Sosial

Naxçıvanda tədris prosesi necə keçirilir?

16 Sentyabr, 2020
296
"Naxçıvan Muxtar Respublikasında dərslər Nazirlər Kabinetinin təsdiqlədiyi tədris planına uyğun keçirilmir”. 

Naxçıvanda yaşayan mənbə Toplum Tv-yə belə deyib. 

Adının açıqlanmasını istəməyən şəxsin sözlərinə görə,  muxtar respublikada dərslər onlayn şəkildə keçirilmir.

"Dərslər ənənəvi qaydada keçirilir. Sadəcə siniflər iki hissəyə bölünüb. Əgər bir sinifdə 30 nəfər varsa, onun 15-i səhər, digər yarısı isə günorta oxuyur. Dərslərin müddəti də 45 dəqiqədən 20 dəqiqəyə endirilib”, - mənbə deyib.

Sosial şəbəkələrdə də eyniməzmunlu məlumatlar paylaşılır, Naxçıvan MR-da Nazirlər Kabinetinin qərarlarına əməl olunmadığı vurğulanır.

Xüsusi karantin rejimi dövründə təhsil müəssisələrində tədris və təlim-tərbiyə prosesinin təşkili barədə Nazirlər Kabinetinin Qərarına uyğun olaraq Təhsil Nazirliyi tərəfindən tədris planları təsdiq olunub. 

Plana əsasən, ümumi təhsil müəssisələrində dərs məşğələləri I-IV siniflərdə sentyabrın 15-dən əyani və distant (məsafədən), V-IX siniflərdə sentyabrın 15-dən distant, oktyabrın 1-dən əyani və distant (məsafədən), X-XI siniflərdə sentyabrın 15-dən distant, oktyabrın 15-dən əyani və distant (məsafədən) formalarda başlayır.

Naxçıvan Muxtar Respublikasının Təhsil Nazirliyinin Mətbuat Xidmətindən Toplum Tv-yə hansı tədris metodundan istifadə edildiyini bilmədiklərini deyiblər: "Naxçıvan ərazisində tətbiq olunan ənənəvi tədris prosesi haqqında məlumatımız yoxdur”.

Elməddin Şamilzadə
Sosial

Havanın hərarəti yüksələcək

18 Sentyabr 2021

RBK

Sentyabrın 19-da Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Hidrometeorologiya Xidmətindən verilən məlumata görə, şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə 18-21° isti, gündüz 25-28° isti, Bakıda gecə 18-20° isti, gündüz 25-27° isti olacaq.   Atmosfer təzyiqi 761 mm civə sütunu təşkil edəcək. Nisbi rütubət 60-70 %, gündüz 40-45 %olacaq.   Sentyabrın 19-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əlverişlidir. Azərbaycanın rayonlarında hava əsasən yağmursuz keçəcək. Lakin gündüz bəzi dağlıq ərazilərdə şimşək çaxacağı, qısamüddətli yağış yağacağı ehtimalı var. Səhər dağlarda duman olacaq. Şərq küləyi əsəcək. Havanın...
Sosial

Həftəsonları ictimai nəqliyyata qoyulan qadağa - “Ya qərarın ləğvini əsaslandıra bilmirlər, ya da ki, yaddan çıxıb qalıb”

Vüsalə Mikayıl
17 Sentyabr 2021

Sosial Media

Rahim Qasımov Bakının Binə kəndində yaşayır. O, Sulutəpə qəsəbəsində yerləşən özəl şirkətlərin birində operator kimi çalışır.  Rahim Qasımov deyir ki, həftəsonları işə getmək ona baha başa gəlir: “Adi günlərdə “Koroğlu” metrostansiyasına qədər marşrutla gedirəm. Sonra da metroyla “20 Yanvar”a gedib ordan 1 manatlıq taksiylə işə yollanıram. Amma həftəsonları mən “Koroğlu” metrosuna, ordan da “20 Yanvar”a taksiylə getməyə məcbur oluram. Təsəvvür edin təkcə həftəsonu işə gedə bilməkdən ötrü ayda 60-80 manat xərcim çıxır”. Onun sözlərinə görə, məktəblər açılanda övladlarını da taksi ilə göndərməli olacaq.  “Üç övladım var. Onların hər gün Binə qəsəbəsinə məktəbə getməsi üçün taksi tutmalıyam. Bu xərci hər il...
Seçilmiş Videolar