Sosial

Qarabağ qazisi: “Deyirlər ki, ayaq üstə dayana bilirsən, sənə əlillik düşmür”

Nuray Kamal
13 Aprel, 2022
1145

açıq mənbədən götürülüb

“Qarnımda 20 tikiş var, qoluma qan işləmir, ayağım axsayır, ağrılardan yata bilmirəm. Əlillik almaq üçün başqa hansı şərtlər lazımdır?”

Könüllü müharibədə döyüşən Qarabağ qazisi ona əllilliyin verilmədiyindən şikayətlənir.

Davud Bağırzadə Toplum TV-yə deyib ki, o, Füzuli və Xocavənd istiqamətində döyüşlərdə yaralanıb.

Davud Bağırzadə - şəxsi arxiv

Dediyinə görə, onu yaralı vəziyyətdə ön cəbhədən Füzuli Rayon Mərkəzi Xəstəxanasına gətiriblər.

Xəstəxanada əməliyyat olunduqdan sonra Mingəçevir Şəhər Mərkəzi Xəstəxanasına göndərilib. Burada da bağırsaq və qaraciyərdən əməliyyat olunub.

“Qarnımda 20 tikiş var”

Davud Bağırzadə deyir ki, əməliyyat olunsa da, müharibənin dəhşətli izlərindən yaxa qurtara bilməyib: "Rahat hərəkət edə bilmirəm. Ayağım da axsayır. Belimdə o qədər ağrılar var ki, səhərə qədər yata bilmirəm. Belim ağrımasın deyə taxta üzərində yatıram”.

Qazinin anası xadimə işləyərək ailəsini dolandırır

Davud Bağırzadənin atası ölüb. Bacısı ödənişli əsaslarla təhsil alır, anası isə xadimə işləyərək ailəsini dolandırır.

Deyir ki, müharibədən əvvəl rahat işləyib ailəsinin ehtiyaclarını özü qarşılaya bilib: "Mən ailəmi dolandırmaq üçün heç vaxt kimdənsə yardım istəməmişəm. Müharibədən əvvəl özüm işləyib, halal zəhmətimlə ailəmi dolandırırdım. İndi səhhətimlə bağlı işləyə bilmirəm. Ehtiyacım var deyə yardım istəyirəm. Mənə 80 manat təqaüd verilir. O da heç dərmanlarıma kifayət eləmir. Hər gün dərman atıram”.

Toplum Tv

“Döyüşlərdə könüllü vuruşmuşam, niyə mənə yardım göstərilməməlidir?”

Davud Bağırzadə deyir: “Yardım üçün “YAŞAT” Fonduna müraciət etdim. Dedilər ki, əllillik dərəcən yoxdur deyə sənə yardım edə bilmərik. Əllilliyin verilməməsinin səbəbini soruşduqda isə deyirlər ki, ayaq üstə dura bilirsən, sənə əlillik düşmür”.

“Müharibədə ölməli idim?”

Qazi əllilik almaq üçün Əmək və Əhalinin Sosial Müdafiəsi Nazirliyinə müraciət etsə də, müsbət cavab ala bilməyib: "Deyirlər ki, sağalmısan. Sağalmamışam axı. Nə etməli idim? Demək istəyirlər ki, müharibədə ölməli idim?”

Lənkəran Şəhər İcra Hakimiyyətinin də onunla maraqlanmadığını deyir: “Lənkəran Şəhər İcra Hakimiyyəti mənimlə bir dəfə də maraqlanmayıb. İş üçün Lənkəran Şəhər İcra Hakimiyyətinə getmişdim. Dedilər ki, iş yoxdur”.

“İcra Hakimiyyəti iş verən qurum deyil”

Lənləran İH - açıq mənbədən götürülüb

Lənkəran Şəhər İcra Hakimiyyətindən Toplum TV-yə bildiriblər ki, imkan yarandığı təqdirdə qazinin işlə təmin olunmasına köməklik göstəriləcək: “İcra Hakimiyyəti kimisə işlə təmin edən qurum deyil. Davud Bağırzadə qəbul edilən zaman ona Lənkəran-Astara Regional Məşğulluq Mərkəzinə mürəciət etməsi tövsiyə olunub. Bununla belə, vətəndaşın işlə təminat məsələsi nəzarətə götürülüb və gələcəkdə imkan yarandığı təqdirdə münasib işlə təmin olunmasına köməklik göstəriləcək”.

Əmək və Əhalinin Sosial Müdafiəsi Nazirliyindən məsələyə münasibət öyrənmək mümkün olmayıb.


 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Stiven Siqalın oğlu Rusiya vətəndaşı oldu

24 Mart 2023
Amerikalı aktyor Stiven Siqal və oğlu Dominik “Beş element” şirkətini Rusiyada qeydiyyatdan keçiriblər.  RBK portalının Hüquqi şəxslərin vahid dövlət reyestrinə istinadən yaydığı xəbərdə belə deyilir. Məlumatlara görə, 33-yaşlı Dominik Siqal da atası kimi Rusiya vətəndaşlığı alıb. Nizamnamə sənədləri “Beş element” şirkətinin uşaqlar üçün içməli su və alqokolsuz içki istehsalı üzrə ixtisaslaşdığını göstərir. Onun hüquqi ünvanı isə Moskvada Matrosskaya Tişina küçəsi göstərilib. Stiven Siqala 2016-cı ildə vətəndaşlığı şəxsən Prezident Vladimir Putin təqdim edib. Kreml bəyan edib ki, Rusiya prezidentinə, Ukraynanın Krımı ilhaq etməsinə açıq dəstək bildirən aktyor “uzun müddət müvafiq xahişlə müraciət edib”. İki il sonra Siqal fərdi sahibkar kimi qeydiyyatdan...
Sosial

Oqtay Əliyev yol qəzasında həyatını itirdi

22 Mart 2023
Əməkdar mədəniyyət işçisi, televizya prodüseri, rejissor Oqtay Əliyev yol-nəqliyyat hadisəsi nəticəsində vəfat edib.  Report xəbər verir ki, O.Əliyevin idarə etdiyi “Toyota Lexus” markalı avtomobil yolun hərəkət hissəsindən çıxaraq aşıb.  Hadisə nəticəsində avtomobildə olan Xalq artisti Mehriban Zəki yaralanıb, mərhumun həyat yoldaşı əməkdar artist Dilarə Əliyeva isə yüngül xəsarətlər alıb. Hadisənin Abşeron rayonu ərazisində baş verdiyi bildirilir. TƏBİB-dən verilən məlumata görə, hadisə zamanı xəsarət alan Mehriban Zəki Sumqayıt Tibb Mərkəzinin nəzdində olan Təcili Tibbi Yardım Xəstəxanasına təxliyə olunub. Ona zəruri tibbi xidmətlər göstərilib, hazırda Reanimasiya şöbəsində müalicəsi davam etdirilir. Vəziyyəti orta ağır olaraq qiymətləndirilir. Baş Dövlət Yol Polisi İdarəsindən isə bildirilib...

Seçilmiş Videolar

Toplum TV loqo