Sosial

Nazirlik qazilərin tələbinə piarla cavab verir 

Aytac Məmmədli
11 İyun, 2022
506

qafqazinfo

Meyarlar "fundamental islahatlar" kimi qələmə verilir 

İyunun 2-də Əmək və Əhalinin Sosial Müdafiəsi Nazirliyinin inzibati binasının qarşısında qazilərin etirazından sonra Dövlət Tibbi Ekspertiza və Reabilitasiya Agentliyi bəzi suallara aydınlıq gətirməyə çalışıb. 

Agentliyin sədri Anar Bayramov bildirib ki, 44 günlük müharibədə yaralanan 3 minədək hərbçiyə əlillik təyin edilib, əlillik təyinatı ilə bağlı imtina cavabı alan şəxslərin sayı minimuma endirilib, müharibə iştirakçılarıyla növbəti görüşlər keçirilib və s.  

Anar Bayramov Qafqazinfo.az
Anar Bayramov
Qafqazinfo.az

Sədr onu da açıqlayıb ki, gələn aydan Azərbaycanda əlilliklə bağlı yeni meyarlar tətbiq olunacaq. Hərçənd bu sahədə yeni meyarların tətbiq olunacağı yeni xəbər deyil, ötən aydan bəlli idi. 

Mayın 18-də nazirliyin saytında əlilliyin həyat fəaliyyətinin 7 əsas kateqoriyası (özünəqulluq, sərbəst hərəkətetmə, istiqamətseçmə, ünsiyyət, davranışına nəzarətetmə, öyrənmə, əmək fəaliyyəti üzrə məhdudlaşma üzrə məhdudlaşma dərəcələri) əsasında müəyyən olunacağı qeyd olunmuşdu. 

Nazirlik yeni meyarları əlillik sahəsində fundamental islahat kimi qələmə verir. 

Etiraz cəhdlərinin qarşısını alma səyləri

Harvard Universitetində ictimai siyasət üzrə təhsil alan Bəxtiyar Hacıyev o qənaətdədir ki, qazilərin etirazından sonra məlumatın yenidən tirajlanması nazirliyin öz problemlərini  qanunvericiliklə, normativ aktlarla əlaqələndirmək və onların növbəti aksiya cəhdlərinin qarşısını almaq səyidir: “Mesaj vermək istəyirlər ki, səbirli olun, yeni qaydalara əsasən daha çox insana əlillik dərəcəsi təyin olunacaq”. 

Bəxtiyar Hacıyev Toplum.TV
Bəxtiyar Hacıyev
Toplum.TV

Gənc Qazilər İctimai Birliyinin sədri Hacı Vəliyevsə hesab edir ki, problem meyarlarda deyil, idarə edənlərdədir: “Onsuz bizim problemimiz meyarlarla deyildi. Qazilərin əksəriyyətinin sağlamlıq durumu onların əlillik üçün qoyduğu tələblərə uyğun gəlir, amma dərəcəni ala bilmirlər. Əslində idarə edənlər dəyişməlidir, qaydalar yox”. 

Bəxtiyar Hacıyev əlavə edir ki, indiki idarəetmə qalacaqsa, yeni meyarlar heç nəyi dəyişməyəcək. 

“Məsələ meyarların fərqli olmasında yox, əyani müalicəni həyata keçirən komissiyanın işinin ədalətsiz olmasındadır”, - B. Hacıyev söyləyir. 

“Heç aksiyadan sonra da bizimlə maraqlanmadılar"

Nazirliyin müharibə iştirakçılarıyla görüşməsinə gəlincə, Hacı Vəliyevin sözlərinə görə, aksiyadan sonra da qazilərin heç biri nazirliyin qəbuluna düşə bilmir. 

“Heç aksiyadan sonra da bizimlə maraqlanmadılar. Xəbərlərdə paylaşırlar ki, qazilərlə görüş keçirilib, onların hamısı nazirliyin dəstəyilə dövlət qurumlarında işləyən adamlardır. Haqqı tapdalanan bir nəfəri də ora çağırmırlar”, - Hacı Vəliyev belə deyir. 

Hacı Vəliyev
Yeniavaz.com

Nazirlik rəsmisi əlillik təyinatı ilə bağlı imtina cavabı alan şəxslərin sayının minimuma endiyini desə də, müharibə bitəndən bəri qazilərin əksəriyyəti əlillik dərəcəsi ala bilmədiklərindən şikayət edir, müxtəlif vaxtlarda problemlə bağlı etiraz aksiyaları keçirirlər. 

Sosial

Məhkəmə Hüquq Şurası: “Qadınların sayı ilə bağlı qanunda xüsusi kvota yoxdur"

Samirə Əli
6 İyul 2022
Əvvələr qadınlar hakim korpusunun 17 faizini təşkil edirdisə, indisə bu faizin 20-ə qalxdığı bildirilir.  Bu barədə "Toplum TV"-yə Məhkəmə Hüquq Şurasından bildirilib.  Prezident İlham Əliyevin bu ilin iyulun 1-də imzaladığı sərəncama görə, 39 nəfər yeni nəsil hüquqşünas hakim vəzifəsinə təyin edilib.  Bunlardan 23-ü qadın, 16-sı kişi olub.  “Qadınların sayının artırılması ilə bağlı qanunvericilikdə xüsusi kvota yoxdur. Sadəcə, qadınlar son dövrlərdə seçim proseslərində daha aktiv iştirak edirlər”, - deyə qurumdan əlavə edilib.  Təyinatdan sonra Azərbaycanda ümumilikdə 565 hakim var.  Bunlardan 453-ü kişi, 112-si qadındır.  
Sosial

Qurbаn bаyrаmı namazının qılınacağı vaxt açıqlandı

6 İyul 2022

Açıq mənbələrdən götürülüb

Azərbaycanda Qurbаn bаyrаmı namazının qılınacağı vaxt açıqlanıb.  Bu barədə Qafqaz Müsəlmanları İdarəsi Qazılar Şurasının yaydığı məlumatda bildirilib.  AMEA Şamaxı Astrofizika Rəsədxanasının hesablamalarına əsasən Azərbаycаn üfüqündə Hilalın görünməsinə uyğun olaraq Qurbаn bаyrаmı Zül-hiccə ayının 10-na – Miladi təqvimlə 9 iyul tarixinə təsadüf edəcək.  Qurban kəsimi 9 iyul tarixindən başlayaraq, 3 gün davam edə bilər: İyul ayının 9-da məscidləridə birgə Bayram namazları qılınacaq.

Seçilmiş Videolar

Toplum TV loqo