Sosial

Məhbus anası: Oğlumdan işgəncə ilə ifadə almaq istəyirlər

Aytac Məmmədli
12 Avqust, 2022
551

Açıq mənbələrdən götürülüb

"Oğlumu dubinkayla döyüblər, elektroşok veriblər, əllərinin, ayaqlarının damarlarını partladıblar"

"Toplum TV"-yə danışan Yeganə Dadaşzadə oğlunun “Bandotdel”də (Baş Mütəşəkkil Cinayətkarlıqla Mübarizə İdarəsi) işgəncəyə məruz qaldığını iddia edir.

Onun oğlu - Sadiq Dadaşzadə təkrar törərdiyi qanunsuz narkotik dövriyyəsi cinayətinə görə 18 aylıq həbs cəzası çəkir.

Qadının sözlərinə görə, oğlu 14 saylı Cəzaçəkmə Müəssisəsində olarkən başqa bir cinayətin istintaqı üçün Ağdaşa aparılıb. Ağdaş Rayon Polis Şöbəsində dindirildikdən sonra isə polis əməkdaşlarından birinin şəxsi maşınıyla “Bandotdel”ə aparılıb.

"Oğluma səhərdən axşama qədər işgəncə ediblər, dubinkayla döyüblər, elektroşok veriblər, əllərinin, ayaqlarının damarlarını partladıblar", - deyə Y. Dadaşzadə söyləyir.

O qeyd edir ki, hadisənin səhəri günü oğlunu yenidən Ağdaş Rayon Polis Şöbəsinə gətiriblər. Hadisədən xəbər tutan ana oğlu ilə görüşmək istəsə də, ona icazə verməyilər.

https://toplum.tv/multimedia/polise-qarsi-ifade-verdi-hebs-olundu

"Mən oğlumu görmək istəyirdim deyə onu tez Ağdaşdan Şəkiyə apardılar. Mən də Şəkiyə getdim. Axırda mənə iki saatlıq görüş verdilər. Amma o iki saatın yarısını dayana bilmədik. Oğlum böyük bayıra çıxanda qanadığını dedi, gördüm, əl-ayağında damarları partlayıb, dedi, qabırğam da sınıb. Həkim istədik, gətirmədilər", - Yeganə Dadaşzadə deyir.

Qadının sözlərinə görə, şöbənin əməkdaşları da onun müraciətinə laqeyd yanaşıblar: "Dedim oğlum pis hala düşüb, dedilər, ölməyib ki..."

Yeganə Dadaşzadə iddia edir ki, oğluna işgəncəni dostu əleyhinə ifadə almaq məqsədilə veriblər.

"Oğlumun dostlarından birinin oğurluq etdiyindən şübhələnirlər. Oğlumu da şahid kimi danışdırmaq istəyirlər ki, etiraf etsin ki, guya dostu oğrudur. Onlara nə var, adamdır da, narkotikdən tutulub, əllərinə düşüb, istifadə edirlər. Axı oğlum elə bir şey görməyib, niyə zorla onun boynuna qoymağa çalışırlar?"- qadın sual edir.

Y. Dadaşzadə Ağdaş Rayon Polis Şöbəsinin əməkdaşlarından şikayətçi olduğunu bildirir.

O, məsələ ilə bağlı Daxili İşlər Nazirliyinə (DİN) də müraciət edib, nazirlik əməkdaşları ona işin nəzarətdə olduğunu bildiriblər.

DİN: “İddialar əsassızdır”

DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov isə Toplum TV-nin sorğusuna cavab olaraq bildirib ki, Sadiq Dadaşzadəyə qarşı polis əməkdaşları tərəfindən fiziki güc tətbiq olunması, eləcə də qanunsuz tələblər irəli sürülməsi ilə bağlı iddialar əsassızdır.

“O, rayonda baş verən oğurluq hadisələrində şübhəli bilindiyi üçün məhkəmə qərarı əsasında Penitensiar Xidmətin cəzaçəkmə müəssisəsindən Ağdaş Rayon Polis Şöbəsinə gətirilib. Dindirildikdən sonra yenidən həmin müəssisəyə qaytarılıb. Onun Daxili İşlər Nazirliyinin başqa bir struktur qurumuna aparılması ilə bağlı qeyd edilən fikirlər isə həqiqəti əks etdirmir”, - deyə DİN əməkdaşı bildirib.

Hüquqşünas: “Nazirliyin araşdırma belə aparmadan verdiyi cavab onu göstərir ki…”

Sadiq Dadaşzadənin anasına hüquqi yardım göstərən hüquqşünas Səməd Rəhimli deyir ki, prokurorluq fakt üzrə araşdırma aparmalıdır.

https://toplum.tv/multimedia/sikayetci-pulsuz-dermanlari-bele-ala-bilmirik

“Bundan əlavə də intizam icraatını aparmaq səlahiyyəti Daxili İşlər Nazirliyindədir. Lakin nazirliyin araşdırma belə aparmadan verdiyi cavab onu göstərir ki, bundan sonra da səmərəli araşdırma olmayacaq”, - hüquqşünas qeyd edir.

Səməd Rəhimli - Əkinçi

Səməd Rəhimli deyir, təcrübədə belə hallarla tez-tez qarşılaşmaq olur: “Bundan əvvəl də Daxili İşlər Nazirliyində pis rəftar və işgəncə hallarıyla bağlı şikayətlər olub. Lakin nazirlik və prokurorluq orqanları tərəfindən bu şikayətlər səmərəli şəkildə araşdırılmayıb”. 

Hüquqşünas bildirir ki, ölkə daxilində effektiv araşdırma aparılmasa, şikayətçilərin Avropa İnsan Hüquqları Məhkəməsinə müraciət etmək hüquqları var: “Hətta işi davam etdirmək iradələri olsa, udmaq perspektivləri də var”.

S. Rəhimlinin dediyinə görə, Avropa Məhkəməsi indiyədək 30-dan artıq işdə Azərbaycanda pis rəftar və işgəncə faktlarıyla bağlı səmərəli araşdırma aparılmadığına dair pozuntu qərarları çıxarıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azərbaycanda Türkiyəyə ianələrlə bağlı komissiya haqqı ləğv edildi

8 Fevral 2023

Açıq mənbələrdən götürülüb

Azərbaycanda fəaliyyət göstərən banklar Türkiyəyə ianələrlə bağlı komissiya haqqının ləğv edilməsinə razılıq verib.  Toplum TV xəbər verir ki, bu barədə APA xəbər yayıb.  Bildirilir ki, həm Türkiyənin Fövqəladə Halların İdarə Olunması Agentliyinin (AFAD) hesabına birbaşa kartla ödəmələrdə, həm də banklar vasitəsilə digər köçürmələrdə əlavə dəyər vergisi və komissiya tutulmur.  https://toplum.tv/siyaset/pazerbaycanin-tuumlrkiyeye-goumlnderdiyi-yardima-neler-daxildirp Xatırlatma Fevralın 6-da Türkiyədə 7,7 və 7,6 şkalasında baş verən zəlzələ 10 vilayətdə hiss olunub. Rəsmi statistikaya əsasən, ölü sayı 7 mini ötüb, yaralı sayı isə 40 minə çatır.  Bildirilir ki, hələ minlərlə insan dağıntıların altındadır. Kəskin soyuq, infrastrukturun dağılması nəticəsində ölü sayının artacağı ehtimal edilir.  Zəlzələ ilə əlaqədar Prezident...
Sosial

Bakıda Türkiyə üçün yardım kampaniyasının ünvanı dəyişib

8 Fevral 2023

Trend

Türkiyədə zəlzələdən zərərçəkənlər üçün yardımlar Babək prospektindəki "Doğtaş Mebel"də qəbul olunmayacaq.  Toplum Tv xəbər verir ki, bu barədə fevralın 8-də Türkiyənin Azərbaycandakı səfirliyi məlumat yayıb.  Bildirilir ki, məntəqənin ünvanı nəqliyyatın işində sıxlıq yaşanmaması üçün dəyişdirilib. Yardımlar artıq Tbilisi prospektində yerləşən Heydər Əliyev adına İdman Konsert Kompleksində qəbul olunur. https://toplum.tv/siyaset/ptuumlrkiyeden-texliye-edilen-azerbaycanlilarin-sayi-accediliqlandip Xatırlatma Fevralın 6-da Türkiyədə 7,7 və 7,6 şkalasında baş verən zəlzələ 10 vilayətdə hiss olunub. Zəlzələ nəticəsində ölənlərin sayı 6234-ə, yaralananların sayı isə 37011 nəfərə çatıb.  Zəlzələ ilə əlaqədar Prezident Rəcəb Tayyib Ərdoğan 10 vilayətdə fövqəladə vəziyyət elan edib və onun 3 ay ərzində qüvvədə olacağını açıqlayıb.  Prezident onu da bildirib...

Seçilmiş Videolar

Toplum TV loqo