Sosial

Şuşa məktəbi - “Belə bir şəraitdə uşaqlar nə öyrənəcək?”

29 Aprel, 2022
2428

Toplum Tv

Kanalizasiyası tıxanan, istiliyi olmayan, nəmişikdən divarları kif atan məktəbdən reportaj

Nüviyə Hüseynalıyevanın üç uşağı Şuşa rayon Malıbəyli 1 saylı orta məktəbində oxuyur.

O, təhsil müəssisəsindəki şəraitdən narazıdır.

Valideyn deyir ki, məktəbdə qışda istilik olmur, eyni zamanda, kanalizasiya problemi də uzun zamandır həll edilmir.

Toplum Tv

“Kanalizasiyanın iyi bütün məktəbə yayılır. Artıq bu tədris ilində ikinci dəfədir dediyim problemlə üzləşirik. Ayaqyolunda antisanitar vəziyyət hökm sürür. İstilik isə məktəb fəaliyyətə başladığı ilk gündən yoxdur. Neçə dəfə evimdən məktəbə pilətə aparmışam”.

Valideynlərin daha bir narazılığı bütün siniflərdə 40-dan artıq şagirdin olması və sıxlığın dərsin keyfiyyətinə təsir göstərməsi ilə bağlıdır.

“Mənim qızımın sinfində 44 şagird oxuyur. Belə bir şəraitdə uşaqlar nə öyrənəcək?”, - valideynlərdən biri sual edir.

Toplum Tv

Valideyn Rahidə Həsənova sadalanan problemlərə görə övladını məktəbdən çıxarıb qəsəbədəki digər məktəbə yerləşdirib.

Məktəbin direktor vəzifəsini müvəqqəti icra edən Vüsalə Salmanova da deyilənləri təsdiqləyir və illərdir həll edilmədiyini söyləyir.

Toplum Tv

O, məktəbin digər problemləri ilə bizi yerindəcə tanış edir.

Məktəbin ikinci mərtəbəsində rütubətdən divarlar kif atıb, suvağı qopub. Elektrik paylayıcıları bəzi yerlərdə açıq vəziyyətdədir. Sinif otaqlarının qapıları yararsız hala düşüb.

Toplum Tv

“Qışda qaz zəif olanda istilik olmur. Kanalizasiya sistemindəki problemlər sanitar qovşaqlarda tıxanmalara səbəb olur. Qəsəbədə sonradan tikilən məktəbdə belə problemlər yoxdur. Bu şəraitdə dərs keçsək də, hər il Şuşa şəhəri üçün ən yaxşı tələbə qəbulu göstəriciləri bizdə olur. Şagirdlərimiz qızıl medallar qazanır”, - Vüsalə Salmanova deyir.

O, məktəbin qəsəbə yarandığı gündən fəaliyyət göstərdiyini, məcburi köçkünlər üçün nəzərdə tutulsa da, yaxınlıqda yaşayan şagirdlərin də burda oxuduğunu bildirir.

“Sıxlıq ilk olaraq təhsilin keyfiyyətinə mənfi təsir göstərir”

Təhsil Nazirliyindən “Toplum TV”-yə verilən açıqlamada da qeyd olunur ki, Şuşa rayonu Malıbəyli kənd 1 saylı məktəbi 360 şagird üçün tikilib, amma burda 1225 şagird təhsil alır. Məktəb 2 növbədə fəaliyyət göstərir.

Toplum Tv

“Sıxlıq təbii ki, ilk olaraq təhsilin keyfiyyətinə mənfi təsir göstərir və bu səbəbdən də yeni korpusların tikilməsinə ehtiyac duyulur”.

Məktəbdəki şəraitlə bağlı suala isə nazirlikdən deyilib ki, işğaldan azad olunan ərazilərdə məktəb tikintisi aparılır.

“Qarabağda, o cümlədən Şuşada quruculuq işləri sürətlə davam edir. Mövcud vəziyyət qısa zamanda aradan qalxacaq”,- deyə nazirliyin açıqlamasında qeyd olunur.

Rəsmi məlumatlara görə, respublika üzrə 85 min 600 sinifin 310-da şagird sayı 40-dan yuxarıdır. Ümumilikdə şagird sayı 40-dan çox olan siniflər ümumi siniflərin 0,4 faizini təşkil edir.

Təhsil üzrə ekspert Elşən Qafarov da sözügedən məktəbdəki vəziyyətin tədrisə təsir göstərsə də, müvəqqəti olduğunu bildirir. O, işğaldan azad olunmuş ərazilərdə yeni məktəblərin tikintisi başa çatdıqda məsələnin də həllini tapacağını söyləyir.

Elşən Qafarov - açıq mənbədən götürülüb

Bununla belə, ekspert keyfiyyətli təhsil vermək üçün meyarlar müəyyənləşdirilidiyini də vurğulayır: “Onlardan biri də infrastruktur və maddi-texniki tədris bazasıdır. Ölkədə tikilən ümumitəhsil məktəblərinin infrastrukturu ilə bağlı yenilənmələr gedir. Hazırda ölkədə 4432 məktəb var və bunun 3800-dən artığı ya tikilib ya da əsaslı təmir olunub. Ümumilikdə, 600-dən artıq məktəb hələ də bərbad vəziyyətdədir. Problemli olan məktəblər 2 hissəyə bölünür. İndiyə qədər təmir olunmayanlar və təmir olunan, tikilən, amma bərbad vəziyyətdə olanlar”.

Təhsil Naziri Emin Əmrullayev də məktəblərdəki mövcud vəziyyətdən xəbərdar olduğunu, amma bütün problemləri bir gündə həll etməyin mümkün olmadığını bildirmişdi.

Emin Əmrullayev - sosial medi

“Növbəlilik əsasında prioritet məktəblər seçilir. Hazırda işğaldan azad edilmiş ərazilərdə də yeni məktəblər tikilir. Bu məktəblər şəhərdə olan yükü azaltmağa və məcburi köçkün məktəblərinin geriyə qaytarılması prosesində məktəb infrastrukturunun daha da yaxşılaşdırılmasına xidmət edəcək”, - nazir belə deyib.

Ölkə rəhbərliyi işğaldan azad edilən ərazilərdə bərpa, quruculuq işlərinin sürətlə getdiyini bəyan etsə də, oraya qayıdışın konkret vaxtını açıqlamır. Ekspertlərsə bunun azı 4-5 il çəkəcəyini güman edirlər. Deməli, köçkün məktəblərində oxuyan şagirdlər azı 4-5 il də sadalanan çətinliklər içində oxumalı olacaqlar.

 

 


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Narkoloji Mərkəzin vəzifəli şəxsləri həbs edilib

1 Mart 2024

Rəsmi səhifə

“Respublika Narkoloji Mərkəzi”nin vəzifəli şəxsləri cinayət məsuliyyətinə cəlb olunub. Toplum TV xəbər verir ki, bu barədə martın 1-də Baş Prokurorluq və Səhiyyə Nazirliyi birgə məlumat yayıb.  Bildirilir ki, Korrupsiyaya qarşı Mübarizə Baş İdarəsində "Narkoloji Mərkəzi”n baş direktoru Elşən Mustafayev və müavini Zamin Əliyev barəsində cinayət işi açılıb. https://toplum.tv/olke/pherbi-hisselerdeki-menimsemeye-goumlre-mehkeme-baslayirp Vəzifəli şəxslər şübhəli şəxs qismində tutulublar. Onlara Cinayət Məcəlləsinin rüşvət alma maddələri ilə ittiham elan edilib. Həmçinin məhkəmənin qərarı ilə həbs qətimkan tədbiri seçilib.  Məlumatda o da bildirilib ki, hazırda cinayət əməllərinin törədilməsində iştirak etmiş digər şəxslərin müəyyən edilməsi istiqamətində tədbirlər davam etdirilir.    
Sosial

Xocalıdakı kütləvi məzarlıqdan daha 5 nəfərin qalıqları tapılıb

1 Mart 2024

Açıq mənbələrdən götürülüb

Xocalıda aşkar edilmiş kütləvi məzarlıqdan daha 5 nəfərin qalıqları tapılıb. Toplum TV xəbər verir ki, bu barədə martın 1-də Baş Prokurorluğun Mətbuat xidməti məlumat yayıb.  "Xəbər verildiyi kimi işğaldan azad edilmiş Xocalı şəhərinin mərkəzində (keçmiş xalça fabrikinin yaxınlığında) həyata keçirilən əsaslı bərpa-quruculuq işləri çərçivəsində aparılan qazıntı işləri zamanı basdırılmış vəziyyətdə kütləvi insan qalıqlarının aşkar olunması faktı ilə bağlı Baş Prokurorluğun Kriminalistika və informasiya texnologiyaları idarəsində araşdırma aparılır. Qeyd olunan ərazidə həyata keçirilən baxış istintaq hərəkəti nəticəsində bu gün daha 5 nəfərə aid insan qalıqları aşkar edilib, bununla da, kütləvi məzarlıqda basdırılan insan qalıqlarının ən azı 10 nəfər şəxsə (onlardan 2...

Seçilmiş Videolar

Toplum TV loqo