Sosial

“Qaraciyərlə ağciyərimiz yerini dəyişib” – Nübarda yolların vəziyyətindən şikayətlənən sürücü

Lida Abbaslı
6 Aprel, 2022
1002

Küləkli günlərin birində yolumuzu Nübar qəsəbəsindən salırıq.

Qəsəbənin girişində bizi bir neçə yerdə zibil qablarından daşan tullantılar, bir də onların içində eşələnən inəklər qarşılayır.

Elə həmin zibilliklərdən birində nəsə axtaran qəsəbə sakini qutuların içindən tapdıqlarını aramla arabasına yığır.

Qəsəbədə zibillikdən gələn üfunət iyi kanalizasiyanın qoxusuna qarışıb.

Nübarda kanalizasiya sistemi yoxdur. Sadəcə bəzi küçələrdə sakinlər öz hesablarına kanalizasiya çəkdiriblər, bəzi yerlərdəsə lyuklar dolub daşır, çirkab sular küçəyə axır.

“Kanalizasiya xətlətini özümüz qazmışıq. Yağış yağanda kanalizasiya boruları da dolub daşır”, - sakinlərdən biri deyir.

Valideynlərin ayaqqabı daşıması

Nübar qəsəbəsinin içərilərinə doğru kələ-kötür yollarla irəliləyirik. Qəsəbə sakini Nizami Əliyev bu yolları da öz hesablarına çəkdiklərini söyləyir.

Nizami Əliyev

“Nübara bələdiyyə təyin olunub, amma bu ərazilərə, demək olar ki, baxmır, Hökməli ərazisinə baxır. Bu yolu daşlamaq, düzəltmək, hamısı camaatın cibinin puluyla olub. Heç kəs deyə bilməz ki, biz bu yola daş tökmüşük”.

Onun sözlərinə görə, bir neçə dəfə Abşeron rayon İcra Hakimiyyətinə müraciət etsələr də, gəlib-gedən olmayıb: “Bizimlə elə rəftar etdilər ki, az qaldı ordan qaçaq. Bircə onu dedilər ki, bura niyə gəlmisiniz, yol nə vaxtsa çəkiləcək, amma nə vaxt çəkiləcək bilmirik. Halbuki yağış yağanda palçıqdan uşaq məktəbə gedə bilmir”.

Ağakərim Kərimov

Nübar sakini Ağakərim kişinin sözlərinə görə, yağış yağanda burda palçıq dizə çıxır.

“Hava yağıçlı olanda palçıq az qala ayaqqabını ayağımdan çıxarır. 22 ildir burda yaşayıram, eyni vəziyyətdir. Neçə dəfə İcra Hakimiyyətinə getmişik, aldadıblar ki, gedin, hər şey yaxşı olacaq. “Yaxşı olacaq, yaxşı olacaq”, axırımız da bu”, - qəsəbə sakini İsmayıl Eyvazov deyir.

İsmayıl Eyvazov

Soyadını söyləmək istəməyən Gülay adlı qəsəbə sakinisə danışır ki, yağış yağan kimi su evlərinə dolur.

“Dağın suyu axıb tökülür evlərimizə, zirzəmilərimizə. Hər il adambaşına 100-150 manat qoyub yolu düzəldirik, heç bir il də çəkmir. Uşaqları məktəbə aparanda rezin çəkmə geyindiririk, sonra məktəbdə dəyişdiririk. Qayıdanda da eyni cür. Valideynlər palçığın əlində əsir qalıb. Heç kənddəkilər belə yaşamır. Rayondan qohumlar gəlmək istəyəndə “yağış yağanda gəlməyin” deyirik. Rayondan təmiz gəlirlər, gəlib burda palçığa batırlar”.

Yağış yağanda uşaqlarını məktəbə aparmaqda çətinlik çəkən başqa bir valideyn Aytən Şirinovanın söylədiyinə görə, qəsəbədə məktəblilərin məktəb ayaqqabılarıyla yol ayaqqabıları ayrı-ayrıdır.

Aytən Şrinova


“Böyrəklərimizdə daş yoxdur, böyrəklərimizin özü də yoxa çıxıb”

Nübarda avtobus sürücüləri də yollardan təngə gəliblər. 551 nömrəli marşrut avtobusun sürücüsü Rafiq kişinin söylədiyinə görə, qəsəbənin yolları xarab olduğundan maşınlar tez-tez sınır.

Rafiq Qazaxlı

“Nə təkər çatdıra bilirik, nə də özümüz vaxtında çata bilirik. Camaat da narazılıq edir. Əlli dəfə müraciət etmişik, baxan yoxdur. Artıq böyrəklərimizdə daş yoxdur, böyrəklərimizin özü də itib, yoxa çıxıb. Qaraciyərlə ağciyərimiz yerini dəyişib”.

Qəsəbəyə yol və kanalizasiya kimi suyu da camaat özü çəkib.

Nübar sakini Ağakərim kişi deyir: “Nə əziyyətlə su çəkmişik, motor almışıq pulla. Nə qədər xərcimiz çıxıb. Amma hər ay gəlib hazırından su pulu alırlar, gecikdirəndə də deyirlər ki, cərimələnəcəksiniz, suyunuzu kəsəcəyik”.

Adil Məmmədov deyilənlərə bunu əlavə edir: “Qəsəbənin yarısına suyu dövlət çəkib, yarısına da camaat motorla özü çəkib. Bilmirik yandırdığımız işığa pul ödəyək, ya motor işlədirik, ona?!”

Adil Məmmədov

Bakının beş böyük qəsəbəsindən biri olan Nübarın kiçik bir poliklinikası da yoxdur. Sakinlərin sözlərinə görə, poliklinikanın təməli qoyulsa da, sonradan tikilməyib.

“Xaraba kimi orda qalıb. Burda getməyə düz əməlli bir poliklinikamız yoxdur. Təcili yardıma zəng etməyə də konkret ünvan lazımdır. Amma dəqiq ünvan yoxdur ki, gəlib tapa bilsinlər”.

Sakinlər deyirlər ki, poliklinika bir tərəfə, qəsəbədə heç normal aptek də yoxdur.

 

“Bir aptek var, o da kəndin o başında. Palçığa bata-bata ora getməkdənsə, şəhərə gedərəm”,- nübarlı sakinlərdən biri söyləyir.

Uzun sözü qısası Bakının iki addımlığındakı Nübar qəsəbəsində problem çoxdur.

Bəs rəsmi qurumlar nə deyirlər?

“Azərsu” ASC-dən “Toplum TV”-yə verilən məlumata görə, Nübar qəsəbəsində mərkəzləşdirilmiş su təchizatı və kanalizasiya şəbəkəsi mövcud deyil.

“Qəsəbənin bir hissəsində əhali tərəfindən fərdi qaydada çəkilmiş su xətləri mövcuddur. Qəsəbənin içməli su təchizatı və kanalizasiya sisteminin yaradılması gələcəkdə investisiya ayrıldığı zaman Baş plana əsasən həyata keçirilə bilər”, - qurumdan verilən cavabda qeyd edilir.

Nə Abşeron rayon İcra Hakimiyyətindən, nə də Hökməli bələdiyyəsindən digər problemlərə münasibət öyrənmək olur.


 


 


 

Sosial

Koronavirusdan ölüm faktı qeydə alınıb

5 İyul 2022

Açıq mənbələrdən götürülüb

Azərbaycanda koronavirus infeksiyasına 49 yeni yoluxma faktı qeydə alınıb, 12 nəfər müalicə olunaraq sağalıb. Operativ Qərargahdan iyulun 5-də verilən məlumata görə, nəticələri pozitiv çıxan 1 nəfər ölüb. İndiyədək ölkədə ümumilikdə 793 437 nəfərin koronavirus infeksiyasına yoluxması faktı müəyyən edilib, onlardan 783 465 nəfər müalicə olunaraq sağalıb, hazırda 254 aktiv xəstə var. Bu günə qədər 9 718 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 2 403, bu günə qədər isə ümumilikdə 6 974 930 test icra olunub.
Sosial

Sosial yardım ala bilməyən vətəndaş: Aylıq gəlirimiz 60-70 manatdı, necə yaşayaq?

Günel Manaflı
5 İyul 2022

Açıq mənbələrdən götürülüb

Qax rayonunun Tasmalı kənd sakini Məmmədova Gülpəri maddi vəziyyətinin çox ağır olduğunu deyir. 10 ildir ailə həyatı quran G. Məmmədovanın həyat yoldaşı heç yerdə işləmir. Dolanışıqlarını yoldaşının ot satmaqla, odun doğramaqla və mal-qara otarmaqla qazandığı az vəsaitlə təmin edirlər. Biri əkiz olmaqla 4 və 6  yaşlarında üç körpə övladının olduğunu deyən G. Məmmədova sosial yardım almaq üçün aidiyyatı qurumlara müraciət etsə də, müsbət cavab almayıb: “Evimizi zəlzələ olan zaman dövlət tikib. Vəziyyətimizin çətinliyi və sosial yardım almaq istəyimizlə bağlı 1 il yarım əvvəl prezidentə məktub yazdıq. Prezident Administrasiyasından Qax rayon İcra Hakimiyyətinə məktub göndərildi ki, bizim işimizə baxılsın. İcra Hakimiyyəti...

Seçilmiş Videolar

Toplum TV loqo