Sosial

Nazirlik rejissorlara cavab verdi - Film layihələri yenidən işləndikdən sonra istehsalata buraxılacaq

12 Avqust, 2022
837

Açıq mənbələrdən götürülüb

Mədəniyyət Nazirliyi müsaqibələrdə qalib gələn film ssenarilərinin istehsalata buraxılmamaması ilə əlaqədər tənqidlərə cavab verib.

Nazirlikdən “Toplum TV”-nin sorğusuna bildirilib ki, film layihələri aktuallığını itirdiyi üçün ekranlaşdırılmayıb.

2019-cu ilin martında prezident İlham Əliyev Mədəniyyət Nazirliyinə film sahəsinin inkişafı üçün 5 milyon manat ayırıb.

Sərəncama əsasən, bu vəsait dövlət sifarişi ilə film istehsalını və gənc kinematoqrafçıların yaradıcılığını dəstəkləməyə xərclənməli idi.

Mədəniyyət Nazirliyi hər il bədii, sənədli və animasiya film ssenariləri müsabiqəsi elan edir. Ancaq naməlum səbəblərdən müsabiqələrdə qalib gələn ssenarilər sonra ekranlaşdırılmayıb.

https://toplum.tv/multimedia/rejissorlar-kinoya-ayrilan-pullar-hardadir

Bir neçə tammetrajlı bədii film isə istehsalata buraxılsa da, sonradan hansısa səbəblərdən iş dayanıb. 2019-cu ildə müsaqibədə qalib gələn ssenarilərdən birinin müəllifi rejissor Pərviz Həsənov “Feysbuk”da Mədəniyyət Nazirliyini tənqid edən paylaşım edib:

“Azərbaycanda sabah çox demirəm, 5 tammetrajlı bədii film istehsalata buraxılsa, nə baş verəcək ölkədə, deyə bilərsiniz? O filmləri istehsal edəcək mütəxəssis tapılmayacaq. Söhbət tək rejissordan getmir. Film istehsalına aid olan bütün mütəxəssisilər bura aiddir. Prodüser qrupundan tutmuş, rəssam qrupuna kimi, protexnikdən tutmuş kaskadyor qrupuna qədər. Geyim rəssamı qrupundan tutmuş texniki qrupa qədər…”

Rejissorun fikrincə, Nazirlik kino sahəsini məhv etməyi qarşısına məqsəd qoyub:

“2019-cu ildə keçirilmiş ssenari müsabiqəsində qalib olan ssenarilərin aqibəti nə yerdədi? Daha sonra keçirilən müsabiqələrdə qalib olan ssenarilər bəs? 2019-cu ildə istehsalata buraxılan filmlər niyə dayandırıldı? Niyə ancaq master-klass  ilə baş qatırsınız? Çox sual verdim, bilirəm yoruram. Amma siz heç nə etməyəndə mən də sual verməliyəm”.

Nazirlik sözügedən tənqidə cavab olaraq 2020-ci ildə “Dövlət sifarişi ilə film istehsalının mövcud vəziyyətinin araşdırılaraq müəyyənləşdirilməsi və ortaya çıxan problemlərin mümkün həll mexanizmlərinə dair rəy və təkliflərin təqdim edilməsi üzrə müstəqil Komissiya” yaradıldığını bildirib.

Bu Komissiya dövlət sifarişi ilə film istehsalının mövcud vəziyyəti araşdırdıqdan sonra qərara gəlib ki, film layihəllərinin aktuallığını itirib. Həmin layihələr işlənilərək inkişaf etdirildikdən sonra istehsalına gələcəkdə yenidən baxıla bilər.

2019-cu ildə müsaqibədə qalib gələn layihələr isə ssenari ehtiyatının formalaşdırılması üçün Nazirlik tərəfindən satın alınıb.

“Bu gün Mədəniyyət Nazirliyi tərəfindən kino sahəsində əsaslı və strateji məqsədyönlü işlər həyata keçirilir, o cümlədən kino sahəsinin kino sənayesinə çevrilməsi ilə əlaqədar infrastruktur, hüquq, kadr siyasəti istiqamətində islahatlar davam edir. Bununla yanaşı, qeyd etmək lazımdır ki, kino sahəsində bir çox problemlər də qalmaqdadır. Əminik ki, cari ilin aprel ayında Azərbaycan Respublikası Prezidentinin Fərmanı ilə yaradılan Azərbaycan Respublikası Kino Agentliyi sözügedən problemlərin həllinə öz töhfəsini verəcəkdir”,- deyə açıqlamada qeyd olunub.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo