Sosial

“Mən Mədəniyyət Nazirliyini şəffaflığa dəvət edirəm” 

9 İyun, 2021
2047

"Məryəm" filmindən kadr

 
“Mən Mədəniyyət Nazirliyini şəffaflığa dəvət edirəm. Əmin olaq ki, avadanlıqların alışı zamanı arada hansısa pullar it-bata düşməyib”.
 

Bunu “Toplum TV”-yə kinoşünas Sevda Sultanova deyib.  

Maliyyə naziri Samir Şərifov iyunun 8-də Milli Məclisdəki çıxışı zamanı Mədəniyyət Nazirliyinin ünvanına tənqidi fikirlər səsləndirib, deyib ki, qurum “Azərbaycan Kinematoqafiyasının İnkişaf Konsepsiyası” adlı layihə hazırlayıb və Maliyyə Nazirliyinə təqdim edib, amma sonuncusu layihəni qəbul etməyib, həm də bir neçə dəfə: “Çünki orada hər hansı bir dəyişiklik görməmişik. Vəsaitlər ayrılır, ancaq nəticədə biz hər hansı ekran əsərlərini görmürük. Bunu da hamımız bilirik və deyirik. Hesab edirik ki, vəsaitlərin ayrılması konkret nəticələr verməlidir”. 
 
Mədəniyyət Nazirliyi Şərifovun iradına cavab verib, xatırladıb ki, layihə “Maliyyə Nazirliyi ilə sıx əməkdaşlıq çərçivəsində, sözügedən nazirliyin, eləcə də bu sahədəki ictimai təşkilatların rəy və təklifləri nəzərə alınaraq yenidən hazırlanıb” (“Report”).  

Cavabda həmçinin qeyd olunub ki, nazirlik II Qarabağ müharibəsindəki qələbəyə həsr olunmuş  "Böyük Qayıdış" film layihələri müsabiqəsi elan edib: “Dünya təcrübəsinə uyğun olaraq mərhələli şəkildə təşkil edilən müsabiqədə ölkəmizdə ilk dəfə layihələrin açıq pitçinq yolu ilə seçilməsi mexanizmi tətbiq olundu və Vətən müharibəsinə həsr olunan 11 qısametrajlı (bədii, sənədli və animasiya) film istehsala buraxılmaqdadır”.  

“1982-ci ildən bugünədək ilk dəfə olaraq 2021-ci ilin əvvəlində C.Cabbarlı adına "Azərbaycanfilm" kinostudiyası üçün kinotexnika avadanlıqları alınıb və artıq "Fəryad 2", "Məryəm" və "Mərmər Soyuğu" tammetrajlı bədii filmlərin istehsalına başlanılıb. Eyni zamanda, 1965-ci ildən bəri heç vaxt təmir edilməmiş “Azərbaycanfilm” kinostudiyasının maddi-texniki bazasının yenilənməsi ilə bağlı müvafiq tədbirlər görülür”, - nazirlik istehsal tələb olunan kinostudiyanın uzun illər təmirsiz və texnikasız olması faktını bu dolayı cümlələrlə ifadə edib.      

Sevda Sultanova - Açıq mənbələrdən götürülüb

Amma kinoşünas Sevda Sultanova maliyyə nazirinin tənqidini doğru hesab edir: “Samir Şərifov səsləndirdiyi bütün fikirlərdə haqlıdır. Mədəniyyət Nazirliyinin kino şöbəsinin  açqlaması onun arqumentləri qarşısında zəif görünür. Birincisi, kino şöbəsi “Azərbaycanfilm” üçün aldığı avadanlığın maliyyə hesabatını verməlidir. Məndə olan məlumata görə, xərclənən məbləğ 3 milyona yaxındır. Mən onları şəffaflığa dəvət edirəm, əmin olaq ki, avadanlıqların alışı zamanı arada hansısa pullar it-bata düşməyib. İkincisi, kino çəkmək üçün ölkədə ucuz qiymətə kino avadanlığını kirayəyə verən yetərincə prodakşnlar var. Bu avadanlıqları kirayayə götürüb 3 milyona xeyli film çəkmək olardı”.

Ekspert nazirliyin açıqlamasında qeyd olunmuş filmlərlə bağlı da qaranlıq məqamlar olduğunu bildirib:  “Kinematoqrafiya şöbəsinin müdiri Rüfət Həsənov müxtəlif müsahibələrində deyib ki, film layihələri pitçinq yolu ilə seçiləcək. “Fəryad 2”, “Məryəm”, “Mərmər soyuğu” filmlərinin pitçinqi niyə keçirilməyib? Onlar hansı əsasla istehsalata buraxılıb? Kino şöbəsi deyə bilər ki, bu filmlər xarici kino şirkətləri ilə müştərək çəkildiyindən istehsalata buraxılır. Bütün hallarda onlar pitçinqdən keçməli və bu proses şəffaf olmalı idi. Üstəlik, kino şöbəsi deyir ki, bundan sonra kinoda prioritet mövzu Qarabağ olacaq. “Fəryad 2” filmini çıxmaqla, digər filmlərin mövzusunun Qarabağla əlaqəsi yoxdur”.  

Fariz Əhmədov - Sosial Media

C. Cabbarlı adına “Azərbaycanfilm” kinostudiyasının baş direktoru Fariz Əhmədov mayın sonlarında “Həftə içi” qəzetinə verdiyi müsahibədə görülən və görüləcək işlərdən danışıb: “Mədəniyyət Nazirliyi tərəfindən elan olunmuş “Böyük Qayıdış” qısametrajlı bədii, sənədli və animasiya film layihələri müsabiqəsinin qalibləri  “Müharibənin uşaqları” və “Fulya” adlı sənədli film layihələri “Azərbaycanfilm” tərəfindən istehsal ediləcək. Bakı Media Mərkəzi ilə birgə hazırladığımız növbəti layihə “Biz” sənədli filmidir. Bu filmin layihəsi 44 günlük Vətən müharibəsi dövründə öz telefonlarında videoçəkilişləri ilə trendə düşmüş, ümumən diqqətəlayiq insanlardır. Daha sonra, “Görünməyən qəhrəmanlar” adlı 5 sənədli-salnamə janrında filmdən ibarət layihəmiz artıq Mədəniyyət Nazirliyi tərəfindən təsdiqlənib. Bu filmlər hər biri 44 dəqiqə olmaqla, müxtəlif qoşun növlərinin qəhrəman zabit və əsgər heyətinin 44 günlük müharibə müddətində keçdiyi şərəfli və müzəffər döyüş yolundan bəhs edəcək. “Böyük Zəfər”imizin milli kinoda növbəti mühüm əksi hal-hazırda istehsal öncəsi mərhələdən keçən və bu ilin iyul-avqust aylarında çəkilməyi planlaşdırılan “Həyat, deyəsən, gözəldir” bədii filmi olacaq”. 

Kinostudiyanın təminat probleminə F.Əhmədov da dolayısıyla toxunub: “Azərbaycan Kinematoqrafiyasının inkişafı ilə bağlı bəzi tədbirlər haqqında” Azərbaycan Respublikası Prezidentinin 01 mart 2019-cu il tarixli Sərəncamı çərçivəsində Mədəniyyət Nazirliyinə müvafiq tapşırıqlar verilib. Ayrılan büdcə ilə 30 ildən artıq bir müddətdən sonra kinostudiyamızın çəkiliş avadanlıqları bazası tamamilə yenilənərək ən son standartlara cavab verən kameralar, işıqlandırma texnikaları və digər lazımi qurğularla təmin edilib”. 

Tahir Tahiroviç - Sosial Media

Rejissor Tahir Tahiroviç kinostudiyanın yeni rəhbərliyinin müsbət işlər görəcəyinə inanır: “İstənilən sahədə çatışmazlıqlar var, hər şeyin ideal olması mümkün deyil. Son bir ildə kino sahəsində müəyyən işlər görülüb, maddi-texniki baza yavaş-yavaş formalaşır, gənclərin kinoya marağı artıb, 3 bədii filmin istehsalına başlanılıb. Həm də nəzərə almaq lazımdır ki, indiki kino kollektivi yenidir, heç bir il deyil ki, fəaliyyətə başlayıblar. Hansısa nazirliyin məsələyə münasibəti inzibati və siyasi ola bilər, amma biz yaradıcı tərəfdən yanaşmalıyıq. 1 il ərzində istehsal olunan və istehsalı davam edən filmlər ortaya çıxarıldıqdan sonra nəticəsinə qiymət vermək olar. Aralarında keyfiyyətli işlər də olacaq, zəifləri də, amma bir müddət gözləmək lazımdır. Kollektiv yenidir, gəncdir, innovativdir. Bu səbəbdən şəxsən mənim gözləntilərim müsbətdir”.  

Əlisa Cabbarov - Sosial Media

Rejissor Əlisa Cabbarov da hesab edir ki,maliyyə nazirinin fikrinə konstruktiv yanaşılmalıdır: “Söhbət 2020 və2021-ci illərdə ayrılan vəsaitdən gedir ki, bu, ümumilikdə 12 milyondan çoxdur. Əlavə olaraq 2019-cu ildə Prezident 5 milyon manat da kinonun inkişafı üçün ayırmışdı. Mədəniyyət Nazirliyinin qeyd etdiyi filmlər 2021-ci ilin istehsalıdır və bu layihələr əlavə 5 milyon manatla birlikdə 2020-ci ilin büdcəsini əhatə etmir. Uğurlarımız, müsbət addımlarımız var, amma xərclənən vəsaitlərin effektivliyi problemi hələ də qalır. Yəni 6 milyon manata ən azı 10 film istehsal etmək olardı, lakin bu nəticəyə gəlib çıxa bilmirik. Azərbaycan Kinematoqrafçılar İttifaqı olaraq bütün kino ictimaiyyətini maliyyənin effektiv xərclənməsi problemini müzakirə etməyə çağırırıq”.  

Rasim Balayev - Azərtac

Xalq artisti Rasim Balayev deyir ki, son zamanlar kinostudiyada hansı işlərin görüldüyünü bilmir: “Pandemiyaya görə çox vaxt evdə oldum, ona görə heç nədən xəbərim yoxdur. Həm də indi orada rəhbərlik dəyişib. Hazırda Azərbaycan kinosu insanları qane etmir. Həmişə bu sözü eşidirəm ki, daha köhnə kinolar çəkə bilmirlər. Kinoya yeni nəfəs gəlməlidir, amma bu yeniliklər insanları razı salmır. Azərbaycan kinosu pis günlərini keçirir. Son zamanlar ərsəyə gələn serialları naşı, kino ilə əlaqəsi olmayan insanlar çəkir”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo