İctimai-siyasi xəbərlər
“MilliÖN” ödəmə sistemindən 1 manat izahatı
modern.az
“MilliÖN” terminallarında “Azərişıq” ödəmələri zamanı əlavə 1 manat xidməthaqqı tutulacaq.
Bu haqda “Toplum TV”-yə “KomTek LTD” MMC (“MilliÖN” ödəmə sistemləri) müştəri xidmətlərinin rəhbəri Ülviyyə Əfəndiyeva məlumat verib.
O bildirib ki, qərar “Azərişıq” ödəmələrində yalnız qeyri-əhali kodları üzrə ödənişlərə aid edilir: “Qeyri-əhali dedikdə isə sahibkar obyektləri, restoranlar, kafelər, iri ticarət mərkəzləri nəzərdə tutulur. Bunun “Azərişıq” ASC-yə heç bir aidiyyəti yoxdur. Bu, sadəcə, “MilliÖN” tərəfindən təklif edilən xidməthaqqıdır. Qərar heç bir digər şirkətə və ya xidmətə şamil olunmur”.
Gələcəkdə digər xidmətlər üçün əlavə ödənişin nəzərdə tutulmadığını deyən Ülviyyə Əfəndiyeva bildirir ki, “MilliÖN” şəbəkəsinə aid olan digər ödənişlərdə əhali rahatlıqla əməliyyatları həyata keçirə bilər.
“Azərişıq” ASC-nin mətbuat xidmətinin rəhbəri Vaqif Aydınoğlu isə “Toplum TV”-yə deyir ki, əhali qrupuna aid olan abonentlərin xidməthaqqını “Azərişıq” özü ödəyir: "Amma "Azərışıq" qeyri-əhali qrupuna aid abonetlərlə kommersiya şirkəti arasında olan xidməthaqqına qarışmır. “Azərişıq” nə o işlərə müdaxilə edir, nə də qurumun oradan yığılan pullara aiddiyəti var. “Azərişıq” kommersiya təşkilatının verdiyi qərarlara da müdaxilə edə bilməz”.
Vaqif Aydınoğlunun sözlərinə görə, ödənişləri onlayn, poçt və ya banklar vasitəsilə də etmək mümkündür, onlarda əlavə xidməthaqqı nəzərdə tutulmayıb.
DİN məktəbdə narkotikli konfetin peyda olmasına aydınlıq gətirib
Rəsmi səhifə
Məktəbdə döyülən uşağın atası: Polis nə döyənə dəyir, nə video çəkənə
Açıq mənbələrdən götürülüb
