Sosial

Naxçıvanda iməcilik: Yayda məmurların əkin sahələrində alaq vururuq

Roza Məmmədova
21 İyun, 2022
709

Açıq mənbələrdən götürülüb

20 ildən çoxdur ki, Naxçıvanda müəllimlər istirahət günlərini iməcilikdə keçirirlər.

Rəsmi  qurumların təsdiq etmədiyi, amma çoxsaylı şahidi olan bu iddianı Şərurdakı məktəblərin birində işləyən gənc müəllim söyləyir.

Artıq 10 ildir iməciliklərdə “könüllülük” edən müəllim deyir ki, tələbəlik illərindən bəri həftəsonları və bayram günlərində bu işlə məşğul olur. Bir sözlə, şəhərin təmizliyi də iş vaxtına daxildir.

“Kimin başı xarab olub ki, könüllü hər həftə iməciliyə çıxsın, saatlarla istidə, ya da şaxtada çöllərdə qalsın. Səhər saat 9-da orda olmalısan, axşam saat 4-5-ə kimi. Kərəntini, kərkini, beli əlinə verirlər ki, yeri bellə, ot biç. İmtina edəni də işdən çıxarmaqla, həbslə hədələyirlər. Ona görə də heç kim cınqırını da çıxara bilmir. Xəstə olsan belə, gedib iştirak eləməlisən. Getməyəndə ilk zəng edən sahə polisi olur. Gəlib adamı evdən çıxarıb, zorla aparırlar. Baxmırlar ki xəstəsən, ya nəsən”.

https://toplum.tv/sosial/naxcivanda-mecburi-imecilik-telebi-kimse-otbicen-yoxdur-demesin

İməcilik həyat tərzi olmuş müəllimsə deyir ki, iməclik təkcə ictimai məkanlarda keçirilmir.

“İməcilik hər yerdədi. Yayda bəzən məmurların əkin sahələrində işlətməyə, alaq vurmağa, suvarmağa aparırlar. Məktəbin ərazisi çox kiçikdir. Orada 2-3 ayda bir bir dəfə iməcilik edirik. Bizi keçən həftə keçmiş "Dan yeri" “zapravka”sının yanındakı yol qırağında ot biçməyə, alaq təmizləməyə aparmışdılar. Deputat Musanın “zapravkası”nın yanını isə başqa məktəblər təmizləyir. Sonra da bizdən tələb edirlər ki, yüksək təhsil verək, göstərici yuxarı olsun. İstirahət günləri müəllim üçün həm də ona görə lazımdı ki, istitahətədən əlavə, növbəti həftənin dərslərinə hazırlaşsınlar. İməciliklərə görə nə ailəmizə vaxt ayıra, nə də dərsə hazırlaşa bilirik”.  

Təmizlik aksiyalarında 17-18 min “könüllü” iştirak edir

1990-cı illərin sonlarında - Vasif Talıbov hakimiyyətə gələndən sonra Naxçıvanda iməcilik ənənə halını alıb. O vaxtdan bəri hər həftənin istirahət günləri iməciliklər keçirilir. 62 yaşlı Talıbov da isti, şaxta demədən kostyumdaca iməclikdə iştirak edir.

https://toplum.tv/sosial/naxcivanda-coxlu-bagban-ve-supurgeci-stati-olsa-da-bizi-isledib-pul-silirler

Naxçıvan Dövlət Statistika Komitəsinin məlumatına görə, 1995-2010-cu illərdə il ərzində əkilən kol və ağacların sayı 2 mini keçməyib. 2011-ci ildən bəri isə hər il Naxçıvanda 300-400 min ağac, kol əkilib.

Rəsmi məlumata görə, təkcə ötən il 342 hektar sahədə meşəsalma və meşəbərpa işləri aparılıb, 330 mindən çox ağac və gül kolu əkilib.

Şərurlu müəllim isə deyir ki, sovet rejimi dağılandan sonra müntəzəm iməcilik söhbəti yalnız Naxçıvanda qalır. “Bu sırf Vasif Talıbovun təfəkkürüdür. Sovet təfəkkürü, köləlik təfəkkürü. Hətta sovet vaxtı belə iməcilik ildə bir dəfə keçirilirdi. İndi demək olar ki, hər gün. Bəzən məmurların əkin sahələrində iş çox olanda bizi həftə içi dərsdən sonra iməciliklərə aparırlar”.

Naxçıvanın rəsmi “Şərq Qapısı” qəzeti hər il yaz və payızda həyata keçirilən aqrotexniki tədbirlərin  mühüm ekoloji əhəmiyyət kəsb etdiyini yazır. Belə tədbirlərdə adətən 17-18 min insan iştirak edir, bəzən plana şəhərin  ahıl vətəndaşlarının evlərini təmizləmək də salınır.

Dörd ildən səkkiz ilədək həbs

“Toplum TV” tədbirlər haqqında Naxçıvan Təhsil Nazirliyindən mövqe almağa çalışsa da, bu baş tutmayıb. Nazirliyin təmsilçisi sualları cavablandırmaqdan imtina edib.

Bu ayın əvvəlindəsə Şərur rayonunda müəllimlərin və məktəb işçilərinin həftəsonları iməciliyə aparılması ilə bağlı səs yazısı yayılıb.

Səs yazısında Şərurdakı məktəblərə iməcilik haqqında tapşırıqlar verilir, direktorlardan dırmıq, otbiçən, vedrə, qayçı gətirmələri tələb olunurdu.

Azərbaycan Respublikası Konstitusiyasının 35-ci maddəsi zorla işlədilməyi qadağan edir.

Həmçinin Əmək Məcəlləsinin 17-ci maddəsində qeyd olunur ki, zor işlətməklə, əmək müqaviləsinə xitam veriləcəyi hədə-qorxusu ilə işçini əmək funksiyasına daxil olmayan işə məcbur etmək qadağandır.  İşçini məcburi əməyə cəlb edən təqsirkar şəxslər qanunvericiliklə müəyyən edilmiş qaydada məsuliyyətə cəlb edilməlidirlər. Onlar 4 ildən 8 ilədək azadlıqdan məhrum etmə ilə cəzalandırılmalıdırlar.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Şəhər və rayonlararası marşrutlarda biletlərin qiyməti bahalaşıb

2 Fevral 2023

ayna.gov.az/

Azərbaycanda şəhər və rayonlararası avtobus marşrutlarında məsafəyə uyğun olaraq sərnişin biletlərinin qiyməti dəyişib. Toplum TV xəbər verir ki, bu baədə Yerüstü Nəqliyyat Agentliyi məlumat yayıb.  Bildirilir ki, qiymətlər Tarif Şurasının 2023-cü il yanvarın 31-i tarixinə olan qərarı ilə təsdiq edilmiş tarifə uyğun hesablanıb. Bu tariflər şəhər və rayonlardan Bakı istiqamətinə də şamil edilir. https://toplum.tv/multimedia/pneqliyyatda-qiymet-artdi-quothoumlkumet-istese-qiymeti-tenzimleyerdiquotp Yeni tariflər 03.02.2023-cü il tarixindən qüvvəyə minəcək.  Yeni tariflərlə linkə tıklamaqla tanış ola bilərsiniz: Şəhərlərarası (rayonlararası) avtobus marşrutlarında məsafəyə uyğun sərnişin biletlərinin tarifləri  
Sosial

Tarif Şurası bəzi dərmanların da qiymətini artırıb

31 Yanvar 2023

Açıq mənbələrdən götürülüb

Tarif Şurası 48 dərman vasitəsinin qiymətini təsdiq edib, 31-nin qiymətini artırıb Toplum TV xəbər verir ki, müvafiq qərar qurumun bu gün, yanvarın 31-də keçirilən iclasında qəbul olunub.  Bildirilir ki, bu qərar nəticəsində ticarət adı, farmasevtik forması, təsiredici maddəsinin adı, dozası, ticarət qablaşdırması, miqdarı, istehsal ölkəsi nəzərə alınmaqla, qiyməti təsdiq edilmiş dərman vasitələrinin sayı 13 690 təşkil edir. Onların tam siyahısı Tarif Şurasının rəsmi internet saytının (www.tariff.gov.az) “Dərman vasitələri” bölməsində (http://tariff.gov.az/documents/DVA.pdf) yerləşdirilib. https://toplum.tv/sosial/pmetro-ve-marsrut-avtobuslarinda-gedis-haqqi-artirildip Tarif Şurası bu gün həmçinin metro və marşrut avtobuslarında gediş haqqının artırılması barədə də qərar çıxarıb.  Aparılan müzakirələrdən sonra 10 qəpik artırılmaqla metroda sərnişindaşıma tarifi 1 gediş üçün...

Seçilmiş Videolar

Toplum TV loqo