Sosial

Şagirdlərin kompüter və internet problemi: Təhsil Nazirliyi petisiyayla bağlı sorğumuza cavab verir

Nigar Səmədli
7 Aprel, 2021
2559

Açıq mənbədən götürülüb

“Təhsil Nazirliyini hər bir məktəblini kompüter və internetlə təmin etməyə və bu tələbin icrasını şəffaf icra etməyə çağırırıq. Bu təminat mütəmadi icra edilməli, kompütersiz və internetsiz məktəbli qalmamalıdır”.

Bunu “Toplum TV”-yə “Hər məktəbliyə bir kompüter, hər məktəbliyə pulsuz internet!” petisiyasının  təşkilatçısı Murad Nəsibov deyib.

O qeyd edib ki, distant təhsilə əngəl olan texniki problemlərlə bağlı sosial mediada uzun zamandır müzakirələr getsə də, onların həlli üçün heç bir ciddi addım atılmır. M.Nəsirovun qənaətincə, Azərbaycanda kompüteri və interneti olmayan ailələrin sayı az deyil, xüsusən də ölkənin ucqar bölgələrində onlayn dərslərə qoşulmaq üçün imkanlar məhduddur: 

Murad Nəsibov - Sosial Media

“Bunu insanların ortalama aylıq gəlirlərinə və kompüterlərin ortalama qiymətinə baxaraq anlamaq elə də çətin deyil. Pandemiyaya görə dövlətin sosial yardım etdiyi insanların sayına və o yardımın həcminə baxdıqda da başa düşmək olar ki, bu ailələrin çoxunda kompüter yoxdur”. 

M.Nəsibov deyir ki, bu gün hər bir məktəblinin kompüterə və internetə pulsuz çıxış imkanına sahib olması vacib şərtdir, xüsusilə də ucqar yerlərdə və imkansız ailələrdə buna ehtiyac var: 

“Təhsil Nazirliyini hər bir məktəblini kompüter və internetlə təmin etməyə; ehtiyacın həcminin müəyyənləşdirilməsi, tender, məktəbliyə çatdırılma və sairə kimi məsələləri şəffaf icra etməyə çağırırıq. Bu təminat mütəmadi icra edilməli, kompütersiz və internetsiz məktəbli qalmamalıdır”.

Təhsil eksperti Kamran Əsədov petisiya təşəbbüsünün önəmli olduğunu düşünür. O, 2020-ci ilin mart ayından etibarən distant təhsilə keçmiş Azərbaycan təhsil sisteminin resurs baxımından ciddi problemlər yaşadığını qeyd edir: 

“İlk növbədə alətlər - kompüter, telefon, planşet, internet əlaqəsi problemi var. Regionlarımızda internetə çıxış təminatı olduqca aşağı səviyyədədir. Bu gün Azərbaycandakı 1.6 milyon şagirdin yalnız 65 faizi onlayn dərslərə qoşula bilir. Bu, çox aşağı göstəricidir. Hesab edirəm ki, bu təşəbbüs Azərbaycanda təhsilin əlçatanlığına xidmət edəcək”.

Kamran Əsədov - Sosial Media

Təhsil Nazirliyinin Mətbuat Xidməti “Toplum TV”-nin informasiya sorğusuna cavab olaraq bildirib ki, pandemiya dönəmində təhsilin əlçatanlığının təmin olunması üçün təşəbbüslər həyata keçirilib: “İlk növbədə yüksək peşəkarlığa malik müəllimlərin iştirakı ilə teledərslər layihəsinə start verildi. Dövlət televiziyasının bütün ölkəni əhatə etdiyi nəzərə alınaraq teledərslər vasitəsilə təhsilin əhatəliyi və əlçatanlığı təmin olundu. Nümayiş etdirilən bütün teledərslər sonradan sərbəst istifadə üçün Təhsil Nazirliyinin “video.edu.az” elektron portalında yerləşdirilir ki, bu da şagirdlər üçün əlavə imkanlar yaradır”. 

Nazirliyin cavabında qeyd edilir ki, daha sonra "Virtual Məktəb” layihəsinə start verilib, bu onlayn platformada 1,4 milyondan çox şagird qeydiyyatdan keçib, 2021-ci ilin yanvarında həftəlik dərslərin sayı 6 milyondan artıq olub, aktiv istifadəçilərin sayı 1,2 milyonu keçib: 

“Onlayn dərslərə qoşulmaq üçün lazımi şəraiti olmayan müəllim və tələbələrin faydalanmaları üçün 17 region üzrə 28 məktəbdə internet-kompüter mərkəzləri fəaliyyət göstərir”.

Ancaq Təhsil Nazirliyi də etiraf edir ki, bəzi ailələrdə zəruri texnologiyaların olmaması səbəbindən distant tədrisə hələ də qoşula bilməyənlər var. Qurum problemlərin aradan qaldırılması və distant təhsil imkanlarından daha çox insanın faydalanması üçün dövlət və özəl qurumları əməkdaşlığa dəvət etdiyini və bərabər texnoloji imkanların yaradılması üçün mümkün dəstəyi göstərdiyini bildirir. 

“Qeyd edək ki, hazırda nazirliyin dəstək çağırışlarına qoşulan bir sıra şirkətlər uzunmüddətli kredit şərtləri və endirimli qiymətlərlə müxtəlif avadanlıqlar, internet telekommunikasiya xidməti göstərən operatorlar və provayderlərsə güzəştli internet paketləri təqdim edirlər”.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Dünya Bankı: Azərbaycan su qıtlığı ilə üzləşəcək

29 Noyabr 2023

Açıq mənbələrdən götürülüb

Azərbaycan qlobal miqyasda baş verən dekarbonizasiyanın təsirinə birbaşa məruz qalan ölkədir. Toplum TV APA-ya istinadən xəbər verir ki, bunu Dünya Bankının Azərbaycan üzrə yeni təyin olunmuş ölkə meneceri Stefanie Stallmeister jurnalistlərə açıqlamasında deyib. https://toplum.tv/sosial/azerbaycanda-su-qitligi-ile-uzlesecek-olkeler-sirasindadir Onun sözlərinə görə, Azərbaycan növbəti illərdə həm su qıtlığı, həm də esktremal isti hava kütləsi ilə üzləşəcək:  “Bu xüsusən kənd təsərrüfatında öz təsirini göstərəcək. Qeyd edim ki, iqlim və inkişaf perspektivləri ilə bağlı hazırlanan hesabat həm ölkələrin inkişaf perspektivlərini təhlil edir, həm də iqlim dəyişikliyi nöqteyi-nəzərindən araşdırmalara imkan verir”. Bundan əvvəl məlum olmuşdu ki, 2040-cı ilədək Azərbaycan ən çox su problemi olan 33 həssas ölkə arasında...
Sosial

Bakı metrosunda əlil arabaları üçün texnika istifadəyə verilib

29 Noyabr 2023

Açıq mənbələrdən götürülüb

"Bakı Metropoliteni"ndə “Əlçatan metro” layihəsi çərçivəsində əlil arabası istifadəçilərinin rahatlığına xidmət edəcək daha iki yeni tipli qurğu istifadəyə verilib. Toplum TV xəbər verir ki, bu barədə noyabrın 29-da qurum məlumat yayıb.  Bildilir ki, TEMI qurğuları əlil arabalarının eskalatorlarda istifadəsi üçün nəzərdə tutulub. https://toplum.tv/sosial/pbaki-metrosunda-yenilik-qr-sistemi-tam-tetbiq-olunacaqp "Sankt-Peterburq metrosunda istismar olunan bu qurğu modernləşdirilərək yenidən hazırlanıb. Sənaye təhlükəsizliyi ekspertizasının müvafiq rəyindən sonra metro eskalatorlarında istifadə üçün təhlükəsiz və uyğun hesab edilib. Qurğu Rusiya Nəqliyyat Nazirliyi tərəfindən dövlət satınalmaları üçün rəsmi tövsiyə olunur və innovativ texnologiyaların siyahısına daxil edilib. Avadanlığın istehsalında hidravlik və elektromexaniki sistemlərdən istifadə olunmayıb. Bu texniki vasitənin Bakı metropolitenində aparılan sınaqlar əsasında...

Seçilmiş Videolar

Toplum TV loqo