Sosial

Qazi polislərin onu aldadaraq bölməyə apardığını deyir

Samirə Əli
14 İyul, 2022
396

Açıq mənbələrdən götürülüb

Bu gün qazi Füzuli Hüseynovun Prezident Administrasiyası qarşısında intihar edəcəyini bəyan etdikdən sonra rəsmi qurumların işə qarışması və onu Prezident Administrasiyasına dəvət etməsi barədə açıqlamasını yayımlamışdıq. 

Qazi demişdi ki, intihar edəcəyini elan edəndən sonra sonra ona PA və Yasamal Rayon İcra Hakimiyyətindən zənglər edilib. 

Bu açıqlamadan bir neçə saat sonra isə Füzuli Hüseynov "Toplum TV" ilə yenidən əlaqə saxlayıb və aldadıldığını bildirib. 

İkinci Qarabağ müharibəsi iştirakçısının sözlərinə görə, o, polis əməkdaşları tərəfindən aldadılaraq bölməyə aparılıb: 
 
“Mənə zəng olundu ki, Prezident Administrasiyasının qəbul şöbəsindəndir. Hər bir köməklik edəcəklərini deyib quruma dəvət etdilər. İçərişəhər metrosuna gəldim. Məni 4-5 cüssəli şəxs qarşıladı. Həmin qazi olub-olmadığını soruşdular. Sonra məni Prezident Administrasiyanın Nərimanov metrosu yaxınlığında yerləşən qəbul şöbəsinə aparacaqlarına dedilər. Gördüm ki, Sahil metrosundan çıxdıq. Niyə burdan çıxdığımızı soruşanda, dedilər, daha tez çatacağıq. Məni polis maşınına mindirdilər. Soruşdum, niyə polis maşını ilə gedirik, mən nə etmişəm? Mənə Prezident Administrasiyasına məxsus maşın olduğunu deyib aldatdılar  və gətirdilər 9-cu polis bölməsinə. Rəis məni qəbul etdi, şikayətim barədə soruşdu... Mən Daxili İşlər Nazirliyinə şikayət edəcəyəm. Prezident Administrasiyası adından mənə yalan deyiblər”.
 
Füzuli Hüseynov "Toplum TV"-yə açıqlamasında sosial problemlərinə diqqət çəkib: “7 aydır ki, “qan pulu”mu ala bilmirəm. Mənə 6600 AZN ödənməlidir, hələ də bir xəbər yoxdur. Özüm də kirayədə yaşayıram. Ev növbəsinə durmaq istəyirəm, amma pulumdan xəbər yoxdur”.

Qazinin sözlərinə görə, gün boyu polis bölməsində olduğuna görə Yasamal Rayon İcra Hakimiyyətin gedə bilməyib.  
 
Daxili İşlər Nazirliyinin ictimaiyyətlə əlaqələr şöbəsinin rəisi Ehsan Zahidov isə məsələ ilə bağlı Toplum TV-nin sorğusuna belə cavab verib: 

“Qazinin intihar etməsinin qarşısı polis əməkdaşları tərəfindən alınıbsa, siz buna sevinməlisiniz!” 
 
Füzuli Hüseynov 44 günlük Vətən müharibəsinin iştirakçısı olub. İkinci qrup əlildir.

Sosial

Koronavirusa son sutkada yoluxma sayı açıqlandı

12 Avqust 2022

Açıq mənbələrdən götürülüb

Azərbaycanda koronavirusa daha 520 yeni yoluxma qeydə alınıb, 518 nəfər müalicə olunaraq sağalıb. Bu barədə avqustun 12-də Operativ Qərargahdan məlumat verilib.  Bildirilib ki, sutka ərzində koronavirusdan ölən olmayıb. Ölkədə indiyədək ümumilikdə 804 165 nəfərin koronavirus infeksiyasına yoluxması faktı müəyyən edilib. Onlardan 791 203 nəfər müalicə olunaraq sağalıb, 9 768 nəfər vəfat edib, aktiv xəstə sayı 3 194 nəfərdir. Ölkədə son sutka ərzində 3 446, hazırkı dövrədək isə 7 088 294 test aparılıb.
Sosial

Nazirlik rejissorlara cavab verdi - Film layihələri yenidən işləndikdən sonra istehsalata buraxılacaq

Roza Məmmədova
12 Avqust 2022

Açıq mənbələrdən götürülüb

Mədəniyyət Nazirliyi müsaqibələrdə qalib gələn film ssenarilərinin istehsalata buraxılmamaması ilə əlaqədər tənqidlərə cavab verib. Nazirlikdən “Toplum TV”-nin sorğusuna bildirilib ki, film layihələri aktuallığını itirdiyi üçün ekranlaşdırılmayıb. 2019-cu ilin martında prezident İlham Əliyev Mədəniyyət Nazirliyinə film sahəsinin inkişafı üçün 5 milyon manat ayırıb. Sərəncama əsasən, bu vəsait dövlət sifarişi ilə film istehsalını və gənc kinematoqrafçıların yaradıcılığını dəstəkləməyə xərclənməli idi. Mədəniyyət Nazirliyi hər il bədii, sənədli və animasiya film ssenariləri müsabiqəsi elan edir. Ancaq naməlum səbəblərdən müsabiqələrdə qalib gələn ssenarilər sonra ekranlaşdırılmayıb. https://toplum.tv/multimedia/rejissorlar-kinoya-ayrilan-pullar-hardadir Bir neçə tammetrajlı bədii film isə istehsalata buraxılsa da, sonradan hansısa səbəblərdən iş dayanıb. 2019-cu ildə müsaqibədə qalib gələn...

Seçilmiş Videolar

Toplum TV loqo