Sosial

Sel Goranboyda əkin sahələrini yararsız hala salıb

Günel Manaflı
23 İyun, 2022
138

Toplum TV

İlkin məlumata görə, sel nəticəsində Goranboy rayonunun dağ kəndlərinə, eləcə də Aşağı və Yuxarı Ağcakənd qəsəbələrində sakinlərə məxsus 23.85 sot əkin sahəsinə, 50-yə yaxın fərdi yaşayış evinə ziyan dəyib.

Bu haqda Toplum TV-yə rayon İcra Hakimiyyətinin İnformasiya təminatı və təhlil sektorunun müdiri Faiq Muradov məlumat verib.

Onun sözlərinə görə, sel nəticəsində həmçinin bir neçə evin zirzəmisinə, həyətyanı sahələrə, məişət və texniki avadanlıqlara,10-a yaxın iri və xırda buynuzlu mal-qaraya, 300-ə yaxın ev quşlarına, 5 ədəd minik avtomobilinə və müxtəlif sayda iaşə obyektlərinə, restoran və kafelərə ziyan dəyib.

Faiq Muradov dəymiş ziyanın miqyasının müəyyənləşdirilməsi yönündə işlərin davam etdiyini deyib.

Sosial

Əsgərin özünü öldürdüyü bildirilir

6 İyul 2022

Açıq mənbələrdən götürülüb

Azərbaycan Ordusunun hərbi qulluqçusu intihar edib    Bu barədə iyulun 6-da Baş Prokurorluğun mətbuat xidməti məlumat yayıb.  Bildirilib ki, 5 iyul saat 17 radələrində Azərbaycan Ordusunun müddətli həqiqi hərbi xidmət hərbi qulluqçusu əsgər Tağıyev Rəvan Zeynalabdin oğlunun ona təhkim edilmiş avtomat silahdan atəş açaraq özünü öldürüb. Faktla bağlı Hərbi prokurorluqda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb.     Hazırda istintaq aparılır.  Rəvan Tağıyevin Yevlaxın Salahlı kənd sakini olduğu, hadisənin Laçında baş verdiyi bildirilir.   
Sosial

Koronavirusa yoluxanların sayı artır

6 İyul 2022

Açıq mənbələrdən götürülüb

Azərbaycanda koronavirus infeksiyasına 69 yeni yoluxma faktı qeydə alınıb, 36 nəfər müalicə olunaraq sağalıb. Operativ Qərargahdan iyulun 6-da verilən məlumata görə, ölən yoxdur. İndiyədək ölkədə ümumilikdə 793 506 nəfərin koronavirus infeksiyasına yoluxması faktı müəyyən edilib, onlardan 783 501 nəfər müalicə olunaraq sağalıb, hazırda 287 aktiv xəstə var. Bu günə qədər 9 718 nəfər vəfat edib. Son sutka ərzində yeni yoluxma hallarının müəyyənləşdirilməsi ilə əlaqədar 2 755, bu günə qədər isə ümumilikdə 6 977 685 test icra olunub.

Seçilmiş Videolar

Toplum TV loqo