Sosial

Şəhidin bacısı: "8 ay qardaşımın yolunu gözlədik"

25 May, 2021
1806

Toplum.TV

“Sentyabrın ortaları idi. Evdəydik. Təbriz paltarlarını yığır, mən də yemək hazırlayırdım. Birdən dedi ki, içimə dolub, müharibə olacaq, anama demə, amma müharibə olsa, özüm qabaqda gedəcəyəm. Dedim ki, Təbriz, müharibə olacağına inanmıram, amma olsa da, getmə, axı bizim tək ümid yerimiz sənsən. Dedi ki, hamının oğlu, qardaşı əzizdir də. Sən getmə, mən getməyim, bəs bu vətəni kim qorusun?”

Bunları 8 ay sonra nəşi tapılan İkinci Qarabağ müharibəsində şəhid olmuş Təbriz İbrahimovun bacısı Aida İbrahimova “Toplum TV”-yə deyib.

“Müharibədən 1 gün öncə idi. Ətrafda şayiələr dolaşırdı ki, savaş təzədən başlayır. Təbrizə zəng vurmuşdum. Dedim, qardaş, müharibə başalayacaq deyirlər, qurban olum, özünü qoru. Dedi, yox, elə şey olsa, mən ancaq “Urra” deyib irəli qaçacağam”, - bacısı belə deyir.

T.İbrahimov Daşkəsən rayonundakı N saylı hərbi hissədə müddətdən artıq həqiqi hərbi xidmətdə olub.

"Toplum.TV"

Sentyabrın 27-də başlanan İkinci Qarabağ savaşına qatılan Təbriz bir gün sonra Murovdağda gedən döyüşlər zamanı Ağdağ postu yaxınlığında yaralanıb.

Döyüşlərin ikinci günü yaralanan hərbçidən ailəsi müharibənin sonunadək xəbər ala bilməyib.

Bacısının dediyinə görə, ailə Təbrizin tapılacağına ümidlərini itirsə də, Müdafiə Nazirliyi və Qırmızı Xaç Komitəsinə də tez-tez müraciət etməyi də unutmur.

Aidə İbrahimova deyir ki, qardaşının yolunu 8 ay gözləyiblər: “8 ay ərzində döymədiyimiz qapı qalmamışdı. Amma eşitdiyimiz tək bir cümlə vardı: gözləyin. Deyirdilər ki, Təbrizin yaralandığı yer neytral zonadır deyə girə bilmirik. Sonralar da əsas gətirdilər ki, qar yağıb, havalar soyuyub əraziyə girmək olmur”.

Təbriz itkin düşəndən sonra həyat öz axarı ilə davam edirmiş. Təkcə anası 2 ay yatağına girməyib. Qonaq otağında kresloda oturub oğlunu gözləyən ana deyirmiş: “Oğlum dərə dibində yaralıdır, soyuqda ac-susuz qalıb, mənə isti yataq, isti yemək haramdır".

APA

Bacısı deyir ki, anası yalnız bu halda təskinlik tapa bilirmiş. Aidə isə qardaşını tez-tez yuxuda görürmüş. 

Dediyinə görə, Təbriz onun yuxularına küskün gəlirmiş: “Gah deyirdi ki, bəsdir ora-bura vurnuxdun, axtarma məni. Birdən də deyirdi ki, daha niyə məni axtarmırsan?”

Aidə qardaşından xəbər ala bilmədiyi müddətdə ingilis dili öyrətdiyi tələbələriylə başını qatarmış, amma Təbrizi də heç vaxt unutmaz, tez-tez yada salar və ən çox bu misralarla xatırlayarmış:

Başına dolanım, ay dağım, ay dərəm,
Səndə itkin düşən əsgərim qalıb,
Dumanı üstünə çək, üşüməsin,
Özün qoynuna al, qoy üşüməsin,
Elə bas bağrına bük üşüməsin...

Aidə Murovdağda çox itki olduğunu bilsə də,  ümidini itirməyib.

Bacısı Təbrizli günlərini yada salıb kövrəlir. Deyir ki, ailədə 3 uşaq olublar: 2 qardaş, 1 bacı. Tərbiz isə ortancıl qardaşıdır.
 
Aidə İbrahimova sözlərinə görə, atası 2 il əvvəl ürəktutmasından vəfat edib: “Atam sağlığında həmişə Təbrizə deyirdi ki, mənim ömrümə az qalıb, ailə sənə əmanətdir. O da atamın qəbri üstündə deyirdi ki, ata, darıxma, mən də sənin arxanca gələcəyəm. Bizə deyirdi ki, cismim bu dünyadadır, ruhum yox. Nə bilim, görünür, atamı çox istəyib deyə bizi qoyub onun yanına getməyə tələsib”.

Nəhayət, 8 ay sonra – mayın 15-də Təbrizin nəşi tapılıb.

Bacısının sözlərinə görə, Təbrizin üstündən atasının şəkli, təsbehi və pul kisəsi tapılıb.

"Toplum.TV"

Ailə 5 gün DNT-nin cavabını gözləyib: “Mayın 19-u səhər saat 9-da icra nümayəndəsi evimizə gəldi. Dedi ki, DNT analizi ilə şəxsiyyəti təsdiq olunub. Oğlunuz şəhiddir. Bunu eşidəndə çox qarışıq hisslər yaşadım. Bilmədim, ağlayım, yoxsa sevinim? Ağlayırdım ki, qardaşım şəhiddir, daha həyatda yoxdur, bundan sonra da olmayacaq. Sevinirdim ona görə ki, o, əsir deyildi. Onun əsir olduğunu, düşmən əlində işgəncə gördüyünü təsəvvür edəndə dünyam qaralırdı”.

Şəhidin anası Təbrizin meyitinin bir gecə evdə saxlanılmasını xahiş edib: “Qardaşımın cansız bədəni evin ortasında qoyulmuşdu. Bütün gecə gözümüzü qırpmadan başı üstündə ağlamışdıq. Təbriz həmişə mənə deyirdi ki, sən güclüsən. Nə biləydim ki, məni bu ağır yükün altına girməyə hazırlayırmış...”

A.İbrahimovanın dediyinə görə, Müdafiə Nazirliyinin nümayəndələri ailəyə təsəlli üçün Təbrizin II Fəxri Xiyabanda dəfn edilməsini təklif ediblər.

Təbriz İbrahimov mayın 20-də II Fəxri xiyabanda torpağa tapşırılıb.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo