İctimai-siyasi xəbərlər
"Qarabağ" "Qəbələ" qarşılaşmasından reportaj
Toplum TV
Dünən, aprelin 24-də futbol üzrə Azərbaycan Premyer Liqasında XXIV turun oyunları keçirilib.
55 xalla lider olan "Qarabağ" 35 xalla 4-cü sıradakı "Qəbələ"nin qonağı olub.
Komandalar ölkə çempionatlarında 53 dəfə üz-üzə gəliblər. Bunların 28-də Ağdam təmsilçisi, 10-da meydan sahibləri qələbə qazanıb. Topların nisbətində də "Qarabağ"ın aşkar üstünlüyü var - 83:43. "Qırmızı-qaralar" Premyer Liqada 15 oyundur qalib gəlmir. Qonaqlar isə son iki səfər görüşündə qol buraxmayıb.
Oyunu izləmək üçün Azərbaycanın bir çox şəhərindən azərkeşlər gəlib.
Tərəfkeşlərdən Əhməd Məmmədov oyuna baxmaq üçün şəxsi avtomobili ilə Mingəçevirdən gəldiyini söyləyir: "Həm təxmin, həm də ümid edirəm ki, Qarabağ bu oyunuda qələbə ilə başa vuracaq. Oyuna baxmaq üçün oğlumla gəlmişəm. Hər zaman Qarabağın arxasındayıq".
"Qəbələ" azerkeşləri isə keçən oyunda uduzduqlarını bilsələr də ümidlərini itirmədiklərini qeyd edirlər.
"Qəbələnin burada baş tutan hər bir oyununa gəlirəm. Uduzanda pis olsam da bu sevdadan vaz keçə bilmirəm. Bu oyun həvəslə gəlmişəm. Ümid edirəm ki, uduzmaz",-deyə "Qəbələ" azerkeşi Seymur Qurbanov söyləyib.
"Qarabağ ordu" və "İmarət tayfa" fan clubları Bakıdan təxminən iki yüzə yaxın azərkeşlə gəlmişdilər. Matç başlayandan öz bəstələri və şuarları ilə "Qarabağ"a dəstəklərini göstəriblər.
"Red black army" fan klubu isə oyun ərzində Qəbələyə dəstək olublar.
Görüş "köhlən atlar"ın 2:0 hesablı qələbəsi ilə başa çatıb.
Ağdam klubundan hər iki qolu İbrahima Vadji vurub. Seneqallı hücumçu 6-cı və 14-cü dəqiqələrdə fərqlənib.
Oyun bitdikdən sonra "Qəbələ" azerkeşləri məyus şəkildə stadiyonu tərk edib.
Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.
Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.
Ən doğru xəbərləri izləmək üçün Toplum TV-yə abunə olun.
Youtube: https://www.youtube.com/channel/UCztIohlYx63yMJzcRTF18IA
WebSite: https://toplum.tv
Facebook: https://www.facebook.com/toplumtv
İnstagram: https://www.instagram.com/toplumtv/
Telegram: https://t.me/Tvtoplum
Şikayətlərinizi Whatsapp-da Qaynar Xəttimizə göndərin: +99450 247 55 06
Qənirə Paşayeva dəfn edilib
Azərtac
Azad olunmuş ərazilərdə azı 508 şəxsə aid meyit qalıqları tapılıb
Açıq mənbələrdən götürülüb
