Sosial

Nazirin "narahatlığa əsas yoxdur" dediyi virus nə qədər təhlükəlidir?

Aytac Məmmədli
28 Aprel, 2022
748

açıq mənbədən götürülüb

Aprelin 27-nə olan məlumata görə, dünyada 190 nəfər mənşəyi bəlli olmayan hepatit virusuna yoluxub.

Onların əksəriyyəti İngiltərədə (110) olmaqla, Avropada 140 yoluxma faktı qeydə alınıb.

Virusa yoluxma halı İspanya, İsrail, ABŞ, Danimarka, İrlandiya, Hollandiya , İtalya, Norveç, Fransa, Ruminya, Belçika, İsraildə də qeydə alınıb. Son məlumatlara görə, bu virus artıq Asiyaya da çatıb, Yaponiyada 1 nəfər xəstəliyə yoluxub.

Aprelin 23-də Ümumdünya Səhiyyə Təşkilatı virusla əlaqədar ən azı 1 nəfərin öldüyünü, 17 uşağa qaraciyər transplantasiyayası həyata keçirildiyini açıqlayıb. BMT-nin səhiyyə agentliyi bu halların bir aydan 16 yaşa qədər olan uşaqlarda qeydə alındığını bildirib.

Açıqlamalara görə, hepatitin və ya qaraciyərin iltihabının simptomları arasında qızdırma, halsızlıq, iştahsızlıq, ürəkbulanma, qusma, qarın ağrısı, sidiyin rənginin tündləşməsi, açıq rəngli nəcis, oynaq ağrısı və sarılıq daxildir. ÜST xəstəliklə bağlı olaraq əllərin tez-tez yuyulmasını və tənəffüs yollarının gigiyenasına nəzarət etməyi tövsiyə edir. Həmçinin simptomları hiss edənlərə sidik, qan, nəcis testlərini, tənəffüs yollarının müayinəsini və qaraciyərin biopsiyasını məsləhət görür.

WHO

İngiltərənin araşdırma mərkəzləri xəstəliyin mənşəyini tapmağa çalışsalar da, hələlik bu barədə məlumat yoxdur. İlkin fərziyyələrə görə, xəstəliyin səbəbi adenovirus infeksiyası ola bilər. Bununla belə, qida, içki və şəxsi vərdişlərə dair keçirilən sorğu anketləri nəticəsində də xəstəliyin yaranma səbəbləri ilə bağlı ortaq nəticəyə gəlmək mümkün olmayıb. 

İnfeksionist Mərdan Əliyev deyir ki, virusun xüsusiyyətləri hələlik bəlli olmadığı üçün onun barəsində ətraflı danışmaq çətindir.

“Hepatit virusları hava damcı yolu ilə yox, təmas vasitəsilə yoluxur. Ona görə də sürətli yoluxma qabiliyyətinə malik deyil. Bəzi hepatit virusları var ki, məsələn, Hepatit E ümumiyyətlə, bizim ölkə üçün xarakterik deyil. Mənşəyi bəlli olmayan virusun xüsusiyyətlərini - hansı yolla yoluxması, necə yoluxması, bizim ölkə üçün xarakterik olub-olmamasını bilmirik deyə, nəsə demək çətindir”.

Mərdan Əliyev - açıq mənbədən götürülüb

Həkimin sözlərinə görə, hepatit virusları digər orqanlar üçün təhlükəli deyil, o, yalnız hepatit və digər qaraciyər xəstəliklərinə səbəb olur.

M. Əliyev valideynləri uşaqların gigiyenasına riayət etməyə, adamların sıx toplandıqları yerlərdə ehtiyatlı olmağa, məktəbləri və bağçaları isə şübhəli hal aşkarlanan uşaqlara qarşı tədbir görməyə çağırır.

Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyi də mənşəyi məlum olmayan hepatit virusu ilə bağlı birgə məlumat yayıb.

Məlumatda bildirilib ki, Azərbaycanın səhiyyə qurumları tərəfindən respublika ərazisində epidemioloji vəziyyət dərhal araşdırılıb. Nəticələrə əsasən, indiyə qədər Azərbaycanda uşaqlarda mənşəyi məlum olmayan hepatit virusuna yoluxma halı aşkarlanmayıb.

Vətəndaşların nəzərinə çatdırılıb ki, respublika ərazisində vəziyyət diqqətlə izlənilir və nəzarət altındadır.

“Əhaliyə təşvişə düşməmək, lakin profilaktik tədbirlərə, xüsusən adi gigiyena qaydalarına riayət etmək, o cümlədən əllərin tez-tez yuyulması, xəstə insanlarla (asqırma, öskürmə və s. əlamətləri) təmasdan çəkinmək, habelə, çirkli əllərlə gözlərə, buruna və ya ağıza toxunmamaq tövsiyə edilir”.

 

Sosial

Zorla ərə verilən 17 yaşlı qız sığınacağa yerləşdirilib

29 Sentyabr 2022

Rəsmi səhifə

Bakıda 17 yaşlı qızın zorla ərə verilməsi ilə bağlı sosial şəbəkələrdə yayılan iddialar təsdiqini tapıb. Bu barədə Daxili İşlər Nazirliyinin (DİN) mətbuat xidmətinin şöbə rəisi Elşad Hacıyev sosial media hesabında məlumat verib.  "Bakıda 17 yaşlı qızın zorla ərə verilməsi ilə bağlı  sosial şəbəkələrdə yayılan iddialar təsdiqini tapıb. İddialar nəzarətə götürülməklə araşdırılıb. Məcburi olaraq öz qohumu ilə ailə qurmağa vadar edilən A.A. polis əməkdaşları tərəfindən müvafiq sığınacağa yerləşdirilib. Qarşı tərəf dəvət olunub, dinlənilib, izahatları alınıb. Araşdırmalar davam etdirilir", - məlumatda qeyd olunub. 
Sosial

Rusiyanı tərk edən vətəndaşlar – “Rusiya? Vətən? O nədir? Əvvəlcədən çıxmaq lazımıydı”

29 Sentyabr 2022

Sosial Media

Rusiya-Gürcüstan sərhədindəki tıxac sentyabrın 27-də 20 kilometrdən çox uzanırdı. Səfərbərlikdən qurtulmağa çalışan rusiyalılar ölkədən çıxmaq üçün günlərini sərf edirlər. Eyni zamanda Şimali Osetiya hakimiyyəti sərhəddə hərbi komissarlığın səfərbərlik məntəqəsini yaradıb. “Meduza”nın xahişinə əsasən jurnalist Vladimir Sokolov rusiyalıların öz avtomobillərini ataraq Yuxarı Lars nəzarət-buraxılış məntəqəsini (NBM) keçmələri barədə danışır. Materialı azərbaycan dilində Toplum TV oxucularına təqdim edirik. Sanki möhürü qırdılar Tbilisi  aeroportunda qohumların və taksi sürücülərinin gələnləri  qarşıladığı zonada 40 yaşlı qadın və iki oğlu duraraq çaşqın-çaşqın ətrafa göz gəzdirirlər. Üçü də havaya uyğun geyinməyib, Tbilisidəki 18+ hərarət üçün şərf və gödəkçələri çox qalındır. Valentina uşaqları ilə - birinin 13, digərinin...

Seçilmiş Videolar

Toplum TV loqo