Sosial

“Tərtər işi” niyə Milli Məclisdə müzakirə olunmur?

Şəhla Kərim
27 Aprel, 2021
1608

BBC

İşgəncələr Əleyhinə Beynəlxalq Komitənin “Tərtər işi” ilə bağlı hesabatı Azərbaycanda müzakirələrə səbəb olub.

Komitə hərbçilərə verilən  işgəncələrdən narahat olduğunu bəyan edib.

Azərbaycanın hərbi prokuroru Xanlar Vəliyev isə "gununsesi.info"ya açıqlamasında işgəncələrlə bağlı iddiaları qəbul etməyib.

“Mən bu iddiaları eşitmişəm, amma yalandır. Ümumiyyətlə, hesab edirəm ki, bu nağıldır və kim danışırsa, nağıl söyləyir”, - hərbi prokurur belə deyib.

"Tərtər işi" ölkədə və beynəlxalq aləmdə müzakirələrə səbəb olsa da, bu hadisə hələ ki Milli Məclisin gündəliyinə salınmayıb. Yalnız deputat Zahir Oruc bir dəfə bu hadisə ilə bağlı narahatçılığını bölüşüb və hüquq mühafizə orqanlarını qınayıb. Daha sonra isə bu açıqlama bəzi saytlardan çıxarılıb.

Bəs "Tərtər işi" Milli Məclisdə müzakirəyə çıxarılmalıdırmı?

Razi Nurullayev: "“Tərtər işi”nin Milli Məclisdə müzakirəsinə ehtiyac yoxdur"

Milli Məclisin İnsan hüquqları komitəsinin üzvü Razi Nurullayev hesab edir ki, “Tərtər işi”nin Milli Məclisdə müzakirəsinə ehtiyac yoxdur: “Biz “Tərtər işi”ni Milli Məclisdə müzakirə etsək, məsələ çox qarışa bilər. Mənə belə gəlir ki, bu məsələnin istintaqı bitməlidir. İstintaqla bağlı cəmiyyətə açıq, şəffaf məlumatlar verilməlidir. Verilən məlumatları cəmiyyət öz bildiyi məlumatlarla müqayisə edib tutuşdurmalıdır və hansı hissədə boşluq qalıbsa, narazılıq varsa, düzgün istintaq aparılmayıbsa, biz onu biləcəyik. O zaman artıq bunun parlamentdə müzakirəsi mümkündür. İndi müzakirə olunsa, istintaq yekunlaşmayıb, deyəcəklər ki, biz də bunu edəcəydik də, orada bunun müzakirəsinə nə ehtiyac var. Onun üçün də, sadəcə, bu gün o məsələnin tezləşməsi, şəffaf şəkildə aparılması vacibdir. Cəmiyyətə məlumat veriləcək, bundan sonra artıq növbəti addımları düşünmək lazımdır”.

Razi Nurullayev- Sosial media

Razi Nurullayev məhbuslara verilən işgəncələr və öldürülmə iddiaları ilə bağlı sualları belə cavablandırıb: “Mən müharibədən sonra gedən istintaqı doğru sayıram. Ona qədər bu hadisə ilə bağlı doğru-düzgün məlumat olmayıb. Torpaqlar azad olunandan sonra bu məlumatlar sızdı və müəyyən məsələlər aydınlaşmağa başladı. Artıq müəyyən həqiqətlər üzə çıxıb. Bu məsələ çox tez yekunlaşmalıdır və cəmiyyət “Tərtər işi”nin arxasında dayanan həqiqətləri tam bilməlidir. Əgər orada kimlərsə günahsız olaraq incidilib, öldürülüb, həbs olunubsa, bununla da bağlı üzrxahlıq olunmalı, günahkarlar cəzalandırılmalıdır. Yəni cəmiyyətin diqqətində olan bu məsələyə doğru, dürüst, şəffaf qiymət verilməlidir”.

Elman Məmmədov: "Bu mənə aid olan məsələ deyil"

Milli Məclisin deputatı Elman Məmmədov da “Tərtər işi”nin Milli Məclisdə müzakirəsinə ehtiyac duymur və bunu hərbi məsələ sayır: “Bu məsələ ilə bağlı Hərbi Prokurorluq və başqa qurumlar istintaq aparırlar. Yəqin ki, nəticəsi haqqında xalqa məlumat veriləcək. Əgər müvafiq hüquq mühafizə orqanları lazımi səviyyədə iş aparmasaydılar, lazımi tədbirlər görülməsəydi, təbii ki, bu məsələ gündəmə gətirilə bilərdi. Ancaq müvafiq dövlət qurumları bu problemlə qanunvericiliyin imkan verdiyi səviyyədə məşğuldurlar, proseslər gedir, nəticələri də yəqin ki, ictimailəşdiriləcək”.

Elman Məmmədov- Sosial media

Elman Məmmədov işgəncə və ölüm halları ilə bağlı iddialara belə reaksiya verib: “Bu mənə aid olan məsələ deyil, sualınızı müvafiq qurumlara ünvanlasanız, daha yaxşı olar”.

Cavid Osmanov: "Bu məsələyə qiymət vermək hüquq-mühafizə orqanlarının işidir"

Deputat Cavid Osmanov deyir ki, buna qiymət vermək hüquq-mühafizə orqanlarının işidir: "İlk növbədə, bu məsələyə hüquqi qiymət verilməlidir. Hüquqi qiymət verilmədiyi halda, biz hər hansısa bir məsələni necə müzakirə edə bilərik? Əlbəttə ki, belə olan halda, bu hər hansısa bir formada parlamentdə də müzakirə oluna bilər. Elə məsələlər var ki, onun doğrudan da, araşdırılması çox vaxt apara bilir. Bu məsələ öz təsdiqini taparsa, Milli Məclisdə müzakirə oluna bilər. İndiki halda hər hansısa kənar müdaxilə istintaqın gedişinə xələl gətirə bilər. Ona görə də biz bu məsələlərdə tələsməyək. İşi istintaqın ixtiyarına buraxmalıyıq, əgər istintaqın nəticələrində hər hansı bir neqativ hal və ya cinayət tərkibli hər hansısa məqam olarsa, əlbəttə ki, bu məsələ öz hüquqi qiymətini alacaq”.

Cavid Osmanov- Sosial media

Cavid Osmanov işgəncə və ölüm iddiaları ilə bağlı sualları şərh etmək istəməyib: “Siz də hüquqşünas deyilsiniz, mən də. Hüquq-mühafizə orqanlarında da çalışmırıq. Bu baxımdan da biz hüquq-mühafizə orqanlarının işinə mane olmayaq”.

2017-ci ilin may ayında Baş Prokurorluq, Dövlət Təhlükəsizliyi Xidməti, Müdafiə Nazirliyi və Daxili İşlər Nazirliyi birgə bəyanat yayıb.

Bəyanatda qeyd olunub ki, bir qrup Azərbaycan hərbçisi Ermənistan xüsusi xidmət orqanlarına xeyrinə casusluq edib.

Prokurorluq Cinayət Məcəlləsinin 274-cü (dövlətə xəyanət) maddəsi ilə cinayət işi açıb.

Saxlanılan şəxslər müxtəlif müddətli azadlıqdan məhrumetmə cəzalarına məhkum edilib.

"Tərtər işi"ni araşdıran Oqtay Gülalıyev və Leyla Yunus kimi hüquq müdafiəçilərinin bildirdiyinə görə, Azərbaycan Silahlı Qüvvələrinin 100-dən çox əsgər və zabitinə işgəncə verilib, 25 nəfər uzun müddətli həbs cəzası alıb və ən azı on biri işgəncədən ölüb.

Sosial

Kütləvi məzarlıqda tapılan geyimlərin azərbaycanlı hərbçilərə aid olduğu güman edilir

5 Oktyabr 2022

APA

Xocavəndin Edilli kəndində aşkarlanan kütləvi məzarlıqdakı meyitlər analizdən keçirilib və geyimlərə əsasən onların hərbçilər olduğunu deməyə əsas yaradır.  Yaxın günlərdə qazıntı işləri yenidən davam etdiriləcək. Bu sözləri oktyabrın 5-də Əsir və itkin düşmüş, girov götürülmüş vətəndaşlarla əlaqədar Dövlət Komissiyasının İşçi qrupunun böyük məsləhətçisi Namiq Əfəndiyev mətbuata açıqlamasında deyib.  https://toplum.tv/dunya/abs-azerbaycanin-17-ermeni-herbcini-tehvil-vermesini-alqislayib Onun sözlərinə görə, Dövlət Komissiyası Beynəlxalq Qızıl Xaç Komitəsi ilə birlikdə fevral ayından əsir və itkin düşmüş şəxslərin axtarışına başlayıb: “İlk olaraq işlərə Xocavəndin Edilli kəndində başlanılıb. Fevralda bu ərazidə 7 şəxsə aid insan qalıqları qazılaraq götürülüb. Sentyabrın 14-dən qazıntı işləri davam etdirilib. 5 tam, 1 qarışıq skelet və 12 şəxsə...
Sosial

DİN məktəbdə narkotikli konfetin peyda olmasına aydınlıq gətirib 

4 Oktyabr 2022

Rəsmi səhifə

Paytaxt məktəblərinin birində şagirdlərə konfet kağızına bükülmüş formada narkotik vasitələrin paylanıldığı barədə sosial şəbəkələrdə yayılan məlumatlar aydınlaşdırılıb.  Bu barədə Daxili İşlər Nazirliyinin sözçüsü Elşad Hacıyev sosial media hesabında məlumat yayıb.  Onun sözlərinə görə, qeyd edilən görüntü Xətai rayonundakı məktəblərin birində təhsil alan 12 yaşlı şagird tərəfindən çəkilib. https://toplum.tv/sosial/mektebde-doyulen-usagin-atasi-polis-ne-doyene-deyir-ne-video-cekene  "Həmin şagird valideyninin iştirakı ilə aparılan profilaktiki söhbətə cəlb olunub. O, konfetin üzərinə müxtəlif ədviyyatlar qataraq qeyd edilən fotonu çəkdiyini bildirib.  Daha sonra guya “narkotik”in məktəbin ətafında tanmadığı şəxs tərəfindən ona verildiyi barədə yalan təəssürat yaradaraq həmin məlumatı sosial şəbəkələrdə məhşurlaşmaq üçün yayıb", - Elşad Hacıyev bildirib.  DİN rəsmisi valideynlərdən sosial şəbəkələrdə...

Seçilmiş Videolar

Toplum TV loqo