Sosial

Şəhidin anası: "Bir gün qapımızı döydülər, dedilər ki, oğlunuz tapılıb..."

20 Yanvar, 2021
1761

Toplum TV

“Döyüş vaxtı idi, bir gün zəng vuranda arxada güllə səsləri eşitdim. Dedim ki, Vüqar, deyəsən, atışma gedir. Dedi ki, yox, ay ana, mətbəxdə oturub yemək yeyirik, qaşıqların səsidir”.

İkinci Qarabağ savaşında şəhid olan Vüqar Əmrahovun anası Elnarə Əmrahova “Toplum TV”-yə belə deyir.

Vüqar Əmrahov 1994-cü il avqustun 17-də Tovuz rayonu Xatınlı kəndində anadan olub.

Aprel döyüşlərinin də iştirakçısı olan Vüqar həmin vaxt ayağından yaralanıb.

Anasının dediyinə görə, oğlu 2020-ci il Tovuz hadisələri vaxtı kənd camaatı ilə birgə döyüş gedən yerlərə yardımlar aparırmış.

General Polad Həşimovun ölümündən sonra isə o, könüllü olaraq orduya yazılmaq qərarına gəlib.

Sentyabrın 8-də Vüqar orduya çağırılıb.

Ailəsi sonuncu dəfə Vüqarla oktyabrın 1-də əlaqə saxlaya bilib.

“Gecə saat 12-nin yarısı idi, zəng vurmuşdu. Son sözləri bunlar idi: özünüzü qoruyun, məndən nigaran qalmayın”, - Elnarə Əmrahova deyir.

O gündən bəri Vüqarla əlaqə saxlamaq mümkün olmayıb.

Elnarə Əmrahova danışır ki, oğlundan xəbər ala bilməyəndən sonra narahat qalıb.

Bundan sonra atası və əmiləri Vüqardan xəbər tutmaq üçün hərbi hissəyə yollanıblar: “ Oradan da dedilər ki, Vüqargilin dəstəsilə oktyabrın 3-dən bəri “ratsiya” əlaqəsi də kəsilib, 32 nəfər itkin düşüb. İtkin düşdükləri yer neytral ərazi olduğu üçün biz ora girə bilmirik. Ya atəşkəsi, ya da müharibənin bitməyini gözləmək lazımdır”.

Elnarə Əmrahova deyir ki, oğlunun itkin xəbərini eşidəndən bəri həmişə bir ümidlə yaşayıb: o qayıdacaq: “Vüqar rus dilini sərbət bilirdi. Atası ilə bir-birimizə ürək-dirək verirdik ki, bəlkə, onu əsir götürüblər, aralarında tərcüməçi kimi istifadə edirlər”.

Həmin vaxt onların kəndində müharibədə itkin düşən Rövşən adlı oğlan tapılıbmış.

Bu, ananı öz oğlunun da sağ-salamat qayıdacağına ümidləndirib: “Həmin oğlanın anası ilə danışanda dedim ki, sağ əlizini başıma çəkin, mənim də balam sağ-salamat qayıdıb gəlsin...”

Amma 86 gündən sonra ana ağlına gətirməyə belə ürək etmədiyi xəbəri eşidir: “Bir gün qapımızı döydülər, dedilər ki, oğlunuz tapılıb, Füzulidə morqdadır...”

Anasının dediyinə görə, dekabrın 24-də Vüqarın atası Füzuliyə oğlunun nəşini götürməyə gedir, meyiti açanda isə oğlunun başında bir, ürəyində 30-a yaxın güllə yarasının olduğunu görür...

Vüqar dekabrın 25-də doğulduğu kəndə gətirilir və Xatın kənd məzarlığında torpağa tapşırılır.

“Canım balam, kaş ki, hardansa çıxıb gələsən, ölümünü qəbullana bilmirəm”, - ana ağlayaraq sözlərini davam etdirə bilmir.

O, özünü toplayıb təkcə bunu deyə bilidi: “Bilirəm, nə desəm də, oğlum daha qayıdan deyil...”

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Jurnalist həbs olundu, həmkarı məhkəməyə təşəkkür etdi

Samirə Əli
26 Yanvar 2023
Jurnalist Aydın Canıyev bir ay müddətinə inzibati həbs edilib. Toplum Tv xəbər verir ki, bu barədə elektron məhkəmə sistemində qeyd olunub.  Işə baxan hakim Murad Məmmədov olub. İnzibati xətalar məcəlləsinin 388-1.1.1 (İnformasiyadan istifadə edilməsi, onun yayılması və mühafizəsi qaydaları əleyhinə olan inzibati xətalar) maddəsi ilə ittiham olunub. Jurnalist Eynulla Fətullayev facebook hesabında iddia edib ki, Aydın Canıyev onun barəsində təhqir işlətdiyi üçün Baş Prokurorluğa müraciət edib: “Hörmətli baş prokurora və məhkəməyə təşəkkür edirəm”, Eynulla Fətullayevin Aydın Caniyevin həbsinə reaksiyası belə olub. Jurnalist Aydın Canın facebook səhifəsində Yasamal məhkəməsinin jurnalistə bir aylıq inzibati həbs verildiyi qeyd olunub. “ Eynulla Fətullayevin Baş...
Sosial

Dövlət Gömrük Komitəsinin 2 əməkdaşı rüşvətə görə saxlanılıb

26 Yanvar 2023
Baş prokuror yanında Korrupsiyaya qarşı Mübarizə Baş İdarəsi Dövlət Gömrük Komitəsinin Aksizli mallar İdarəsində keçirdiyi əməliyyat nəticəsində iki nəfər saxlanılıb, onlar barəsində məhkəmənin qərarı ilə həbs qətimkan tədbiri seçilib. Bu haqda Baş Prokurorluqdan Toplum TV-yə verilən məlumatda deyilir.  Saxlanılanlar Şahin İskəndərov və Cavid Məmmədovdur, onlara qarşı Cinayət Məcəlləsinin 311.2 (rüşvət alma) və 311.3.2-ci (təkrar rüşvət alma) maddələrilə ittiham elan edilib. Bildirilir ki, Baş Gömrük İdarəsinin Gömrük dəyərləndirilməsi və risklərin idarə olunması şöbəsinin əməkdaşı Şahin İskəndərovun ölkəyə gətirilmiş avtomobillərə görə ödəniləcək rüsum və digər xərclərin azaldılması müqabilində rüşvət almasına əsaslı şübhələr müəyyən edilib. Sözügedən qurumun Şirvanlı Gömrük Postunun əməkdaşı Cavid Məmmədovun...

Seçilmiş Videolar

Toplum TV loqo