Sosial

Nazirlik ucqar kənd məktəblərinin niyə bağlandığına aydınlıq gətirdi - YENİLƏNİB

Məzahir Abdurahmanov
23 Sentyabr, 2021
1000

Açıq mənbələrdən götürülüb

Azərbaycanda ən az şagirdi olan 2 məktəb var. Onlar Lerik rayon Təndül kənd və Şabran rayon Leyti kənd ibtidai məktəbləridir. Adıçəkilən təhsil müəssisələrində 1 nəfər təhsilalan var. Bu haqda Təhsil Nazirliyi ötən dərs ilinin sonunda xəbər yaymışdı. Artıq o kəndlərdə məktəb bağlanıb.

“Leyti kənd ibtidai məktəbinin qeydiyyatında bir şagird olduğu üçün məktəb fəaliyyətini müvəqqəti olaraq dayandırıb”.

Bunu  isə “Toplum TV”-yə Şabran rayon Leyti kənd məktəbinin drektoru Kəmalə İslamova deyir.

Onun sözlərinə görə, əvvəllər məktəbdə iki müəllim işləyirmiş: “Bu məktəbdə 11-12 şagird oxuyan vaxtlar olub. Zaman keçdikcə şagird sayı azaldı. Ona görə də tədris aparan bir müəllim qaldı. Məktəb fəailiyyət göstərən vaxtlarda uşaqlar 4 illik təhsillərini bitirdikdən sonra təhsillərini davam etdirmək üçün qonşuluqda olan Gəndov kəndinə gedirdilər”.

Sosial Media

Direktor Gəndovun Leyti kəndinə təxminən 6 km uzaqlıqda yerləşdiyini, üstəlik də yolunun çətin olduğunu vurğulayır. K.İslamova çıxış yolu olaraq valideynlərin “maşın tutaraq övladlarını çətin yollarla” təhsil almağa göndərdiklərini bildirir.

Leyti məktəbinin direktoru onu da deyir ki, məktəbdə şagirdlərin sayının azlığı kənd sakinlərinin Bakı və Sumqayıta köç etməsindən qaynaqlanır. 

Lerik rayon Təndül kəndinin ibtidai məktəbində də bir şagird, bir müəllimi var. 

Məktəbin həm müəllimi, həm də direktoru Nurəli Əliyev məktəbin artıq fəaliyyət göstərmədiyini bildirir. Səbəb də yeni tədris ilində məktəbə uşaq gəlməməsidir. 
“Keçən il bir nəfər şagird var idi. O da bu ildən qonşuluqda olan 9 illik məktəbə getdi” – direktor  söyləyir.

Onun dediyinə görə, uşaqlar təhsil üçün hər gün 10 km uzaqlıqda yerləşən məktəbə gedirlər. 

“Yol təmir olunmadığı üçün qışda bu yolu getmək çox çətin olur. Müəllimlər belə bu yolu getməkdə çətinliklər çəkir” – Nurəli Əliyev vəziyyəti izah edərkən bunu da əlavə edir. 

“Toplum TV” təmirsiz, çətin yollarla məktəbə gedən uşqlar üçün Təhsil Nazirliyinin hansı addımı atması ilə maraqlanıb. Nazirlik material yayımlandıqdan bir gün sonra sorğumuza cavab verib.

Rəsmi səhifə

Təhsil Nazirliyi bağlanan məktəblərin şagirdləri haqda: “Əlaqədar qurumlar məlumatlandırılıb” 

Təhsil Nazirliyi “Toplum TV”-nin suallarına cavab olaraq bildirib ki, Şabran rayonunun Leyti kənd ibtidai məktəbi uşaq sayı yetərli olmadığı üçün 2021-ci ilin fevral ayından qanunvericiliyə uyğun olaraq fəaliyyətini dayandırıb. 

“Kəndin məktəb yaşlı uşaqlarının sayı hər il azalır. Ötən il məktəbin cəmi üç şagirdi olmuşdu (2 nəfər birinci, 1 nəfər dördüncü sinif). Məktəbə yeni təyin olunan müəllim orada işləməkdən imtina etdiyi, yeni müəllimin təyin olunması müəyyən vaxt aldığı üçün birinci sinif şagirdlərinin valideynləri uşaqları yaxınlıqdakı kəndə məktəbinə köçürdülər. Məktəbdə bir şagird qaldığı üçün məktəb fəaliyyətini müvəqqəti dayandırdı” – nazirlikdən bildirilir.

Qurumun cavabında qeyd olunur ki, gələcəkdə şagirdlər yetərli sayda olarsa, məktəb fəaliyyətini davam etdirəcək. 

“Son illərin təhlili və müşahidə edilən dinamika onu göstərir ki, kəndin gənc ailələri şəhərlərə axın edirlər. Bu halda isə həmin kənddə məktəbin nəinki 11 illik məktəbə çevrilməsi, ibtidai məktəb kimi də fəaliyyətini davam etdirməsi sual altında qalır”, -Təhsil Nazirliyindən deyilir.

O ki qaldı, uşaqların yolunun uzaqlığı ilə bağlı addımlar atılmasına, nazirlikdən bildirilir ki, şagirlərin digər məktəbə gediş-gəlişi onların səlahiyyətində olmadığı üçün hansısa iş görülməyib, amma əlaqədar qurumlar məlumatlandırılıb.

 

Sosial

Nazilik "Meymun çiçəyi" virusu barədə məlumat yayıb

20 May 2022

açıq mənbədən götürülüb

Səhiyyə Nazirliyi son vaxtlar kütləvi şəkildə yayılan “Meymun çiçəyi” virusunun Azərbaycan üçün təhlükəsi olub-olmaması məsələsinə münasibət bildirib. Nazirlikdən “Reporta”a deyilib ki, hazırda həmin virus Azərbaycanda yoxdur və olmaması üçün də yetərincə tədbirlər həyata keçirilir. Nazirliyin mütəxəssis-eksperti, infeksionist Ləman Qalimova qeyd edib ki, “Meymun çiçəyi” nadir virusdur və suçiçəyi xəstəliyinə bənzəyir: “Virusa adətən Qərbi Afrika ölkələrində, xüsusilə də tropik meşələrin yaxınlığında rast gəlinir. Virusun iki əsas ştammı var: Qərbi Afrika və Mərkəzi Afrika. Simptomlara gəlincə, virusun ilk əlamətləri qızdırma, baş ağrısı, şişlik, bel ağrısı, əzələ ağrısı və zəiflik kimi büruzə verir». İnfeksionistin sözlərinə görə, qızdırma azaldıqdan sonra üzdə başlayan səpgilər bədənin digər...
Sosial

Prezident Şuşa Real Məktəbinin bərpasına 1 milyon manat ayırdı

20 May 2022

Wikipedia

Şuşa Real Məktəbi bərpa ediləcək. “president.az”ın məlumatına görə, bununla bağlı İlham Əliyev Sərəncam Sərəncama əsasən, Şuşa şəhərində Şuşa Real Məktəbinin binasının layihələndirilməsi və bərpası məqsədilə Azərbaycan 2022-ci il dövlət büdcəsində işğaldan azad olunmuş ərazilərin yenidən qurulması və bərpası üçün nəzərdə tutulan vəsaitdən Təhsil Nazirliyinə ilkin olaraq 1 milyon manat ayrılıb. Şuşa Real Məktəbinin əsası 19-cu əsrdə qoyulub. 1992-ci ildə Şuşa işğal olunduqdan sonra Şuşa Realnı məktəbi yandırılıb.

Seçilmiş Videolar

Toplum TV loqo