, dünənki zəlzələdən sonra Səngəçalda Otman Bozdağ vulkanına yaxın ərazidə qala divarları üzə çıxıb”, - açıqlamada qeyd olunub.  https://toplum.tv/sosial/pxezerde-guumlcluuml-zelzele-qeyde-alinibp Bildirilib ki, məlumatın həqiqi olub-olmamasını yoxlamaq üçün hazırda əraziyə mütəxəssis qrupu göndərilib. Dekabrın 7-də Altıağac stansiyasından 51 km şimal-şərqdə, Xəzər dənizində zəlzələ qeydə alınıb. Məlumata görə, yeraltı təkanlar 5,6 maqnitudada baş verib, zəlzələ ocağı 68 km dərinlikdə yerləşib.
Sosial

Şuşada da mina partlayışı baş verib

7 Dekabr 2023

Açıq mənbələrdən götürülüb

Şuşa şəhərində mina partlayışı baş verib, xəsarət alan var. Toplum TV xəbər verir ki, bu barədə Daxili İşlər Nazirliyi məlumat yayıb. Bildirilir ki, hadisə dekabrın 7-də saat 11:15 radələrində Şuşa şəhəri Tar sexi ərazisində baş verib. Belə ki, elektrik təsərrüfat sahəsində çalışan Lerik rayon sakini, 1987-ci il təvəllüdlü Rahim Həbibovun minaya düşməsi ilə bağlı polisə məlumat daxil olub. Məlumata görə, o, polis əməkdaşlarının köməyi ilə ərazidən çıxarılaraq xəstəxanaya təxliyə edilib. Hadisə ilə bağlı araşdırma aparılır. Xatırladaq ki, bu gün Füzuli rayonunun Horadiz qəsəbəsində  də mina partlayışı qeydə alınıb. Hadisə nəticəsində bir nəfər xəsarət alıb.

Seçilmiş Videolar

Toplum TV loqo