Sosial

Polisə aparılan feministlər: "Təhqir edir, işgəncə verirdilər"

 

9 Mart, 2021
2863

Toplum.TV

“Bizə belə deyirdilər: “Qadın kimi davranın”, “Bizim vaxtımızı alırsınız”, “Elə eləmə ki, mənim beynim çönsün, onda yaxşı olmaz””

Qadınların etiraz yürüşü - qadın qətllərinə etiraz edən feministlər, aksiyanın polis tərəfindən dağıdılması, iştirakçıların həbsi, plakatı cırmaq üçün tullanan polis əməkdaşı. Bunlar dünənki “8 Marş”dan sonra yadda qalanlardır.

Martın 8-də Bakıda aksiya keçirən feministlər polis tərəfindən saxlanıldıqdan sonra müxtəlif fiziki və psixoloji təzyiqlərə məruz qaldıqlarını deyirlər.

Onlar bildirirlər ki, ümumlikdə 25 aksiya iştirakçısı saxlanılaraq müxtəlif polis bölmələrinə aparılıb.

Buraxılandan sonra bir neçə aksiya iştirakçısı həkimə müraciət edib.

Bu günsə Nərmin Şahmarzadənin “Feysbuk” profili ələ keçirilib və adı dəyişdirilib.

Bu barədə “Toplum TV”-yə o özü məlumat verib.

“Hətta mənim adımdan “Feysbuk” rəhbərliyinə şəxsiyyət vəsiqəmin surətini də göndəriblər ki, profilimi bərpa edə bilməyim” - Şahmarzadə belə deyib.
Onun sözlərinə görə, aksiyanı dağıtmağa gələn polislər iştirakçılarla kobud rəftar ediblər: “Təkcə məni iki dəfə polis şöbəsinə apardılar. Orada deyirdilər ki, vaxtımızı almayın, qadın kimi davranın”.

Aksiyada saxlanılan Sevgi İsmayılbəyli də təhdid olunduğunu deyib: “Mülki geyimli şəxslər qolumdan yapışaraq üstümə qışqırdılar, məni təhdid etdilər”.
S.İsmayılbəyli qeyd edib ki, onu saxlayanlardan kim olduqlarını soruşsa da, həmin şəxslər özlərini təqdim etməyiblər: “Qışqırıb yaxınlıqdakı dostlarımı köməyə çağıranda təkrar təhdid etdilər. Sonra məni və yanımdakı 3 nəfəri taksiyə mindirdilər. Soruşdum, siz kimsiniz, bizi hara aparırsınız. Dedilər, biz heç kimik, çatanda görərsən. Yol boyu bizi təhdid edir, adımızı soruşurdular. Cavab verməyəndə deyirdilər ki, nə edək, indi sizi təpiyimizin altına salaq? Yəni belə ifadələr işlədir və kobud davranırdılar”.

Sevgi İsmayılbəyli - Sosial Media

Aksiya iştirakçısı söyləyir ki, bölmədə polislər qəsdən onları gözlədiblər: “Bizə gül verən yerdə videoya çəkmək istəyirdilər. Gizlincə kameranı açıb “Gül verin xanımlara” dedilər. Yalnız mən “Nə haqla icazəsiz çəkirsiniz?” deyə qışqırandan sonra söndürdülər. Güldən də qəti şəkildə imtina etdik”.


İctimai fəal Rəbiyyə Məmmədova isə polis zorakılığına məruz qaldığını özünün sosial media hesabında yazıb və aldığı xəsarətlərin fotogörüntüsünü paylaşıb: “Aksiyada iştirak etməyə gedəndə qırmızı işıqda özlərini “Qoroddel”in işçiləri kimi təqdim edən 3 mülki geyimli şəxs məni taksidən düşürdü. İradəmin əksinə olaraq məni başqa maşına mindirib 37 saylı polis bölməsinə apardılar. Polis şöbəsində bildim ki, məni oğurlayanlar polislər imiş”.

Rəbiyyə Məmmədova - Sosial Media
Sosial Media

R.Məmədova yazır ki, polis tərəfindən ona zorakılıq edildiyi üçün təcilli tibbi yardım maşını ilə 3 saylı Sabunçu xəstəxanasına aparılıb. Xəstəxanada ona sol qolun əzilməsi, qırtlaq travması, sağ qulağın zədəsi və qismən eşitməni itirməsi diaqnozu qoyulub.

Aksiya iştirakçısı İzolda Ağayeva da zorakılığa məruz qaldığını, fiziki təzyiqlərin gözlənilən olduğunu deyir: “Şikayətlənmək belə gülünc gəlir, çünki biz polisin yaxşı hazırlaşdığını təxmin edirdik. Amma heç bir müqavimət göstərmədiyim, hətta öz iradəmlə polis maşınına tərəf getdiyim halda, onlar mənimlə sanki bir terroristi, cinayətkarı tutublarmış kimi davranırdılar”.

İzolda Ağayeva - Sosial Media

Aksiyanın təşkilatçılarından Jalə Bayramova da zorla Səbail Rayon Polis İdarəsinin 9-cu Polis Bölməsinə aparıldığını və orada işgəncəyə məruz qaldığını bildirib: "Bölmədə deyirdilər ki, sizin yiyəniz yoxdur? Daha sonra cavan bir polis içəri girib bizi söyməyə başladı. Başqa biri isə məni təpikləyirdi. Digər polislərin və Gülnarə Mehdiyevanın müdaxiləsindən sonra məndən əl çəkdi. Necə döyüb və çəkişdiriblərsə, ağrıları bütün bədənimdə hiss edirəm”.

Jalə Bayramova

J.Bayramova bədənin müxtəlif hissələrində cızıq və qızarıqlar olduğunu, dizinin göyərdiyini və şişdiyini bildirib.

Toplum.TV

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Narkoloji Mərkəzin vəzifəli şəxsləri həbs edilib

1 Mart 2024

Rəsmi səhifə

“Respublika Narkoloji Mərkəzi”nin vəzifəli şəxsləri cinayət məsuliyyətinə cəlb olunub. Toplum TV xəbər verir ki, bu barədə martın 1-də Baş Prokurorluq və Səhiyyə Nazirliyi birgə məlumat yayıb.  Bildirilir ki, Korrupsiyaya qarşı Mübarizə Baş İdarəsində "Narkoloji Mərkəzi”n baş direktoru Elşən Mustafayev və müavini Zamin Əliyev barəsində cinayət işi açılıb. https://toplum.tv/olke/pherbi-hisselerdeki-menimsemeye-goumlre-mehkeme-baslayirp Vəzifəli şəxslər şübhəli şəxs qismində tutulublar. Onlara Cinayət Məcəlləsinin rüşvət alma maddələri ilə ittiham elan edilib. Həmçinin məhkəmənin qərarı ilə həbs qətimkan tədbiri seçilib.  Məlumatda o da bildirilib ki, hazırda cinayət əməllərinin törədilməsində iştirak etmiş digər şəxslərin müəyyən edilməsi istiqamətində tədbirlər davam etdirilir.    
Sosial

Xocalıdakı kütləvi məzarlıqdan daha 5 nəfərin qalıqları tapılıb

1 Mart 2024

Açıq mənbələrdən götürülüb

Xocalıda aşkar edilmiş kütləvi məzarlıqdan daha 5 nəfərin qalıqları tapılıb. Toplum TV xəbər verir ki, bu barədə martın 1-də Baş Prokurorluğun Mətbuat xidməti məlumat yayıb.  "Xəbər verildiyi kimi işğaldan azad edilmiş Xocalı şəhərinin mərkəzində (keçmiş xalça fabrikinin yaxınlığında) həyata keçirilən əsaslı bərpa-quruculuq işləri çərçivəsində aparılan qazıntı işləri zamanı basdırılmış vəziyyətdə kütləvi insan qalıqlarının aşkar olunması faktı ilə bağlı Baş Prokurorluğun Kriminalistika və informasiya texnologiyaları idarəsində araşdırma aparılır. Qeyd olunan ərazidə həyata keçirilən baxış istintaq hərəkəti nəticəsində bu gün daha 5 nəfərə aid insan qalıqları aşkar edilib, bununla da, kütləvi məzarlıqda basdırılan insan qalıqlarının ən azı 10 nəfər şəxsə (onlardan 2...

Seçilmiş Videolar

Toplum TV loqo