Sosial

Kuryerlərin mətbuat konfransı: 2000-dək kuryer "Wolt"u boykot edib 

Samirə Əli
5 Sentyabr, 2022
421

Açıq mənbələrdən götürülüb

"Wolt" şirkətinin bir qrup kuryeri sentyabrın 5-i "Caspian Platform"da mətbuat konfransı keçirib.  
 
Konfrans "D18 Hərəkatı"nın işçi masasının təşkilatçılığı ilə baş tutub. 
  
Təşkilatçı Afiəddin Məmmədov deyib ki, onlar əsasən üç tələblə çıxış ediblər: "Birincisi, ikili sifarişlərdə hər sifariş götürüldüyü yerdən, çatdırıldığı yerə hesablansın, ikincisi, hər 100 metr üçün tarif üç qəpikdən altı qəpiyə qaldırılsın, üçüncüsü də, yol xəritəsi "Waze" və ya "Google Maps" kimi dünyaca tanınmış proqramlar olsun". 

Onun sözlərinə görə, kuryerlərin tələbləri yerinə yetirilməyincə etirazlar davam edəcək: "Biz hər gün bölgə-bölgə kuryerlərlə görüşürük, boykotla bağlı ətraflı məlumat veririk. Kuryerlər isə öz növbəsində boykotu davam etdirəcəklərini bildiriblər". 
 
Kuryer Orxan Zeynalov deyir ki, bu il aprelin 21-dən boykota başlayıb: "Bir çox kuryer həmkarlarımız həmin ərəfədə boykota qoşulmadı. Bunun səbəbi Qurban bayramı ilə bağlıydı. Şirkət də öz növbəsində sifarişlərin azlığını bayramla əlaqələndirmişdi. Amma sonradan gördük ki, vəziyyət dəyişmir, əksinə, tariflər aşağı düşür. Əgər biz apreldə qiymətin 1 manat 60 qəpik olmasına görə şirkəti boykot edirdiksə, bu gün tariflər 1 manat 50 qəpiyə düşüb". 

https://toplum.tv/sosial/baki-tikis-evinin-onunde-izdiham-valideynler-etiraz-edirler
 
"Əgər "Wolt"u  restoran kimi təsəvvür etsək, biz o şirkətin ofisiantlarıyıq. Şirkətin inkişaf etməsində əməyi keçən, həyati təhlükə ilə üz-üzə qalan bizlərik. Həyatımız iki təkər üzərindədir. Sual yaranır: bəs mən bir işçi kimi bu şirkət üçün hansı yerdəyəm ki, mənə verilən dəyər ən aşağı səviyyədədir? ", - deyə kuryer bildirib. 
 
Kuryerlərdən İsa Aşumov çatdırılma zamanı istifadə etdikləri nəqliyyata çəkilən xərclərə diqqət çəkib: "Ayda 80 manat təkcə motosikletin yağlanmasına sərf edirik. Bundan başqa, benzin, kontur, sığorta xərclərimiz də var. Nəzərə alsaq ki, kuryerlərin bir çoxu tələbələrdir və onlar həm də qaldıqları kirayə ev üçün də pul qazanmalıdır, gündəlik 17-18 manat qazancla bu xərcləri qarşılamaq absurd görünür". 
 
Kuryerlər şirkət rəhbərliyini ədalətli olmağa çağırıb. Onlar düşünürlər ki, şirkət insan haqlarına qərəzli yanaşır. 
  
Konfransda iştirak edən kuryerlər daşınma haqqının endirilməsinə etiraz əlaməti olaraq digər kuryer yoldaşlarına “Wolt”u boykot etmələrinə çağırış ediblər.  
 
Təşkilatçı Afiəddin Məmmədovun sözlərinə görə, hazırda 2000-dək kuryer "Wolt" şirkətini boykot edib. 
 
"Wolt" yemək daşıma şirkəti 2014-cü ildə Sluş Miki Kuusinin tərəfindən qurulub.  
 
Mənzil qərargahı Helsinki şəhərində yerləşir.  
 
Şirkət 2019-cu ildə Azərbaycanda fəaliyyətə başlayıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Jurnalist həbs olundu, həmkarı məhkəməyə təşəkkür etdi

Samirə Əli
26 Yanvar 2023
Jurnalist Aydın Canıyev bir ay müddətinə inzibati həbs edilib. Toplum Tv xəbər verir ki, bu barədə elektron məhkəmə sistemində qeyd olunub.  Işə baxan hakim Murad Məmmədov olub. İnzibati xətalar məcəlləsinin 388-1.1.1 (İnformasiyadan istifadə edilməsi, onun yayılması və mühafizəsi qaydaları əleyhinə olan inzibati xətalar) maddəsi ilə ittiham olunub. Jurnalist Eynulla Fətullayev facebook hesabında iddia edib ki, Aydın Canıyev onun barəsində təhqir işlətdiyi üçün Baş Prokurorluğa müraciət edib: “Hörmətli baş prokurora və məhkəməyə təşəkkür edirəm”, Eynulla Fətullayevin Aydın Caniyevin həbsinə reaksiyası belə olub. Jurnalist Aydın Canın facebook səhifəsində Yasamal məhkəməsinin jurnalistə bir aylıq inzibati həbs verildiyi qeyd olunub. “ Eynulla Fətullayevin Baş...
Sosial

Dövlət Gömrük Komitəsinin 2 əməkdaşı rüşvətə görə saxlanılıb

26 Yanvar 2023
Baş prokuror yanında Korrupsiyaya qarşı Mübarizə Baş İdarəsi Dövlət Gömrük Komitəsinin Aksizli mallar İdarəsində keçirdiyi əməliyyat nəticəsində iki nəfər saxlanılıb, onlar barəsində məhkəmənin qərarı ilə həbs qətimkan tədbiri seçilib. Bu haqda Baş Prokurorluqdan Toplum TV-yə verilən məlumatda deyilir.  Saxlanılanlar Şahin İskəndərov və Cavid Məmmədovdur, onlara qarşı Cinayət Məcəlləsinin 311.2 (rüşvət alma) və 311.3.2-ci (təkrar rüşvət alma) maddələrilə ittiham elan edilib. Bildirilir ki, Baş Gömrük İdarəsinin Gömrük dəyərləndirilməsi və risklərin idarə olunması şöbəsinin əməkdaşı Şahin İskəndərovun ölkəyə gətirilmiş avtomobillərə görə ödəniləcək rüsum və digər xərclərin azaldılması müqabilində rüşvət almasına əsaslı şübhələr müəyyən edilib. Sözügedən qurumun Şirvanlı Gömrük Postunun əməkdaşı Cavid Məmmədovun...

Seçilmiş Videolar

Toplum TV loqo