Sosial

Pünhan Kərimli məhkəmədə polislərə: Narkotiki özünüz atmışdınız üstümə

8 İyun, 2022
1315

Açıq mənbələrdən götürülüb

“Özünüz də yaxşı bilirsiniz ki, məndə narkotik olmayıb. Bəs niyə araşdırmadınız ki, narkotiki kimdən almışam, kimə satacaqdım... Çünki o narkotiki özünüz atmışdınız üstümə”. 

Bunu iyunun 8-də məhkəmədə polislər şahid qismində ifadə verərkən AXCP üzvü, Almaniyadan Azərbaycana deportasiya olunandan sonra narkotik ittihamıyla həbs edilən Pünhan Kərimli deyib. Məhkəmə iclasına hakim Samir Əliyev sədrlik edir. İclasa heç kim buraxılmır.

Məhkəmədə Baş Narkotiklərlə Mübarizə İdarəsinin üç əməkdaşı şahid ifadəsi verib. Onlar ifadələrində göstəriblər ki, Pünhan Kərimlini əməliyyat məlumatı əsasında saxlayıblar. Ancaq üzərinə baxışı saxlandığı yerdə yox, Nərimanov rayon Polis İdarəsində keçiriblər. Polislərin dediyinə görə, onun üstündən heroin və metamfetamin çıxıb. Polislər ifadələrində deyiblər ki, Pünhan Kərimli heroini və metamfetamini Xətai rayonu ərazisində tanımadığı şəxsdən alıb.

Pünhan Kərimli məhkəməyə bildirib ki, polislər yalan danışır. O, polislərə: “Özünüz də yaxşı bilirsiniz ki, məndə narkotik olmayıb. Bəs niyə araşdırmadınız ki, narkotiki kimdən almışam, kimə satacaqdım... Çünki o narkotiki özünüz atmışdınız üstümə”, deyib.

Ötən məhkəmə iclasında Pünhan Kərimlinin vəkili Cavad Cavadov onun atası Vahid Kərimovun şahid kimi dindirilməsinə görə vəsatət qaldırmış, məhkəmə vəsatəti təmin etmişdi. Bu gün Vahid Kərimov da ifadə verib. O, bildirib ki, həmin gün oğlu taksi fəaliyyətilə məşğul olmaq üçün VÖEN açdırmaq məqsədilə vergi idarəsinə gedib. Pünhan Nərimanov parkında ondan ayrılaraq vergi idarəsinə gedib. Onun tutulduğundan isə yalnız gecə xəbər tutub.

Vahid Kərimov oğlunun narktikdən uzaq birisi olduğunu, Almaniyada mühacirətdə olarkən etiraz aksiyalarında iştirak etdiyinə görə şərləndiyini deyib: “Pandemiya vaxtı Yasamalda polislərin başına zibil atmışdılar, sabahı gün polislər adamları evlərindən döyə-döyə lüt aparmışdılar. Oğlum da buna etiraz edənlərin arasındaydı. Şərlənməsinin səbəbi də budur”.

Vahid Kərimov məhkəmədə iştirak etmək istəyənlərin məhkəmə zalına buraxılmamasına da narazılığını bildirib.

Vəkil Cavad Cavadov Pünhan Kərimli saxlanıldığı yerdə olan kameraların görüntülərinin alınması ilə bağlı vəsatət qaldırsa da, hakim təmin etməyib. Pünhan Kərimli isə narkotik istifadəçisi olub-olmamasıyla bağlı təkrar ekspertiza keçirilməsini tələb edib. Deyib ki, ondan heç bir qan analizi götürülmədən sənədləşdirilib. Bu vəsatət də təmin olunmayıb.

Məhkəmə iclası iyunun 22-də davam edəcək.

Ötən ilin noyabrında Almaniyadan readmissiya üzrə qayıdan Pünhan Kərimli yanvarın 25-də saxlanılıb. Onun barəsində narkotik maddələrin qanunsuz dövriyyəsi ittihamı irəli sürülüb. İttihama görə,

Pünhan Kərimlidən 7,5 qram heroin və 2,5 qram metamfetamin tapılıb. Fəal narkotik maddələrin onun üzərinə qoyulduğunu deyib.

Pünhan Kərimli isə həm ibtidai istintaq zamanı, həm də məhkəmədə bildirib ki, onu siyasi motivlərlə, Azərbaycanda insan hüquqlarının pozulmasına etiraz olaraq Almaniyada keçirilən aksiyalarda iştiraka görə həbs ediblər.

Qeyd edək ki, 2021-ci ilin noyabrında Almaniyadan göndərilmiş daha bir fəal Cəfər Mirzəyev yanvarın 27-də narkotik maddələrin qanunsuz dövriyyəsi ittihamı ilə saxlanılıb.

Bundan əlavə, Almaniyadan qayıdan daha iki fəal - Mütəllim Orucov və Malik Rzayev ötən ilin payızında həbs edilib.

 

 

 

 

 

 

 

 

 

 

 

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Xocalı qətliamından 32 il ötür

26 Fevral 2024

Açıq mənbələrdən götürülüb

Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Azərbaycanın Xocalı şəhərinin işğalı və Xocalı qətliamının törədilməsinin növbəti ildönümüdür. Toplum TV xəbər verir ki, hadisələrdə 32 il ötür. 1992-ci il fevralın 25-dən 26-na keçən gecə baş verən kütləvi qırğın 613 nəfərin, o cümlədən 106 qadın, 63 uşaq, 70 qocanın həyatına son qoyub. 1 275 dinc sakin əsir götürülüb, onlardan 150 nəfərin taleyi hələ də məlum deyil. 475 nəfər şikəst olub. 8 ailə bütünlüklə məhv edilib. 25 uşaq hər iki valideynini, 130 uşaq isə valideynlərindən birini itirib. Xocalı şəhəri 2023-cü il sentyabrın 19-20-də Azərbaycan Ordusunun Qarabağda keçirdiyi lokal xarakterli antiterror tədbirləri...
Sosial

Azərbaycanda bələdiyyələrin sayı azaldılır

23 Fevral 2024

Rəsmi səhifə

Azərbaycanda bələdiyyələrin sayı 500-ə endirilir. Toplum TV “Report”a istinadən xəbər verir ki, bu, “Bələdiyyələrin birləşməsi, fəaliyyəti, ayrılması və ləğv edilməsi haqqında” qanuna dəyişiklik layihəsində öz əksini tapıb. Bildirilir ki, hazırda ölkədə 1 605 bələdiyyə var. Qanun layihəsi qəbul ediləcəyi təqdirdə, Azərbaycanda 500-ə yaxın bələdiyyə fəaliyyət göstərəcək. Həmçinin layihəyə əsasən, 1000 evdən az olan kəndlərin bələdiyyələri ləğv olunacaq və böyük bələdiyyələr yaradılacaq. Buna kiçik bələdiyyələrin vergiləri toplaya bilməməsi kimi səbəblər göstərilib. 

Seçilmiş Videolar

Toplum TV loqo