Sosial

Mühacir biznesi işi: Ramin Hacılı ifadələrin saxtalaşdırıldığını deyir

8 İyun, 2022
580

Sosial Media

Toplum TV xəbər verir ki, iyunun 8-də Bakı Ağır Cinayətlər Məhkəməsində Azərbaycan Avropa Hərəkatının prezidenti, ictimai fəal Ramin Hacılının məhkəməsinin baxış iclası keçirilib. Ramin Hacılı dələduzluqda və ölkənin sərhədlərini qanunsuz keçməkdə təqsirləndirilir. Məhkəmə iclasına hakim Azad Məcidov sədrlik edir.

Əvvəlcə Ramin Hacılının vəkili Rəşad Əliyev məhkəməyə vəsatət təqdim edib.  Vəsatətdə deyilir ki, müstəntiq Ramin Hacılının ətrafında mütəşəkkil dəstə görüntüsü yaratmaq üçün onu adları çəkilən digər şəxslərlə əlaqələndirib. O, Ramin Hacılının dəstədən ayrı tutulmasını istəyib. Hakim vəsatəti baxılmamış saxlayıb.

Sonra dövlət ittihamçısı ittiham aktını elan edib. İttihama görə, “No Border Travel Agency” MMC-nin rəhbəri Ramin Hacılı, “Gəncliyin Elmi-Mədəni İnkişafı” ictimai birliyinin sədri Sərdar İsgəndərov, “Yes Travel” MMC-nin vəzifəli şəxsləri Sərxan Abdullayev, Üzeyir Bağırlı, “HMH Baku Travel” MMC-nin rəhbəri Nərminə Dadaşova, Zakir Əmirov, Əziz Səfərəliyev, Akif Əsədov külli miqdarda qazanc əldə etmək məqsədi ilə ABŞ, Kanada və Avropa ölkələrinə səfər etmələri üçün Azərbaycan Respublikasının vətəndaşlarına viza alınması və səfər etdikləri ölkələrdə mühacir statusu alaraq yaşaya bilmələri üçün iş yerindən arayış, bank hesabından çıxarış, daşınar və daşınmaz əmlaka mülkiyyət hüququnu təsdiq edən sənədlər, hüquq-mühafizə orqanlarına çağırış məktubu, guya xəsarət almalarına dair tibbi arayış və digər hüquq verən rəsmi sənədləri saxtalaşdırıb satmaqla, onlara müraciət etmiş şəxslərin qanunsuz miqrasiyalarını təşkil ediblər.

Qeyd edək ki, adları çəkilən digər təqsirləndirilən şəxslərin cinayət işi ayrıca icraatdadır.

İttiham aktı elan edildikdən sonra hakim müttəhimə ifadə verməyi təklif edib. Ramin Hacılı özünü ittihamlar üzrə təqsirli bilməyib. O, hazırkı mərhələdə ifadə vermək istəmədiyini, şahid və zərərçəkmişlər dindirilənlərdən sonra ifadə verəcəyini dedi.

Ramin Hacılının məhkəməsində ilk dindirilən şahid  - Lalə İbrahimova ifadəsində göstərib ki, o, “Gəncliyin Elmi-Mədəni İnkişafı” İctimai Birliyinin ofisində işləyib. Ramin Hacılının ofisindən elektron poçtla gələn sənədləri çap edərək, ona tapşırılan yerlərə (səfirliklərə və sair) göndərib. İbtidai istintaq vaxtı ona bildirilib ki, ofisdən gələn sənədlər arasında saxtaları olub.

Sonra şahid qismində Sənan Kərimov ifadə verdi. O, məhkəmənin nəzərinə çatdırdı ki, Ramin Hacılını əvvəllər sosial şəbəkələrdən “travel” işləriylə məşğul olan biri kimi tanıyıb, sonralar onun işlədiyi ofisə gedərək əyani tanış olub: “Ramin Hacılını sosial şəbəkələrdən izləyirdim, görürdüm ki, Avropayla əlaqələri var, insanlar ona müraciət edir, sonra ofisinə getdim, yaxından tanış oldum. Ofisə gedəndə də görürdüm ki, lövhəsi var, insanlara lövhənin qarşısında izah edirdi ki, ora nəyə görə gedirsiniz və sair. Bizim aramızda  iş münasibətləri olmayıb. Sadəcə olaraq onun “travel” işini yaxşı təşkil edən biri kimi tanımışam. İşləməklə, gəzməklə bağlı yaxınlaşan adamların sənədlərinin hazırlanmasına, səfirliyə müraciət olunmasına, vizanın alınmasına kömək edirdi. Kiminsə viza alınmasında saxtakarlığa yol verdiyini görməmişəm”.

Hakim şahidə ibtidai istintaqa verdiyi ifadəsiylə məhkəmə ifadəsi arasında ziddiyyətlər olduğunu dedi və onun istintaqa verdiyi ifadəsindən xatırlatmalar etdi:

- Yazmısan ki, “Gəncliyin Elmi-Mədəni İnkişafı” İctimai Birliyinin sədri Sərdar İsgəndərov yüzlərlə saxta möhürlərlə iş yerindən arayış, bank hesabı haqqında arayış, hesabdan çıxarış hazırlayaraq, hər bir sənədi 100 manata satıb. Arada mən özüm də Sərdardan sənəd almışam.

Şahid:

- Ramin Hacılıdan yazmamışam. Sərdardan yazmışam. Ümumiyyətlə, ibtidai istintaqa verdiyim ifadələri verərkən həyəcanlı olmuşam, xahiş edirəm, məhkəmə ifadəmi əsas götürün.

Ramin Hacılı:

- Hər şey aydındır, hər şey göz qabağındadır, müstəntiq yazıb, bu adam da qol çəkib.

Hakim növbəti məhkəmə iclasının vaxtını elan edəndə Ramin Hacılı iki vəsatəti olduğunu dedi. Hakim vaxtı elan edərək məhkəmə zalından çıxdı. Ramin Hacılı hakimin arxasınca: “Mənim vəsatətlərim qaldı, möhtərəm hakim, hara getdiniz?” – deyə səsləndi. O, vəkili Rəşad Əliyevə “Hakim mənim vəsatətlərimi dinləməyib gedəcəksə, mən bu məhkəməyə niyə gəlirəm”, - deyə, narazılığını bildirdi.

Növbəti məhkəmə iclası iyunun 22-nə təyin olunub.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Şəhər və rayonlararası marşrutlarda biletlərin qiyməti bahalaşıb

2 Fevral 2023

ayna.gov.az/

Azərbaycanda şəhər və rayonlararası avtobus marşrutlarında məsafəyə uyğun olaraq sərnişin biletlərinin qiyməti dəyişib. Toplum TV xəbər verir ki, bu baədə Yerüstü Nəqliyyat Agentliyi məlumat yayıb.  Bildirilir ki, qiymətlər Tarif Şurasının 2023-cü il yanvarın 31-i tarixinə olan qərarı ilə təsdiq edilmiş tarifə uyğun hesablanıb. Bu tariflər şəhər və rayonlardan Bakı istiqamətinə də şamil edilir. https://toplum.tv/multimedia/pneqliyyatda-qiymet-artdi-quothoumlkumet-istese-qiymeti-tenzimleyerdiquotp Yeni tariflər 03.02.2023-cü il tarixindən qüvvəyə minəcək.  Yeni tariflərlə linkə tıklamaqla tanış ola bilərsiniz: Şəhərlərarası (rayonlararası) avtobus marşrutlarında məsafəyə uyğun sərnişin biletlərinin tarifləri  
Sosial

Tarif Şurası bəzi dərmanların da qiymətini artırıb

31 Yanvar 2023

Açıq mənbələrdən götürülüb

Tarif Şurası 48 dərman vasitəsinin qiymətini təsdiq edib, 31-nin qiymətini artırıb Toplum TV xəbər verir ki, müvafiq qərar qurumun bu gün, yanvarın 31-də keçirilən iclasında qəbul olunub.  Bildirilir ki, bu qərar nəticəsində ticarət adı, farmasevtik forması, təsiredici maddəsinin adı, dozası, ticarət qablaşdırması, miqdarı, istehsal ölkəsi nəzərə alınmaqla, qiyməti təsdiq edilmiş dərman vasitələrinin sayı 13 690 təşkil edir. Onların tam siyahısı Tarif Şurasının rəsmi internet saytının (www.tariff.gov.az) “Dərman vasitələri” bölməsində (http://tariff.gov.az/documents/DVA.pdf) yerləşdirilib. https://toplum.tv/sosial/pmetro-ve-marsrut-avtobuslarinda-gedis-haqqi-artirildip Tarif Şurası bu gün həmçinin metro və marşrut avtobuslarında gediş haqqının artırılması barədə də qərar çıxarıb.  Aparılan müzakirələrdən sonra 10 qəpik artırılmaqla metroda sərnişindaşıma tarifi 1 gediş üçün...

Seçilmiş Videolar

Toplum TV loqo