Sosial

"Sudan zəhərlənən yüzlərlə xəstə var" - Şəkidə kütləvi infeksiya 

Aytac Məmmədli
19 İyul, 2022
373

Açıq mənbələrdən götürülüb

"Sudan zəhərlənən yüzlərlə xəstə var. Zəhərləndiyi deyilən 58 nəfər qəsəbə xəstəxanasının qəbul edə bilmədiyi xəstələrdir ki, rayon xəstəxnasına göndərilib. Bu gecə səhərə qədər xəstəxananın heç bir işçisi yatmayıb. Təcili yardımlar ancaq xəstə daşıyıb". 
 
Yeni Çələbixan qəsəbə sakini Səmayə Allahverdiyeva "Toplum TV"yə bu sözləri deyir. 
 
İyulun 19-da xəbər yayılıb ki, Şəkidə məcburi köçkünlərin məskunlaşdığı Yeni Çələbixan qəsəbədən bir gündə 58 nəfər xəstəxanaya müraciət edib. 
 
Qəsəbədə 41 nəfəri yetkinlik yaşına çatmayan olmaqla, 58 nəfər sakin qusma, qızdırma və islah əlamətləri ilə Şəki Rayon Mərkəzi Xəstəxanasının Təcili Yardım Bölməsinə müraciət edib. 
 
Müraciət edən şəxslərə mənşəyi infeksion hesab edilən qastroenterit diaqnozu qoyulub, onlara ilkin müdaxilə edilib və evə buraxılıblar. 
 
Həmin şəxslərin xəstəxanaya müraciət etmələrinin səbəbinin içməli su olduğu ehtimal edilir. 
 
Səmayə Allahverdiyevanın 2 uşağı və qaynanası da zəhərlənənlər arasındadır. 
 
"Srağagün balaca oğlum durduq yerə qusmağa başladı, həkimə getdim, sistem yazdı. Sonra dünən ikinci oğlum, qaynanam da o vəziyyətə düşdü, onları da xəstəxanaya apardıq, sistem qoyuldu. Elə xəstəxanadan evə gələn kimi tibb bacısı zəng elədi ki, bütün qəsəbə o haldadır. Hamı zəhərlənib". 

https://toplum.tv/multimedia/isiqsiz-qazsiz-susuz-qalan-seki-ziyalisi
 
S.Allahverdiyeva hesab edir ki, zəhərlənmə halı sudan baş verib. Çünki özü və yoldaşı bu 2 gün ərzində qaynanmış su - çay içdiklərinə görə, zəhərlənməyiblər. 
  
"Şəki şəhər su idarəsi suyun tonuna 70 qəpik pul alır, amma verdikləri su da budur. Suyumuz dağdan gəlir, qəsəbənin su anbarına yığılır, ordan da evlərə paylanır. Bu hal təkcə bizim qəsəbədə baş verdiyinə görə, yəqin ki, problem qəsəbənin anbarındadır". 
 
Qadının sözlərinə görə, hələ də zəhərlənmə halları davam edir. 
 
"Qonşuların hamsı bu vəziyyətdədir. Təcili yardım yığdı apardı camaatı. Dünən gecədən bəri yüzlərlə xəstəyə sistem köçürülüb". 
 
Şəki rayon Mərkəzi Xəstəxanasından bildirilib ki, xəstəxanaya gətirilən xəstələrin sayı azalıb. Hələlik xəstələrə dəqiq diaqnoz qoyulmayıb və ölüm halı baş verməyib. 
 
Daxili İşlər Nazirliyinin Mətbuat Xidmətinin Şəki regional qrupundan Oxu.Az-a bildirilib ki, sudan müvafiq nümunələr götürülüb və ekspertiza təyin edilib. Hazırda faktla bağlı araşdırma aparılır.

Azərsu QSC-nin sözçüsü Anar Cəbrayıllı Oxu.Az-a açıqlamasında bildirib ki, qəsəbə sakinləri Şəki şəhər abonentləri ilə eyni mənbədən su alırlar: 
“Artıq qurumun baş texnoloqu məlumatlandırılıb. Bizim regional laboratoriya əməkdaşları tərəfindən sudan nümunə götürülüb, məsələ araşdırılacaq”.
 

Sosial

Son altı ayda yol qəzalarında 58 nəfər ölüb 

Aytac Məmmədli
16 Avqust 2022

Açıq mənbələrdən götürülüb

Son altı ayda yol-nəqliyyat hadisələrinin 63,8 faizini (146 fakt) piyadaların vurulması təşkil edib. Nəticədə, 58 nəfər həlak olub, 99 nəfər xəsarət alıb.     Bunu Bakı şəhər Dövlət Yol Polisi İdarəsinin əməkdaşı, polis leytenantı Rüstəm Əhmədli "Toplum TV"-nin sorğusuna cavab olaraq bildirib.    Onun sözlərinə görə, hadisələrin 15-i piyadalar tərəfindən yol hərəkəti qaydalarının pozulması nəticəsində baş verib.   https://toplum.tv/sosial/baki-yollarindaki-xaosdan-cixis-yolu-varmi-manatliq-taksi-lerle-bagli-qerar-verilecek   "Piyadaların vurulması ilə nəticələnən yol-nəqliyyat hadisələri daha çox Fətəli Xan Xoyski,  Heydər Əliyev, Ziya Bünyadov, Qara Qarayev və “8 Noyabr” prospektlərində qeydə alınıb. Piyadalar çox səhlənkarlıq edirlər. Bu isə yol infrastrukturunun düzgün qiymətləndirilməməsinin nəticəsidir", - R. Əhmədli qeyd edib. Rüstəm...
Sosial

Füzulidə sərhədi qanunsuz keçmək istəyən Şri-Lanka vətəndaşları saxlanılıb

16 Avqust 2022

Açıq mənbələrdən götürülüb

Azərbaycanda sərhədi qanunsuz keçmək istəyən 10 Şri-Lanka vətəndaşı saxlanılıb. Bu barədə Dövlət Sərhəd Xidməti (DSX) Mətbuat Mərkəzindən məlumat verilib.  Bildirilir ki, avqust ayının 12-də saat 22:00 radələrində həyata keçirilmiş əməliyyat-axtarış tədbirləri nəticəsində DSX “Horadiz” sərhəd dəstəsinin, Füzuli rayonunun Böyük-Bəhmənli kəndi yaxınlığında yerləşən sərhəd zastavasının arxa istiqamətində şübhəli şəxs qismində 10 nəfər Şri-Lanka Demokratik Sosialist Respublikası vətəndaşı saxlanılıb. https://toplum.tv/siyaset/dsx-generalindan-qazaxin-7-kendi-ile-bagli-aciqlama "Aparılmış ilkin araşdırma zamanı qeyd olunan əcnəbilərin 25-i və 29-u iyul tarixlərdə ölkə ərazisinə turist qismində rəsmi qaydada gəlmələri, İran vətəndaşı Əlirza adlı şəxsin bələdçiliyi ilə dövlət sərhədini pozaraq Azərbaycan Respublikasından İran İslam Respublikasına, oradan isə Türkiyə Respublikasına keçməklə, Avropa olkələrindən birinə...

Seçilmiş Videolar

Toplum TV loqo