Sosial

Ləğv olunan pensiyalar hesabına hökumət qənaət edib

Vüsalə Mikayıl
21 İyun, 2022
111

Açıq mənbələrdən götürülüb

Fazil Talıblı: Büdcə vəsaitlərinin əsassız əlillik və pensiya işləri üzrə qanunsuz axınının, mənimsənilməsinin qarşısı alınıb.

20 iyunda ““Azərbaycan Respublikasının 2022-ci il dövlət büdcəsi haqqında” Azərbaycan Respublikasının Qanununda dəyişiklik edilməsi barədə” qanun layihəsinin (birinci oxunuş) müzakirəsi baş tutub.

Müzakirədə Milli Məclisin İqtisadi siyasət, sənaye və sahibkarlıq və Əmək və sosial siyasət komitələri iştirak edib.

Birgə iclasda Əmək və əhalinin sosial müdafiəsi nazirinin müavini Anar Kərimov 791 milyon manat pensiya vəsaitinin mənimsənilməsinin qarşısının alındığını söyləyib:

“Pensiya sistemində aparılan sağlamlaşdırma tədbirləri, habelə məhkəmə qərarlarına nəzarətin gücləndirilməsi nəticəsində mənimsənilməsinin qarşısı alınmış vəsaitin həcmi indeksasiya standartları tətbiq edilmədən 711 milyon manat, indeksasiya tətbiq edilərsə, 791 milyon manat təşkil edir”.

https://toplum.tv/sosial/nazirlik-qazilerin-telebine-piarla-cavab-verir

Əmək və Əhalinin Sosial Müdafiə Nazirliyinin mətbuat katibi Fazil Talıblı Toplum TV-yə mənimsənilmələrin qarşısını nazirliyin necə alması prinsiplərini açıqlayıb.

Fazil Talıblı - Açıq mənbələrdən götürülüb

Qurum sözcüsü “son illər aparılan köklü sosial islahatlar arasında əhalinin sosial müdafiəsi sistemində şəffaflıq və ünvanlılığın təminatı” olduğunu vurğulayır:

“Bu da əsassız əlillik və pensiya işlərinin aşkar edilərək qarşısının alınmasına imkan verib. Həm də büdcə vəsaitlərinin həmin əsassız əlillik və pensiya işləri üzrə qanunsuz axınının, mənimsənilməsinin qarşısının alınmasına imkan verib”.

Fazil Talıblı "mənimsənilməsinin qarşısı alınmış vəsaitlər" deyərkən də həmin vəsaitlərin nəzərdə tutulduğunu əlavə edib.

Sosial

Koronavirusdan ölüm faktı qeydə alınıb

5 İyul 2022

Açıq mənbələrdən götürülüb

Azərbaycanda koronavirus infeksiyasına 49 yeni yoluxma faktı qeydə alınıb, 12 nəfər müalicə olunaraq sağalıb. Operativ Qərargahdan iyulun 5-də verilən məlumata görə, nəticələri pozitiv çıxan 1 nəfər ölüb. İndiyədək ölkədə ümumilikdə 793 437 nəfərin koronavirus infeksiyasına yoluxması faktı müəyyən edilib, onlardan 783 465 nəfər müalicə olunaraq sağalıb, hazırda 254 aktiv xəstə var. Bu günə qədər 9 718 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 2 403, bu günə qədər isə ümumilikdə 6 974 930 test icra olunub.
Sosial

Sosial yardım ala bilməyən vətəndaş: Aylıq gəlirimiz 60-70 manatdı, necə yaşayaq?

Günel Manaflı
5 İyul 2022

Açıq mənbələrdən götürülüb

Qax rayonunun Tasmalı kənd sakini Məmmədova Gülpəri maddi vəziyyətinin çox ağır olduğunu deyir. 10 ildir ailə həyatı quran G. Məmmədovanın həyat yoldaşı heç yerdə işləmir. Dolanışıqlarını yoldaşının ot satmaqla, odun doğramaqla və mal-qara otarmaqla qazandığı az vəsaitlə təmin edirlər. Biri əkiz olmaqla 4 və 6  yaşlarında üç körpə övladının olduğunu deyən G. Məmmədova sosial yardım almaq üçün aidiyyatı qurumlara müraciət etsə də, müsbət cavab almayıb: “Evimizi zəlzələ olan zaman dövlət tikib. Vəziyyətimizin çətinliyi və sosial yardım almaq istəyimizlə bağlı 1 il yarım əvvəl prezidentə məktub yazdıq. Prezident Administrasiyasından Qax rayon İcra Hakimiyyətinə məktub göndərildi ki, bizim işimizə baxılsın. İcra Hakimiyyəti...

Seçilmiş Videolar

Toplum TV loqo