Sosial

Qazinin Ermənistanla sərhəddə xidmətə məcbur edildiyi deyilir

Aytac Məmmədli
6 İyun, 2022
430

Açıq mənbələrdən götürülüb

İkinci Qarabağ Müharibəsi iştirakçısı əsgər Məmmədovun orduya yararlı olmadığı halda Kəlbəcərdə xidmətə məcbur edildiyi bildirilir.  
 
Bunu "Toplum TV"-yə onun yaxını Elyar İslamoğlu bildirib.  
 
E. İslamoğlunun sözlərinə görə, əsgər Məmmədov İkinci Qarabağ Müharibəsi vaxtı yaralanıb, bədənində qəlpələr var, tətik çəkdiyi barmağı amputasiya olunub:

"Yanında döyüş yoldaşları şəhid olduğu üçün də psixologiyasında problemlər var. Lakin ona əlillik verilməyib, üstəlik tam sağlam biri kimi atəşkəsin tez-tez pozulduğu Kəlbəcərdə xidmətə məcbur edilib.  
 
Həkim onun sənədində sıradankənar xidmət edə bilər yazıb. Amma hərbi hissənin kadrlar şöbəsinin rəisi mayor Nizami Məmmədov və hüquq şöbəsi "get hara şikayət edirsən et, sənə əlillik verilməyəcək, sağlamsan", deyir. Necə olur ki, həmin o mayor Nizami Məmmədov arxa cəbhədə ola-ola medal, veteranlıq alır, amma barmağı amputasiya olunan əsgər əlillik ala bilmir?"
 
Elyar İslamoğlu deyir ki, əsgər tərxis olunmaq istəmir, onun istəyi vəziyyətinə uyğun olaraq ehtiyat taborda xidmət etməkdir.  
 
Müdafiə Nazirliyi "Toplum TV"-yə məsələnin araşdırılacağını bildirib.

Sosial

Koronavirusdan ölüm faktı qeydə alınıb

5 İyul 2022

Açıq mənbələrdən götürülüb

Azərbaycanda koronavirus infeksiyasına 49 yeni yoluxma faktı qeydə alınıb, 12 nəfər müalicə olunaraq sağalıb. Operativ Qərargahdan iyulun 5-də verilən məlumata görə, nəticələri pozitiv çıxan 1 nəfər ölüb. İndiyədək ölkədə ümumilikdə 793 437 nəfərin koronavirus infeksiyasına yoluxması faktı müəyyən edilib, onlardan 783 465 nəfər müalicə olunaraq sağalıb, hazırda 254 aktiv xəstə var. Bu günə qədər 9 718 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 2 403, bu günə qədər isə ümumilikdə 6 974 930 test icra olunub.
Sosial

Sosial yardım ala bilməyən vətəndaş: Aylıq gəlirimiz 60-70 manatdı, necə yaşayaq?

Günel Manaflı
5 İyul 2022

Açıq mənbələrdən götürülüb

Qax rayonunun Tasmalı kənd sakini Məmmədova Gülpəri maddi vəziyyətinin çox ağır olduğunu deyir. 10 ildir ailə həyatı quran G. Məmmədovanın həyat yoldaşı heç yerdə işləmir. Dolanışıqlarını yoldaşının ot satmaqla, odun doğramaqla və mal-qara otarmaqla qazandığı az vəsaitlə təmin edirlər. Biri əkiz olmaqla 4 və 6  yaşlarında üç körpə övladının olduğunu deyən G. Məmmədova sosial yardım almaq üçün aidiyyatı qurumlara müraciət etsə də, müsbət cavab almayıb: “Evimizi zəlzələ olan zaman dövlət tikib. Vəziyyətimizin çətinliyi və sosial yardım almaq istəyimizlə bağlı 1 il yarım əvvəl prezidentə məktub yazdıq. Prezident Administrasiyasından Qax rayon İcra Hakimiyyətinə məktub göndərildi ki, bizim işimizə baxılsın. İcra Hakimiyyəti...

Seçilmiş Videolar

Toplum TV loqo