Sosial
Naxçıvan sakini: “Bizi tək qoymayın”
27 Dekabr, 2020
1674
Vasif Talıbov 
FOTO: oxu.az
 
"Nəhayət ki, Naxçıvanda məktəblər bağlandı. Dekabrın 25-dən uşaqlar dərsə getmir. Virusun ən çox yayıldığı yer məktəb idi. Deyirlər, hələlik yanvarın 10-na kimi bağlanıb”. 

Bir neçə gün öncə Naxçıvanda karantin rejiminin tətbiq olunmamasından "Toplum TV"-yə şikayət etmiş Naxçıvan sakini belə deyir. Bu dəfə də adının gizli qalmasını istəyən sakin bildirir ki, məsələ ictimailəşəndən sonra bəzi tədbirlər görülüb. 

Onun sözlərinə görə,  ticarət obyektlərinin də işinə də məhdudiyyətlər qoyulub, ancaq  15:00-a kimi fəaliyyət göstərə bilərlər.

Naxçıvan sakini toy və yas məclislərinin qadağan edilib-edilməməsindən xəbərsiz olduğunu bildirib: "Hələlik belə faktla rastlaşmamışam, ancaq dükanlara tətbiq olunan məhdudiyyət və məktəblərin bağlanması dəqiqdir. "Toplum TV”-yə təşəkkür edirik ki, bu məsələni işıqlandırdı, problem qismən də olsa, həll olundu". 

Sakin Naxçıvanda özbaşınalığın həddən artıq çoxaldığını qeyd edib: "Vasif Talıbov buranı orta əsrlərə aid xan üsulu ilə idarə edir. Problem ondadır ki, heç kim bunu işıqlandırmır. Elə ağlasığmaz özbaşınalıqlar var ki, bəzən mərkəzi hakimiyyət bundan xəbərsiz olur, ya da etinasız yanaşır. İctimailəşmədən sonra reaksiya verməyə məcbur olurlar. Ona görə də bizi tək qoymayın". 

Dekabrın 16-da "Toplum TV” yerli sakinlərə istinadən muxtar respublikada müəllimlərin xəstə halda işə getməyə məcbur edilməsi, toy və yas mərasimlərinin davam etməsi ucbatından yoluxma hallarının artması, buna baxmayaraq Naxçıvanda karantin rejimin tətbiq edilməməsi haqqında yazmışdı.

Şikayətlərlə bağlı mövqeyini öyrənmək istədiyimiz dövlət qurumlarının heç biriylə əlaqə saxlamaq mümkün olmamışdı.

Aytac Məmmədova
Sosial

Mübariz Mənsimov həbsdən azad edilir?

3 Mart 2021

BBC

Mübariz Mənsimovun həbsdən buraxılması haqqında Türkiyə Prokurorluğu  təqdimat verib. Təqdimatda M.Mənsimovun ölkədən çıxışına qadağa qoyulması tələbi irəli sürülüb. Azərbaycanlı iş adamı, “Palmali” şirkətlər qrupunun rəhbəri Mübariz Mənsimov həbsdən buraxıla bilər. İstanbul prokurorluğu onun barəsində həbs qətimkan tədbirinin dəyişdirilməsi, polis nəzarətində olmaqla, azadlığa buraxılması haqda təqdimat verib. Prokurorluğun təqdimatında göstərilib ki, məhkəmə prosesinin gəldiyi mərhələni, verilən ittiham üzrə nəzərdə tutulan cəzanı, həbsdə olduğu müddəti, bundan əvvəl cinayətə görə şübhəli və ya təqsirləndirilən şəxs olmamasını nəzərə alaraq, onun barəsində həbs qətimkan tədbirinin dəyişdirilməsi məqsədəuyğun hesab edilir. Prokurorluq təqdimatda həmçinin Mübariz Mənsimovun həbsdən buraxılacağı təqdirdə, onun ölkədən və müəyyən edilmiş ərazidən çıxışına qadağa...
Sosial

Müharibədən zərərçəkmiş şəxs: “Pul ayrılıb, amma İcra Hakimiyyəti vermir”

Nigar Səmədli
3 Mart 2021

Sosial media

“Müharibə zamanı evimiz atışmalar nəticəsində zərər görüb, pəncərələrə sellofan çəkib 2 otağına yığışmışıq. Hələ bir köməklik görməmişik". Bunu “Toplum TV”-yə Tərtərin Qaradağlı kəndinin sakini Tural Əliyev deyib. Tural Əliyev II Qarabağ müharibəsində əmlakı ziyan görmüş vətəndaşlardandır. O deyir ki, müharibədən sonra evlərinə bir dəfə baxış keçirilsə də, heç bir yardım edilməyib: "Kəndə nə qədər yardım paylanıb, amma bizə heç nə verilməyib. Bu haqsızlıqdır. Biz də burda yaşayırıq, müharibədən zərər görmüşük. Daha bir neçə ailə bizimlə eyni vəziyyətdədir”. Tural Əliyevin sözlərinə görə, 2016-cı ildəki Aprel döyüşlərində də mal-qarasına ziyan dəyib: “O vaxt 5 inəyim tələf oldu. Oonların da pulunu ala bilmədim....
Seçilmiş Videolar