Sosial

DTX-dan Zakir Həsənovun bacanağı haqqında açıqlama

Aytac Məmmədli
3 Avqust, 2022
261

Rəsmi səhifə

44 günlük müharibədə iştiraka dair saxta arayışların verilməsinə görə iki cinayət işi qaldırılıb.  
 
Bunu Dövlət Təhlükəsizliyi Xidməti (DTX) "Toplum TV"-nin sorğusuna cavabında bildirib.   
 
Məlumata görə, DTX tərəfindən İkinci Qarabağ Müharibəsində iştirak etməyən şəxslərə saxta arayışların verilməsi halları ilə bağlı məlumatlara baxılıb və toplanmış materiallar prokurorluq orqanlarına göndərilib.  
 
Qurumdan bildirilib ki, faktla bağlı Müdafiə Nazirliyinin Tibb İdarəsi barədə də araşdırma aparılıb: "Aidiyyəti üzrə müvafiq istintaq orqanlarında 2 cinayət işi qaldırılıb".  
 
“Qarabağ qaziləri” İctimai Birliyinin mətbuat katibi Rey Kərimoğlu iyulun 13-də "Toplumda debat" verilişində Müdafiə Nazirliyinin Tibb İdarəsinin rəis müavini Elxan İbrahimovun istintaqa cəlb edildiyini söyləmişdi. 

DTX Toplum TV-nin sorğusuna cavabında Elxan İbrahimovun istintaqa cəlb olunmadığını bildirib. 

Mediada Elxan İbrahimovun müdafiə naziri Zakir Həsənovun bacanağı olduğu barədə məlumatlar dəfələrlə yayılıb.

Sosial

Koronavirusa son sutkada yoluxma sayı açıqlandı

12 Avqust 2022

Açıq mənbələrdən götürülüb

Azərbaycanda koronavirusa daha 520 yeni yoluxma qeydə alınıb, 518 nəfər müalicə olunaraq sağalıb. Bu barədə avqustun 12-də Operativ Qərargahdan məlumat verilib.  Bildirilib ki, sutka ərzində koronavirusdan ölən olmayıb. Ölkədə indiyədək ümumilikdə 804 165 nəfərin koronavirus infeksiyasına yoluxması faktı müəyyən edilib. Onlardan 791 203 nəfər müalicə olunaraq sağalıb, 9 768 nəfər vəfat edib, aktiv xəstə sayı 3 194 nəfərdir. Ölkədə son sutka ərzində 3 446, hazırkı dövrədək isə 7 088 294 test aparılıb.
Sosial

Nazirlik rejissorlara cavab verdi - Film layihələri yenidən işləndikdən sonra istehsalata buraxılacaq

Roza Məmmədova
12 Avqust 2022

Açıq mənbələrdən götürülüb

Mədəniyyət Nazirliyi müsaqibələrdə qalib gələn film ssenarilərinin istehsalata buraxılmamaması ilə əlaqədər tənqidlərə cavab verib. Nazirlikdən “Toplum TV”-nin sorğusuna bildirilib ki, film layihələri aktuallığını itirdiyi üçün ekranlaşdırılmayıb. 2019-cu ilin martında prezident İlham Əliyev Mədəniyyət Nazirliyinə film sahəsinin inkişafı üçün 5 milyon manat ayırıb. Sərəncama əsasən, bu vəsait dövlət sifarişi ilə film istehsalını və gənc kinematoqrafçıların yaradıcılığını dəstəkləməyə xərclənməli idi. Mədəniyyət Nazirliyi hər il bədii, sənədli və animasiya film ssenariləri müsabiqəsi elan edir. Ancaq naməlum səbəblərdən müsabiqələrdə qalib gələn ssenarilər sonra ekranlaşdırılmayıb. https://toplum.tv/multimedia/rejissorlar-kinoya-ayrilan-pullar-hardadir Bir neçə tammetrajlı bədii film isə istehsalata buraxılsa da, sonradan hansısa səbəblərdən iş dayanıb. 2019-cu ildə müsaqibədə qalib gələn...

Seçilmiş Videolar

Toplum TV loqo