Sosial

Milli Məclisin qarşısında "uşaq pulu" aksiyası

Roza Məmmədova
1 İyun, 2022
269

Toplum Tv

İyunun 1-də - Uşaqların Beynəlxalq Müdafiəsi Günündə  Azərbaycan Xalq Cəbhəsi Partiyasının bir qrup qadın fəalı Parlament binasının qarşısında aksiya edib. 

Onlar aksiya zamanı “Taladın sərvətimi, təhvil ver dövlətimi!”, “Büdcəni talama, uşaqpulu ver balama!”, “Uşaqların haqqını verin” kimi şüarlar səsləndirərək deputatlardan uşaq pulu haqqında qərar qəbul edilməsini tələb edib. 

Qadınlar təbii resurslardan əldə edilən gəlirlərin ədalətsiz bölüşdürülməsindən, dövlətin uşaqlara, xüsusilə də aztəminatlı ailələrin uşaqlarına qayğı göstərməməsindən hiddətləndiklərini ifadə ediblər:
  
“Bir dəfə dövlət maraqlanmayıb ki, bu uşaqlara nə yedirib, nə içirdirik. Amma 18 yaşı çatanda vətənə xidmət etməsini tələb edirlər. Bəs vətən, dövlət uşaqlar üçün neynəyib? Bu gün uşaqların bayramıdır, amma uşaqlara verməyə çörək tapmırıq”. 

Polis aksiya iştirakçılarını Parlamentin binasına buraxmayıb, onlarla ofislərində görüşməyi tövsiyə edib: “Deputatların köməkçiləri var, onlar seçiciləri ofislərində qəbul edirlər”. 

Etirazçılar cavab olaraq deputatlarını tanımadıqlarını, onlarla görüş keçirilmədiyini bildiriblər.

Sosial

Məhkəmə Hüquq Şurası: “Qadınların sayı ilə bağlı qanunda xüsusi kvota yoxdur"

Samirə Əli
6 İyul 2022
Əvvələr qadınlar hakim korpusunun 17 faizini təşkil edirdisə, indisə bu faizin 20-ə qalxdığı bildirilir.  Bu barədə "Toplum TV"-yə Məhkəmə Hüquq Şurasından bildirilib.  Prezident İlham Əliyevin bu ilin iyulun 1-də imzaladığı sərəncama görə, 39 nəfər yeni nəsil hüquqşünas hakim vəzifəsinə təyin edilib.  Bunlardan 23-ü qadın, 16-sı kişi olub.  “Qadınların sayının artırılması ilə bağlı qanunvericilikdə xüsusi kvota yoxdur. Sadəcə, qadınlar son dövrlərdə seçim proseslərində daha aktiv iştirak edirlər”, - deyə qurumdan əlavə edilib.  Təyinatdan sonra Azərbaycanda ümumilikdə 565 hakim var.  Bunlardan 453-ü kişi, 112-si qadındır.  
Sosial

Qurbаn bаyrаmı namazının qılınacağı vaxt açıqlandı

6 İyul 2022

Açıq mənbələrdən götürülüb

Azərbaycanda Qurbаn bаyrаmı namazının qılınacağı vaxt açıqlanıb.  Bu barədə Qafqaz Müsəlmanları İdarəsi Qazılar Şurasının yaydığı məlumatda bildirilib.  AMEA Şamaxı Astrofizika Rəsədxanasının hesablamalarına əsasən Azərbаycаn üfüqündə Hilalın görünməsinə uyğun olaraq Qurbаn bаyrаmı Zül-hiccə ayının 10-na – Miladi təqvimlə 9 iyul tarixinə təsadüf edəcək.  Qurban kəsimi 9 iyul tarixindən başlayaraq, 3 gün davam edə bilər: İyul ayının 9-da məscidləridə birgə Bayram namazları qılınacaq.

Seçilmiş Videolar

Toplum TV loqo