Sosial

Müxtəlif ölkələrdə yaşayan ziyalılar Azərbaycan cəmiyyətinə müraciət etdilər

8 Aprel, 2021
2337

Sosial media

Dünyanın müxtəlif ölkələrində yaşayan azərbaycanlı ziyalılar Demokratik Qüvvələrin Milli Şurasının sədri Cəmil Həsənlinin qızına qarşı törədilən təxribatı pisləyən müraciət yayıb. Azərbaycan toplumuna ünvanlanan müraciəti imzalayanlar İran azərbaycanlılarıdır.

Müraciətdə deyilir: "Hür vicdanı, gur səsi və özgür iradəni işgəncə, dustaq, sürgün və şantaja əl ataraq basdırma, qısdırma və yox etmə politikası tək səsliliyi bəsləyən və istibdadı ayaqda tutan bir gələnəkdir. Ədaləti və özgürlüyü müdafiə edən insanların yanında yer almaq isə toplumları ayaqda tutan və yaşadan bir ərdəmdir.

Qadınlar başda olmaq üzərə insanların özəl yaşamı üzərindən hədəf alınması hər şeydən öncə bu olayları planlayan və yönədən zümrənin nə sayaq bir əxlaqi çöküşün içində olduğunun göstəricisidir”.

Müraciət müəllifləri daha sonra qeyd edir: "Son günlərdə -bir çox örnəkdə tanıq olduğumuz kimi- bu çirkin hücumlarda təkcə dəyərli bilim və mücadilə insanımız Cəmil bəy Həsənli və qızı deyil; eyni zamanda Azərbaycan toplumunun özgür və adil şərtlərdə yaşamasını arzulayan hər kəs hədəf alınmışdır.

İnsanların, özəlliklə insan haqları aktivistlərinin şəxsi həyatı üzərindən aparılan hücumlar itaət, özünü senzor və qorxu kültürünü yaymaq, etiraz kültürünün yayğınlaşmasını əngəlləmək, müxalifətçiliyin maliyətini artırmaq, siyasət sahəsini daraltmaq və gücü bəlli azlığın əlində tutmaq amacına xidmət etməkdədir. Toplumdakı patriarxal anlayış, yorum və diskurs da bu sui-istifadə zehniyyətini bəsləməkdədir və beləliklə, hamı bir gün bu toplu linçlərin qurbanına çevrilə bilər.

İnsanlarımıza və toplumumuza qıyan bu çirkin hakim zehniyyətin ortadan qaldırılmasının tək yolu Azərbaycanda insani dəyərləri əsas alan və ucaldan hüquq normalarına əməldə bağlı qalmaq və gərəklərini yerinə gətirmək olaraq görülməlidir”.

"Biz, Güney Azərbaycan ictimaiyyətinin demokratik dəyərlərə inanan bir kəsimi adına toplumumuzu insani dəyər və ərdəmlərdən boşaltmağa və qarayaxmaları bir kültürə dönüşdürməyə çabalayan zorbalara qarşı haqq, ədalət və azadlıq yolunda mücadilə verən insanları dayanışmaya və duyarlı olmağa, hakimiyyəti isə məsuliyyətli davranmağa dəvət edir, təməl haqq və hürriyyətlərə zidd olan bu anlayışı şiddətlə qınayırıq”, – akademiklər vurğulayıb.

Müraciəti imzalayanlar:

1. Dr. Behruz Əlizadə (biotexnoloq, Qoşaçay)
2. Davut Turan (sosioloq, Vaşinqton)
3. Dr. Fateme Dehgan (beynəlxlaq münasibətlər mütəxəssisi, İstanbul)
4. Dr. Hacər Kəbiri (sosioloq, İstanbul)
5. Dr. Hilal Ulus (şərqşünas, Köln)
6. Dr. Höccət Qasimlu (politoloq, İstanbul)
7. Dr. Lalə Cavanşir (türkoloq, Toronto)
8. Dr.Məmməd Ənsari (musiqişünas, Berlin)
9. Dr.Nasir Əlizadə (iqtisadçı, Xoy)
10. Dr. Rıza Ləkzadə (farmakoloq, Ankara)
11. Rıza Talibi (jurnalist, İstanbul)
12. Rıza Siami (rejissor, Ərdəbil)
13. Dr. Səbur Kəbiri (sosioloq, İstanbul)
14. Dr. Sedighe Adalati (sosial psixoloq, Hamburg
15. Səməd Purmusəvi (arxitektor, Toronto)
16. Seyfəddin Hatəmluyi (jurnalist, Köln)
17. Dr. Simin Səbri (psixoloq, Bergen)
18. Dr. Şeyda Savalan (biotexnoloq, İstanbul)
19. Dr. Toğrul Atabay (türkoloq, Xoy)
20. Umud Evrən (politoloq, Amsterdam)
21. Dr. Vali Sülaymanoğlu (türkoloq, Köln)
22. Vəhid Azar (rejissor, Vancouver)
 

Meydan.Tv


 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo