Sosial

Ramana sakinləri etiraz aksiyası keçiriblər

3 İyul, 2021
1960

Toplum TV

İyul ayının 3-də Sabunçu rayonu Ramana qəsəbəsinin sakinləri kommunal problemlərlə bağlı etiraz aksiyası keçiriblər.

Vətəndaşlar illərdir su və işıq probleminin həll olunmamasından, küçələrə zibil yeşikləri qoyulmamasından şikayətçidirlər.  

İyulun 3-də qəsəbə də etiraz aksiyası keçirən sakinlər suyu pulla aldıqlarını bildiriblər. 

“Maşının biri 30 manatdır. Ayda 2 dəfə su alıram. Mən işləmirəm, evdə kişi yox, bir yetimim var. Mən nəylə alım onu? Hardan alım?” – Ramana sakini Səbinə xanım belə deyib.  

Səbinə - Toplum TV

Vətəndaşlar su problemiylə bağlı dəfələrlə rəsmi qurumlara müraciət etdiklərini, lakin heç bir nəticəsi olmadığını deyirlər. Sakinlərin bildirdiyinə görə, qəsəbədə əsas yollar təmir olunsa da, ara yollar və küçələr olduğu kimi qalıb.  

“İlham Əliyev o boyda pul ayırmışdı. Kimlər ki 2-3 min pul verdi, onların küçəsinə yol çəkdilər. Bundan İlhamın xəbəri var? Yazıq pul ayırıb, hamısını basıb yeyirlər” – sakinlərdən biri belə deyib.  

Hüseyn Mehdiyev suyun parniklərə verildiyini, ona görə də qıtlıq yarandığını qeyd edib: “Bilmirəm, kimin parnikləridir, bu dəqiqə su onlara gedir, bizim suyumuzu kəsirlər. Dayı deyir ki, İlham Əliyevin xəbəri yoxdur. İlham Əliyev şəffaf seçkilər keçirsin, xəbəri olsun. Burda bələdiyyə üzvləri şəffaf seçilsələr, bilərlər ki, insanlardan asılıdırlar, sabah səs istəyəcəklər bizdən, ona görə gəlib işləyərlər. Ona görə İlham Əliyevə ehtiyacımız olmayacaq bizim”.  

Hüseyn Mehdiyev - Toplum TV

Hüseyn Mehdiyev qəsəbədə sənədləşdirmə probleminin də olduğunu bildirib: 

“Sərəncam verilməsinə baxmayaraq ərazidə heç bir evin sənədi yoxdur. Əgər Neft Fondunun ərazisidirsə, ya gəlib söksünlər buranı, ya da bizə bir yol göstərsinlər”.  

Qəsəbə sakini Sevil Baxşəliyeva deyib, elektrik enerjisinin zəif olmasına görə məişət avadanlıqları sıradan çıxıb: “20 il bundan qabaq qəsəbəyə 100 nəfər üçün transformator qoyulub. İndi burda əhalinin sayı-hesabı yoxdur. Camaat çoxalıb, işığın gücü çatmır. Çox zəifdir. Kondisionerlərimiz, soyuducularımız yanır”.  

​ Sevil Baxşəliyeva - Toplum TV

S.Baxşəliyeva da susuzluqdan əziyyət çəkdiklərini qeyd edib:  

“Suyu gecələr verirlər. Heç olmasa, gündə 3 saat versinlər. Gecə krantı açıq qoyuruq ki, su gəlsə, xəbərimiz olsun. Saat 5-də gəlir, axır gedir. Xahiş edirik ki, bizə kömək etsinlər. Yayda susuzluqdan yanırıq. Çətin vəziyyətdəyik, bilmirik nəyin dərdini çəkək”.Şəkil vidjetŞəkil vidjet


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo