Sosial

Müharibə iştirakçısı: Oğlumu əsgər göndərməyəcəm

Günel Manaflı
14 İyun, 2022
1013

Toplum TV

“2020-ci ilin noyabrın 5-də səfərbərliklə hərbi xidmətə çağırıldım. Noyabrın 6-dan 12-ə kimi Gəncədə N saylı hərbi hissədə, noyabrın 12-dən dekabrın 27-ə kimi isə Daşkəsən və Kəlbəcərdə gedər gəlməz postlarında oldum. Mənimlə eyni tarixdə həmin istiqamətlərə gedən 6 nəfərin dördünə medal, birinə isə həm medal, həm də veteranlıq veriblər. Amma mənim əziyyətlərimi heçə sayıb nə medal, nə də veteranlıq veriblər. Bu haqsızlıqldır. Mən haqqım olanı tələb edirəm”.

Bu sözləri İkinci Qarabağ müharibəsi iştirakçısı Şirinov Şahin Şirin oğlu Toplum TV-ə deyib.

Şikayətçinin sözlərinə görə, onun adı prezidentin səhifəsindəki Kəlbəcər və Laçın uğrunda gedən döyüşlərə görə medal siyahısında olsa da, verməyiblər: “Müdafiə Nazirliyinin ərizə və şikayətlər bölümündə məni qəbul edən polkovnik dedi ki, sən döyüş tapşırığında olmamısan. Bildirdim ki, prezidentin səhifəsində mənim adım, ata adım və soyadım qeyd olunub və mənə Kəlbəcər və Laçın medalı düşüb. Dedi ki, prezidentin səhifəsində çıxan şəxs sən yox, başqasıdır, sadəcə ad oxşarlığı var.

Bildirdim ki, necə olur ki, mənimlə eyni vaxtda döyüş bölgəsinə qalxan 6 nəfərin hamısının adı siyahıda var,  veteranlıq və medal alıblar, amma mənim yoxdur. Mənə deyir, sən yalan deyirsən, elə şey ola bilməz. Mənim əlimdə bunu sübut edəcək faktlar, sənədlər var. Mən düşmənlə üz-üzə durub postu qorumuşam. Belə çıxır ki, mən orada şəhid olsaydım və ya yaralansaydım, mənə şəhidlik, qazilik statusu verilməyəcəkdi?! Adam tanıyıram ki, Kəlbəcərdə olmadığı halda Kəlbəcər medalı alıb.  Bu haqsızlıq nə vaxta qədər olacaq?!

Deyirlər ki, noyabrın 10-dan gedənlərə veteranlıq düşür. Əgər belədirsə, niyə mənimlə eyni tarixdə ora gedənlər veteranlıq statusu alıb?! Bilmirik dərdimizi kimə deyək. 2020-ci ilin mart ayından veteranlıqla bağlı, Müdafiə Nazirliyinə, Dost Agentliyinə şikayət ərizəsi göndərmişəm. Mənə deyirlər, hələ araşdırılır. 2 ildir nəyi araşdırırlar, bilmirəm”. 

Şahin Şirinov - Toplum TV

Ş. Şirinov deyir ki, hərbi biletinə səhvən sentyabrdan getdiyi yazılıb və o, bunu sonradan bilib:

 “Ayağımı don vurduğu üçün əməliyyat olundum. Hərbi biletimi isə sonradan gedib götürmüşəm. Mənə dedilər ki, get Daşkəsəndən hərbi biletini götür, mən də götürdüm. Xətai rayonu hərbi komisarlığına gəlib qeydiyyata düşdüm. Bu zaman gördüm ki, ay səhv yazılıb. Bu mənim səhvim deyil. Mənimlə birgə 6 nəfərin hamısına o cür səhv qeyd edilib”. 

https://toplum.tv/sosial/muharibe-istirakcisi-herbi-xidmete-yararsiz-hesab-olunub-amma-qazilik-verilmir

Hərbi biletdəki səhv bir il sonra aşkarlanıb: “Bir ildən sonra həmin hərbi hissəyə getdim və hərbi biletimdə Daşkəsən adı pozulub Kəlbəcər yazıldı. Məni qəbul edən şəxs hərbi biletimin 21-ci səhifəsinə yazdı ki, 7-ci səhifədə olan döyüş əməliyyatları etibarsız sayılsın, qol çəkib peçat vurdu. Dedi ki, sən sentyabrda yox , noyabrda gəlmisən. O zaman etirazımı bildirdim ki, o zaman tamamilə pozmayıb noyabr etməli idin. Belə çıxır ki, mən ümumiyyətlə, döyüşlərdə olmamışam. Əgər olmamışamsa, hərbi hissəyə giriş çıxış peçatları niyə vurulub». 

Toplum TV

Şahin Şirinov əziyyətinin qiymətləndirilməməsindən narazıdır: 
«Arxa cəbhədə olsaydım, bunlar mənə təsir etməzdi. 30-40 dərəcə şaxtada Murovda xidmət aparmışam. Mənim sabahın əsgəri olacaq bir oğlum var. Bugün əsgərinə bu cür qiymət verən sabahın əsgərinə nə qiymət qoyacaq? Mən oğlumu bu hökumətə əsgər kimi verməyəcəm».

https://toplum.tv/sosial/dolanmaq-ucun-boyreyini-satdigini-deyen-veteran-xanim-evsiz-qalib

Məsələ ilə bağlı Müdafiə Nazirliyinin mətbuat xidmətinin rəis müavini polkovnik-leytenant Anar Eyvazova sual ünvanladıq. A. Eyvazov kimlərin veteranlıq ala bilməsinə dair hazır məlumatı bizə göndərdi.

Məlumatda qeyd edilir ki, müharibə veteran adının və müvafiq vəsiqənin verilməsi noyabrın 10-dək döyüş bölgələrində olanlara verilir: “Azərbaycan Respublikasının ərazi bütövlüyü uğrunda 2020-ci il sentyabrın 27-dən noyabrın 10-dək Şuşa, Cəbrayıl, Zəngilan, Qubadlı, Kəlbəcər, Laçın, Xocavənd və Xocalı rayonlarının, Tərtər rayonunun Talış, Suqovuşan və Çaylı kəndlərinin ərazilərində, habelə Füzuli və Ağdam rayonlarının ərazi bütövlüyü uğrunda döyüşlərdə iştirak etmiş, döyüş əməliyyatlarını yerinə yetirmək üçün ora ezam olunmuş şəxslərə verilir. Aidiyyatı dövlət orqanları tərəfindən yuxarıda qeyd olunan şəxslərə müharibə veteranı adı və müvafiq veteran vəsiqəsi həmin şəxslərin siyahısı Nazirlər Kabineti ilə razılaşdırıldıqdan sonra verilir. Müharibə veteranı adı və müvafiq veteran vəsiqəsi verilmiş şəxslərə dair məlumatlar həmin adı və vəsiqəni verən dövlət orqanları tərəfindən Azərbaycan Respublikası Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sisteminin “Zəfər” altsisteminə daxil edilir”.

Toplum TV

A. Eyvazova şikayətçinin onunla eyni tarixdə Kəlbəcərə gedən 6 nəfərin medal və veteranlıq alması ilə bağlı iradlarını da bildirib (hətta birinin adı soyadını da qeyd etdik), bu ayrı-seçkiliyin nədən qaynaqlandığını soruşsaq da, sualımıza cavab ala bilmədik.

Şahin Şirinov haqqını məhkəmədə axtaracağını dedi: “Müdafiə Nazirliyi və DOST Agentliyinə göndərdiyim şikayət ərizəsinə iki ildir cavab gəlməyib. Cavabı aldıqdan sonra məhkəməyə müraciət edəcəm və haqqım olanı almaq üçün sonadək mübarizə aparacam. Əgər ehtiyac yaranarsa, Avropa Məhkəməsinə qədər gedəcəm”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Şəhər və rayonlararası marşrutlarda biletlərin qiyməti bahalaşıb

2 Fevral 2023

ayna.gov.az/

Azərbaycanda şəhər və rayonlararası avtobus marşrutlarında məsafəyə uyğun olaraq sərnişin biletlərinin qiyməti dəyişib. Toplum TV xəbər verir ki, bu baədə Yerüstü Nəqliyyat Agentliyi məlumat yayıb.  Bildirilir ki, qiymətlər Tarif Şurasının 2023-cü il yanvarın 31-i tarixinə olan qərarı ilə təsdiq edilmiş tarifə uyğun hesablanıb. Bu tariflər şəhər və rayonlardan Bakı istiqamətinə də şamil edilir. https://toplum.tv/multimedia/pneqliyyatda-qiymet-artdi-quothoumlkumet-istese-qiymeti-tenzimleyerdiquotp Yeni tariflər 03.02.2023-cü il tarixindən qüvvəyə minəcək.  Yeni tariflərlə linkə tıklamaqla tanış ola bilərsiniz: Şəhərlərarası (rayonlararası) avtobus marşrutlarında məsafəyə uyğun sərnişin biletlərinin tarifləri  
Sosial

Tarif Şurası bəzi dərmanların da qiymətini artırıb

31 Yanvar 2023

Açıq mənbələrdən götürülüb

Tarif Şurası 48 dərman vasitəsinin qiymətini təsdiq edib, 31-nin qiymətini artırıb Toplum TV xəbər verir ki, müvafiq qərar qurumun bu gün, yanvarın 31-də keçirilən iclasında qəbul olunub.  Bildirilir ki, bu qərar nəticəsində ticarət adı, farmasevtik forması, təsiredici maddəsinin adı, dozası, ticarət qablaşdırması, miqdarı, istehsal ölkəsi nəzərə alınmaqla, qiyməti təsdiq edilmiş dərman vasitələrinin sayı 13 690 təşkil edir. Onların tam siyahısı Tarif Şurasının rəsmi internet saytının (www.tariff.gov.az) “Dərman vasitələri” bölməsində (http://tariff.gov.az/documents/DVA.pdf) yerləşdirilib. https://toplum.tv/sosial/pmetro-ve-marsrut-avtobuslarinda-gedis-haqqi-artirildip Tarif Şurası bu gün həmçinin metro və marşrut avtobuslarında gediş haqqının artırılması barədə də qərar çıxarıb.  Aparılan müzakirələrdən sonra 10 qəpik artırılmaqla metroda sərnişindaşıma tarifi 1 gediş üçün...

Seçilmiş Videolar

Toplum TV loqo