Sosial

"Oğlum və ailəsi Səfər Mehdiyevin şəxsi dustağıdır"

20 Mart, 2021
2165

Açıq mənbələrdən götürülüb

"Qüdrət Həsənquliyevin bacısı oğlu vasitəsilə plan qurub övladımı şərlədilər"

Dövlət Gömrük Komitəsində vəzifə alandan 5 gün sonra həbs olunan Natiq İmanovun 10 gündür ki, 6 saylı Cəzaçəkmə Müəssisəsində aclıq aksiyası keçirir.

Bu barədə Meydan TV-yə anası Aygün İmanova məlumat verib.

O bildirib ki, Natiq İmanov qanunsuz həbsi olunması ilə bağlı ölkə başçısına, Baş prokuror Kamran Əliyevə və aidiyyəti qurumlara müraciət edib, lakin onun müraciətinə cavab verilməyib. Bundan sonra o, quru aclıq aksiyasına başlayıb.

İmanovun anası deyir ki, Gömrük Komitəsinin rəhbəri Səfər Mehdiyev oğlunu öz çirkin əməllərinə qurban verib.

Aygün İmanovanın sözlərinə görə, oğlunu şərləyən Gömrük Komitəsinin əməkdaşı, deputat Qüdrət Həsənquliyevin bacısı oğlu Rafael Əhmədovdur: "Bu həbsi planlı şəkildə həyata keçiriblər. Səfər Mehdiyevə özünü yoxlamalardan sığortalamaq üçün bir qurban lazım idi, ona görə də 5 gün idi ki, vəzifəyə təyin olunan oğlumu şərlədi. Sonra da Qüdrətin bacısı oğlu Rafael Əhmədovu onun üzünə saxladılar. Mənim oğlum necə rüşvət ala bilər ki, ailəsi iki körpə uşaqla hələ də kirayədə yaşayır. Həyat yoldaşım Tofiq İmanov 2-ci qrup Çernobl əlilidir, mən evdar qadınam, bir ailəni necə sahibsiz qoya bilirlər? Qoy bütün Azərbaycan xalqı bilsin ki, oğlum və ailəsi Səfər Mehdiyevin şəxsi dustağıdır".

Natiq İmanov - Meydan Tv

Məhkumun anası bildirib ki, 3 gün öncə Ombudsman aparatının əməkdaşları da aclıq aksiyası keçirən Natiq İmanova baş çəkiblər: "Natiqlə danışmışıq. Quru aclıq aksiyası keçirir. Hazırda çəkisi 58 kq düşüb. Təzyiqi isə 180-dir. Balamı şərləyib həbsxanada öldürmək istəyirlər".

Natiq İmanovun vəkili Elçin Sadıqov da Meydan TV-yə onun aclıq aksiyası keçirdiyini təsdiqləyib.

O bildirib ki, İmanov qanunsuz həbsinə etiraz olaraq belə bir aksiyaya qərar verib: "Səhhəti acınacaqlı durumdadır və cəzaçəkmə müəssisəsində həbsini davam etdirməsinə uyğun deyil. Ümumiyyətlə, həbsi qanunsuzdur və azadlığa buraxılmalıdır".

Ailəsi deyir ki, 36 yaşlı Natiq İmanov Bakıda doğulub, 2001-ci ildə yüksək balla Azərbaycan Dövlət İqtisad Universitetinə qəbul olub, Prezident təqaüdü ilə təltif edilib. Həmin universitetin bakalavr və magistr pillələrini bitirərək 2006-cı ildən etibarən Dövlət Gömrük Komitəsində (DGK) xidmət edib.

Rəhbərlik tərəfindən təşəkkür, fəxri fərmanlarla, xüsusi rütbələrlə və nəhayət, 2016-cı ildə "10 illik qüsursuz xidmətə görə döş nişanı” ilə təltif olunub.

Natiq İmanov isə ictimaiyyətə ünvanladığı müraciətdə deyir ki, yaxşı təhsil alıb, öz işində peşəkarlığıyla seçilib, 12 il çalışıb və 2018-ci ilin 6 sentyabrında Dövlət Gömrük Komitəsində keçirilmiş struktur və kadr islahatları zamanı Komitə sədri Səfər Mehdiyevin əmri ilə maliyyə şöbəsinin rəisi vəzifəsinə təyin olunub.

Cəmi 5 gün bu vəzifəni icra edən Natiq İmanov Cinayət Məcəlləsinin 311.2-ci (vəzifəli şəxslərin qanunsuz hərəkərlərə görə rüşvət alması) maddəsi ilə təqsirli bilinərək 5 il müddətinə azadlıqdan məhrum edilib.

Natiq İmanov həmçinin qeyd edib ki, Dövlət Gömrük Komitəsində (DGK) xidməti fəaliyyətim dövründə həyat yoldaşı və 2 azyaşlı uşağı kirayədə yaşayıb. Tələbəlik illərində atası tərəfindən hədiyyə edilmiş "VAZ 2107” markalı avtomobildən başqa heç bir mülkiyyəti olmayıb.

Cinayət materiallarından məlum olur ki, DGK-nın Əməliyyat İdarəsinin rəis müavini vəzifəsinə yeni təyin olunmuş Rafael Əhmədov və dostu Mansur Zeynalov Natiq İmanovun həbs olunmasında əsas şahiddirlər. Şahid ifadələri Natiq İmanovun rüşvət aldığını təsdiqləsə də, təqsirləndirilən şəxs əksini söyləyir.

İfadəsindən belə məlum olur ki, iş yoldaşı kimi yaxın münasibəti olduğu Mansur Zeynalov ona zəng edərək görüşmək istədiyini deyib. Görüşdə isə rayona gedəcəyini bildirib və şəxsi pulunu ona əmanət edib. Natiq İmanov da həmin pulla yaxalanıb. Sonradan müdafiə tərəfi Rafael Əhmədovla Mansur Zeynalovun birgə planı nəticəsində əməliyyatın həyata keçirildiyi qənaətinə gəlib.

Məsələ ilə bağlı Penitensiar Xidmətdən münasibət almaq mümkün olmayıb


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Nərmin işində təqsirləndirilən şəxs: “O qədər işgəncə vermişdilər ki, ayaqqabı geyinə bilmirdim”

Leyli Cəfərova
23 Noyabr 2022

Toplum.TV

Gəncə Ağır Cinayətlər Məhkəməsində Tovuzun Dondar Quşçu kəndində 10 yaşlı Nərmin Quliyevanı qətlə yetirərək meyiti yandırmaqda təsqirləndirilən İlkin Süleymanovun məhkəməsi davam edir.  Ötən məhkəmə iclasında İlkin Süleymanovun istintaq ifadəsinin yerində yoxlanması ilə bağlı videogörüntülər nümayiş etdirilmişdi.  Bu, 2020-ci ilin yanvarında İlkin Süleymanovun yaşadığı ünvanda və meyitin yandırıldığı yerdə (evin yaxınlığında) keçirilib.  Bu gün - noyabrın 23-də keçirilən məhkəmə iclasında isə İlkin Süleymanov ifadəsinin yerində yoxlanması prosesi ilə bağlı prokurorun və vəkillərin suallarını cavablandırıb. Vəkillər İlkin Süleymanovdan ifadənin yerində yoxlanılmasına aparılarkən təzyiqlərə məruz qalıb-qalmadığını soruşublar.  İlkin Süleymanov deyib ki, aparılmamışdan əvvəl polis rəisinin müavini Şahlar Cəfərov onu hədələyib və fiziki işgəncəyə...
Sosial

Bakıda "saxta qazi"nin saxlanıldığı bildirilir

23 Noyabr 2022

Açıq mənbələrdən götürülüb

"Paytaxtda Vətən uğrunda döyüşlərdə qəhrəmanlıq göstərən hərbi qulluqçulara verilən orden və medalları, hərbi geyimi, fərqlənmə nişanlarını qanunsuz əldə etməklə görüntü yaradan şəxs polis əməkdaşları tərəfindən saxlanılıb". Toplum Tv xəbər verir ki, bu barədə noyabrın 23-də Daxili İşlər Nazirliyinin (DİN) Mətbuat Xidməti  məlumat yayıb.  https://toplum.tv/multimedia/gece-saatlarinda-qaziler-din-onunde-etiraz-etdi Bildirilib ki, döyüşlərdə iştirak etməyən, 2-ci qrup əlil, 1986-cı il təvəllüdlü şəxs barəsində qanunamüvafiq tədbirlərin görülməsi təmin edilib. Həmçinin qeyd olunub ki, ondan üzərində daşıdığı orden və medallar, hərbi geyim götürülüb.

Seçilmiş Videolar

Toplum TV loqo