Sosial

“MilliÖN” ödəmə sistemindən 1 manat izahatı

Aysel Əzizova
12 Fevral, 2021
1755

modern.az

“MilliÖN” terminallarında “Azərişıq” ödəmələri zamanı əlavə 1 manat xidməthaqqı tutulacaq.

Bu haqda “Toplum TV”-yə “KomTek LTD” MMC (“MilliÖN” ödəmə sistemləri) müştəri xidmətlərinin rəhbəri Ülviyyə Əfəndiyeva məlumat verib.

O bildirib ki, qərar “Azərişıq” ödəmələrində yalnız qeyri-əhali kodları üzrə ödənişlərə aid edilir: “Qeyri-əhali dedikdə isə sahibkar obyektləri, restoranlar, kafelər, iri ticarət mərkəzləri nəzərdə tutulur. Bunun “Azərişıq” ASC-yə heç bir aidiyyəti yoxdur. Bu, sadəcə, “MilliÖN” tərəfindən təklif edilən xidməthaqqıdır. Qərar heç bir digər şirkətə və ya xidmətə şamil olunmur”.

Gələcəkdə digər xidmətlər üçün əlavə ödənişin nəzərdə tutulmadığını deyən Ülviyyə Əfəndiyeva bildirir ki, “MilliÖN” şəbəkəsinə aid olan digər ödənişlərdə əhali rahatlıqla əməliyyatları həyata keçirə bilər.

“Azərişıq” ASC-nin mətbuat xidmətinin rəhbəri Vaqif Aydınoğlu isə “Toplum TV”-yə deyir ki, əhali qrupuna aid olan abonentlərin xidməthaqqını “Azərişıq” özü ödəyir: "Amma "Azərışıq" qeyri-əhali qrupuna aid abonetlərlə kommersiya şirkəti arasında olan xidməthaqqına qarışmır. “Azərişıq” nə o işlərə müdaxilə edir, nə də qurumun oradan yığılan pullara aiddiyəti var. “Azərişıq” kommersiya təşkilatının verdiyi qərarlara da müdaxilə edə bilməz”.

Vaqif Aydınoğlu - modern.az


Vaqif Aydınoğlunun sözlərinə görə, ödənişləri onlayn, poçt və ya banklar vasitəsilə də etmək mümkündür, onlarda əlavə xidməthaqqı nəzərdə tutulmayıb.

Sosial

DİN məktəbdə narkotikli konfetin peyda olmasına aydınlıq gətirib 

4 Oktyabr 2022

Rəsmi səhifə

Paytaxt məktəblərinin birində şagirdlərə konfet kağızına bükülmüş formada narkotik vasitələrin paylanıldığı barədə sosial şəbəkələrdə yayılan məlumatlar aydınlaşdırılıb.  Bu barədə Daxili İşlər Nazirliyinin sözçüsü Elşad Hacıyev sosial media hesabında məlumat yayıb.  Onun sözlərinə görə, qeyd edilən görüntü Xətai rayonundakı məktəblərin birində təhsil alan 12 yaşlı şagird tərəfindən çəkilib. https://toplum.tv/sosial/mektebde-doyulen-usagin-atasi-polis-ne-doyene-deyir-ne-video-cekene  "Həmin şagird valideyninin iştirakı ilə aparılan profilaktiki söhbətə cəlb olunub. O, konfetin üzərinə müxtəlif ədviyyatlar qataraq qeyd edilən fotonu çəkdiyini bildirib.  Daha sonra guya “narkotik”in məktəbin ətafında tanmadığı şəxs tərəfindən ona verildiyi barədə yalan təəssürat yaradaraq həmin məlumatı sosial şəbəkələrdə məhşurlaşmaq üçün yayıb", - Elşad Hacıyev bildirib.  DİN rəsmisi valideynlərdən sosial şəbəkələrdə...
Sosial

Məktəbdə döyülən uşağın atası: Polis nə döyənə dəyir, nə video çəkənə

Roza Məmmədova
4 Oktyabr 2022

Açıq mənbələrdən götürülüb

Məktəbdə uşağın döyülməsi ilə bağlı video sosial şəbəkələrdə yayıldıqdan sonra polis araşdırma başlayıb. Lakin döyülən şagirdin atası Namiq Zeynalov araşdırmanın gedişindən narazıdır. “Toplum TV” yə açıqlamasında o bildirib ki, hələlik oğlunu döyən uşağa şifahi töhmət verilib və başqa heç bir tədbir görülməyib. Valideyn bildirib ki, məktəb rəhbərliyi uşağın döyüldüyünü ona xəbər verməyib. O videonu sosial şəbəkələrdə gördükdən sonra xəbər tutub. Sosial şəbəkələrdə Bakıda məktəblərdən birində şagirdin sinif otağında məktəbli yoldaşı tərəfindən döyülməsinin görüntüləri ötən gün yayılıb. Bundan sonra Bakı Şəhər Təhsil İdarəsi valideynlərdən izahat alındığını, psixoloqların uşaqlarla söhbət apardığını bildirib. https://toplum.tv/sosial/112-sayli-sagirdin-bulinqe-meruz-qaldigi-bildirilir Sabunçu rayon 119 saylı məktəbin direktor əvəzi Lətifə Mustafayevə...

Seçilmiş Videolar

Toplum TV loqo