Sosial

MTN İŞİ: Zərərçəkənlər hakimə etiraz etdi

28 İyun, 2022
612

2015-ci ildə ləğv edilmiş Milli Təhlükəsizlik Nazirliyinin bir neçə əməkdaşının məhkəməsi bir aylıq təxirə salınıb.

Toplum TV-yə bu barədə “MTN işi” üzrə zərərçəkmiş kimi tanınmış şəxslər xəbər verib.

Məhkəmə 9 aydır Bakı Hərbi Məhkəməsində hakim Elbəy Allahverdiyevin sədrliyi ilə keçirilir. Sonuncu məhkəmə iclası iyunun 9-da baş tutmuşdu. Məhkəmə bu gün davam etməliydi. Ancaq zərərçəkmişlərə bildirilib ki, hakim heyəti tətilə getdiyi üçün məhkəmə iclası iyulun 26-da davam edəcək.

Təqsirləndirilənlər keçmiş Milli Təhlükəsizlik Nazirliyinin İstintaq Baş İdarəsinin keçmiş rəisi Mövlam Şıxəliyev, istintaq idarəsinin rəis müavini, birinci şöbənin rəisi Yasin Məmmədov, istintaq idarəsi ikinci şöbənin rəisi, polkovnik Vüsal Ələkbərov və istintaq idarəsinin metodiki yardım və kriminalistika şöbəsinin rəis müavini Sahib Ələkbərovdur.

Onlardan təkcə Mövlam Şıxəliyev həbs edilib.

Ötən 9 ay ərzində məhkəmə şahidləri, zərərçəkmişləri, təqsirləndirilən şəxsləri dindirib. Ehtimal olunur ki, hakimlər tətildən qayıdandan sonra sənədlərin tədqiqi mərhələsi başlanacaq.

Zərərçəkmişlərdən Zaur Əliyev, Əfsəl Həsənəliyev, Sərdar İsmayılov, Hüseyn Səfərov və Qulam Bağırov isə hakim Elbəy Allahverdiyevin bu məhkəmə prosesindən kənarlaşdırılması üçün yazılı şəkildə etiraz veriblər. Onlar etirazlarını Bakı Hərbi Məhkəməsinin dəftərxanasına təqdim ediblər.

İttihama görə, Mövlam Şıxəliyev İstintaq Baş İdarəsinin rəisi vəzifəsində çalışdığı 2008-2014-cü illərdə qeyd edilən qurumun tərkibindəki şöbənin sabiq rəisi Vüsal Ələkbərov, İbtidai istintaq idarəsinin sabiq rəis müavini Yasin Məmmədov, şöbə rəisinin sabiq müavini Sahib Ələkbərov ilə mütəşəkkil dəstə tərkibində iş adamlarından hədə-qorxu yolu ilə külli miqdarda pul tələb ediblər.

İstintaq Mövlam Şıxəliyevin mütəşəkkil dəstə halında ümumilikdə 14 milyon 292 min manat məbləğində pul vəsaitini rüşvət qismində, 5 milyon 77 min manat məbləğində özgə əmlakını hədə-qorxu ilə tələb edib almasına, həmçinin səlahiyyət həddini aşması və sübutları saxtalaşdırmasına əsaslı şübhələr müəyyən etdiyini bildirib.

Leyli Cəfərova 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Şəhər və rayonlararası marşrutlarda biletlərin qiyməti bahalaşıb

2 Fevral 2023

ayna.gov.az/

Azərbaycanda şəhər və rayonlararası avtobus marşrutlarında məsafəyə uyğun olaraq sərnişin biletlərinin qiyməti dəyişib. Toplum TV xəbər verir ki, bu baədə Yerüstü Nəqliyyat Agentliyi məlumat yayıb.  Bildirilir ki, qiymətlər Tarif Şurasının 2023-cü il yanvarın 31-i tarixinə olan qərarı ilə təsdiq edilmiş tarifə uyğun hesablanıb. Bu tariflər şəhər və rayonlardan Bakı istiqamətinə də şamil edilir. https://toplum.tv/multimedia/pneqliyyatda-qiymet-artdi-quothoumlkumet-istese-qiymeti-tenzimleyerdiquotp Yeni tariflər 03.02.2023-cü il tarixindən qüvvəyə minəcək.  Yeni tariflərlə linkə tıklamaqla tanış ola bilərsiniz: Şəhərlərarası (rayonlararası) avtobus marşrutlarında məsafəyə uyğun sərnişin biletlərinin tarifləri  
Sosial

Tarif Şurası bəzi dərmanların da qiymətini artırıb

31 Yanvar 2023

Açıq mənbələrdən götürülüb

Tarif Şurası 48 dərman vasitəsinin qiymətini təsdiq edib, 31-nin qiymətini artırıb Toplum TV xəbər verir ki, müvafiq qərar qurumun bu gün, yanvarın 31-də keçirilən iclasında qəbul olunub.  Bildirilir ki, bu qərar nəticəsində ticarət adı, farmasevtik forması, təsiredici maddəsinin adı, dozası, ticarət qablaşdırması, miqdarı, istehsal ölkəsi nəzərə alınmaqla, qiyməti təsdiq edilmiş dərman vasitələrinin sayı 13 690 təşkil edir. Onların tam siyahısı Tarif Şurasının rəsmi internet saytının (www.tariff.gov.az) “Dərman vasitələri” bölməsində (http://tariff.gov.az/documents/DVA.pdf) yerləşdirilib. https://toplum.tv/sosial/pmetro-ve-marsrut-avtobuslarinda-gedis-haqqi-artirildip Tarif Şurası bu gün həmçinin metro və marşrut avtobuslarında gediş haqqının artırılması barədə də qərar çıxarıb.  Aparılan müzakirələrdən sonra 10 qəpik artırılmaqla metroda sərnişindaşıma tarifi 1 gediş üçün...

Seçilmiş Videolar

Toplum TV loqo