Sosial

Parkinson xəstəsi: “O, sanki xəstələri yaşatmağa yox, öldürməyə and içib”

25 Fevral, 2021
2567

Toplum TV

“Parkinson” xəstəliyindən əziyyət çəkən 60 yaşlı Zərdab rayon Çallı kənd sakini Sona Nemətova ikinci qrup əlildir. Son zamanlar səhhəti pisləşdiyindən birinci qrup əlil kimi qeydiyyatdan keçmək istəyir. 

“İndiki halda mən həm yalnız birinci qrup əlillər üçün təyin edilən baxıcı pulundan, həm də bəzi digər güzəştlərdən məhrumam. Təqaüdümü isə az hesablayıblar” – “Toplum TV”-yə danışan xəstə qadın belə söyləyir.

Onun sözlərinə görə, bununla bağlı dəfələrlə Zərdab rayon Mərkəzi Xəstəxanasının baş həkimi Ruslan Nemətova müraciət edib, amma baş həkim xəstəliyi ilə bağlı lazımi sənədi verməyib, get-gələ salıb.  

Toplum TV

“Bir neçə gün qabaq yaxın qohumlarımın yardımı sayəsində çox çətinliklə də olsa, xəsətəxanada həkim müayinəsindən keçib rəy almağa çalışdım. Həkim Firuzə xanım məni çox yaxşı qəbul edib dinlədikdən sonra baş həkim Ruslan Nemətovun yanına göndərdi. Baş həkimsə kobud danışdı, necə deyərlər, məni başından elədi”.

Sona Nemətova danışır ki, baş həkim onu hər dəfə bir xəstəxanaya göndərir: “Əvvəlcə mənim Göyçayda müalicə aldığım özəl klinikadan epikriz gətirməli olduğumu bildirdi. Biz həmin həkimlə əlaqə saxladıq, o dedi ki, belə bir sənəd vermək səlahiyyəti yoxdur. Ruslan həkim bu dəfə də mənim Kürdəmir Mərkəzi Xəstəxanasında müalicə alıb ordan sənəd almalı olduğumu dedi və göndəriş yazdı. Mən Çallıdan rayon xəstəxanasına olan yarım saatlıq yolu belə çox çətinliklə gəldiyimi desəm də, o israr etdi. Yaxınlarım mənim üçün təcili yardım maşını ayrılmasını xahiş etsə də,  kobud şəkildə cavab verdi ki, bura necə gəlmisənsə, elə də Kürdəmirə get... ”.

Toplum TV

S.Nemətova növbəti gün qohumlarının yardımı ilə Kürdəmirə yollansa da, xəstəxana bu səlahiyyətin artıq onlardan alındığı bildirilib.

“Əslində, Ruslan həkim bunu  çox yaxşı bilirdi, ancaq o, sanki xəstələri yaşatmağa yox, öldürməyə and içib” – yaşlı qadın belə deyir.

Şikayətçinin sözlərinə görə, vəziyyəti ağırlaşdığı üçün uzun müddətdir ki, ona gəlini baxır.

O, xəstəliyi üçün təyin edilən 260 manatlıq ödənişin həm dolanışıq, həm də xəstəxana xərclərinə kifayət etmədiyini qeyd edir: “Dövlət xəstəliyim üçün bir neçə sakitləşdirici dərmanı pulsuz versə də, əsas dərmanlar və müalicə xərcləri az qala təqaüdün yarısına bərabərdir”.

“Toplum TV”-yə danışan Zərdab rayon Mərkəzi Xəstəxanasının baş həkimi R.Nemətov haqqında səsləndirilən iddiaları təkzib edir: “Biz özəl klinikaya xəstə göndərmirik”. 

Onun sözlərinə görə, Sona Nemətova əlilliklə bağlı müvafiq sənədləri onlara təqdim etməyib, etdiyi halda o məsələyə baxılacaq.

“Hansı sənədlər lazımdır” sualına isə baş həkim “Xəstə özü bilir” deyə cavab verir.

Toplum TV

S.Nemətova həkimin indiyə qədər onlara hansı sənədlərin lazım olduğunu söyləmədiyini bildirir: “Kürdəmir, Göyçay həkimləri vəziyyətimi görüb hərəkət etməməli olduğumu desələr də, Zərdabın baş həkimi  “Sənə nə olub ki” deyir”.

Çarəsiz vəziyyətdə qaldığını deyən S.Nemətova  Zərdab rayon İcra Hakimiyyətinə və digər dövlət rəsmilərinə şikayət  ərizəsi ilə müraciət edib. Xəstə qadın ümidlə ona kömək edilməsini gözləyir. “Həqiqətənmi, bu həkimin əməllərinə düzgün qiymət verib tədbir görə bilən bir qurum, şəxs yoxdur ölkədə?”


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo