Sosial

Vaksin məntəqələrində basabas: "Peyvənd olunmağa əlacsızlıqdan gəlmişik"

Roza Məmmədova
2 Sentyabr, 2021
2828

Toplum TV

Vaksin vurduranlar həm saytda, həm də poliklinikalarda qeydiyyatdan keçməli olurlar.

Azərbaycanda sentyabrın 1-dən qapalı məkanlara daxil olmaq üçün COVID-19 pasportu tələb edilir. Bu səbəbdən də əvvəl vaksin vurdurmağa tələsməyənlər indi xəstəxana, poliklinikalara axın edirlər.

Məsələn, səhər saatları olsa da, Nərimanov Tibb Mərkəzi 2 saylı poliklinikanın qarşısında o qədər insan var ki, iynə atsan, yerə düşməz.

“Toplum TV”-yə danışanların çoxu əlacsızlıqdan peyvənd olunmağa gəldiklərini deyirlər. Əks təqdirdə ticarət mərkəzlərinə, restoranlara, hətta iş yerlərinə belə gedə bilməyəcəklər.

Toplum TV

Görünən odur ki, peyvəndlənmə prosesi heç də sakit, qaydasında getmir. Kimi tibb işçilərinin ləngliyindən şikayətlənir, kimi də səhiyyə sisteminin ədalətsizliyindən.

Səhər saat 10 olmasına baxmayaraq bura yığışanların sayı təxminən 200-ə çatar.

Onlar “randevu.az” saytında onlayn növbə götürsələr də, tibbi mərkəzin girişində yenidən adlarını siyahıya yazdırmalı olduqlarını söyləyirlər.

Toplum TV

Dediklərinə görə, peyvənd üçün gələnlərin sayı çox olduğundan ikinci dəfə də yazılı növbəyə durublar.

Poliklinikanın girişində gözləyən işçi həm gələnlərin adını siyahıya yazır, həm də siyahıda olanların içəri keçməsinə nəzarət edir. Nəzarətçinin tək, xəstəxanaya girişin bir yerdən olması prosesin ləng getməsi ilə nəticələnir.

Növbə siyahısından aydın olur ki, birinci dozaya gələn sonuncu adamın siyahıda nömrəsi 180, ikinci doza üçün gələnin sıradakı yeri 204-dür.

İstidən və saatlarla gözləməkdən yorulanların bəziləri ya maskasını çıxarıb, ya da onu düzgün taxmayıb.

Sosial məsafə 1,5-2 metr müəyyənləşdirlsə də, bura toplaşanların arasındakı məsafə 2 addımdan daha yaxındır.

Toplum TV

Yaxınlıqda dayanan bir neçə qadın da elə bundan şikayətlənir. Onlardan biri deyir ki, avqustun 21-i onlayn növbə götürsə də, poliklinika “Pzifer” vaksini tapa bilmədiyi üçün geri qayıtmalı olub. Amma artıq tələblər sərtləşdiyindən seçim etməyəcəyini söyləyir, hansı vaksin olursa-olsun vurdurmağa hazırdır. Onun bu gün siyahıda sıra nömrəsi 103-dür.

Növbədə gözləyənlərin sözlərinə görə, sıranın çatmasına ortalama 1,5 saat vaxt lazımdır. Bu səbəbdən yaxınlıqda yaşyanlar həm vaxt itirməmək, həm də virusa yoluxmamaq üçün evdə gözləməyi üstün tuturlar.

Diqqət çəkən məqamlardan biri də odur ki, yaxınlıqda növbəni və karantin qaydalarına riayət olunmasını tənzimləyəcək heç bir dövlət rəsmisi yoxdur.

“Toplum TV”-nin əməkdaşı bir neçə gün əvvəl 10 saylı şəhər poliklinikasında da eyni vəziyyətlə qarşılaşmışdı. O zaman səhiyyə sisteminə cavabdeh üç quruma - TƏBİB, İcbari Tibbi Sığorta Agentliyi və Səhiyyə Nazirliyinə müraciət edib, bu sualları ünvanlamışdıq:

İnsanlar nə üçün 2-3 saat növbədə gözləməlidir? Şikayətlərlə bağlı hansısa tədbirlər görüləcəkmi?

10 saylı Poliklinika- Toplum TV

İlk iki qurumun açıqlamasından məlum oldu ki, Bakı şəhəri üzrə vaksinasiya prosesini Səhiyyə Nazirliyi, digər şəhər və rayonlarda isə TƏBİB həyata keçirir.

Səhiyyə Nazirliyinin Mətbuat Xidmətinin əməkdaşı Elvin Hacıyev deyir ki, vətəndaşlar vaksin üçün onlayn qaydada növbə götürməli olsalar da, bəziləri növbə götürmədən birbaşa tibb müəssisəsinə müraciət etdiklərindən sıxlıq yaranır.

Elvin Hacıyev - Sosial Media

E.Hacıyevin sözlərinə görə, tibb işçilərinin vəzifəsi vaksin vurdurmağa gələnlər arasında qayda-qanun yaratmaq yox, sadəcə onlayn növbə ilə poliklinikaya yaxınlaşan vətəndaşları peyvəndləməkdən ibarətdir. Eyni zamanda o deyir ki, tibb personalının əsasən qadınlardan ibarət olması poliklinikaların həyətində yaranan növbələrin onlar tərəfindən tənzimlənməsini çətinləşdirdirir.

Nazirlik rəsmisi avqustun 30-dan növbələrin tənzimlənməsinə Daxili İşlər Nazirliyi əməkdaşlarının və ASAN könüllülərinin cəlb ediləcəyini söyləsə də, Nərimanov Tibb Mərkəzində adıçəkilən qurumların nümayəndələrindən heç birini görə bilmədik.

Vaksinlənmək üçün gələnlərin şikayətləri isə təkcə bununla bitmir, onlar peyvəndin keyfiyyətinə və təsirinə şübhə edirlər. Adı Səriyyə olan bir qadın danışır ki, xarici ölkələrdə “SinoVac” vaksini tanınmır. Bu səbəbdən indiyə qədər vaksinlənməyi ertələyib: “Bəlkə də içindəki sudur. Mənim artıq heç nəyə inamım qalmayıb. Peyvənd olunmasam işə qoymayacaqlar, ona görə gəlmişəm”.

Onun sözlərinə dəstək verən başqa bir qadın da vaksinin faydalı olacağına şübhəylə yanaşır, maskasını göstərərək deyir ki, virus ticarət məqsədi ilə yaradılıb: “Ailədə 4 nəfərik. Gündəlik maskaya bir manat xərcləyəndə xeyli pul edir”.

İndiyə qədər ölkəyə 4 növdə vaksin gətirilib: Çin istehsalı “SinoVac”, İngiltərənin Oxford universitetinin istehsalı olan "Vaxzevria" ("AstraZeneca"), Rusiya istehsalı “Sputnik V” və “Biontech/Pfizer” peyvəndləri.

Rəsmi açıqlamalara görə, ölkəyə daha çox Çin istehsalı olan “SinoVac” vaksini gətirilib. Elə Nərimanov Tibb Mərkəzindən çıxan vətəndaşlar da bunu təsdiqləyir. Onlar deyirlər ki, “Pfizer” vurdurmaq istəsələr də, xəstəxana rəhbərliyi bitdiyini söyləyir.

Toplum TV

Hazırda Avropa ölkələrinə yalnız Avropa Dərman Agentliyi - EMA-nın təsdiqlədiyi vaksinlərlə peyvənd olunan şəxslərin səyahət edə biləcəyi gözlənir. Bunlar "Pfizer", "Moderna", "Johnson&Johnson" və "AstraZeneca" vaksinləridir.

Siyahıda Çin və Rusiya istehsalı vaksinlər yer almayıb.

Tibbi Mərkəzin qarşında gözləyənlərin əksəriyyəti Çin və Rusiya istehsalı olan vaksinlərin bir sıra Avropa ölkəsində təsdiqlənməməsinə diqqət çəkir, buna görə yubandıqlarını vurğulayırlar.

Bütün çətinliklərə baxmayaraq gələnlər içərisində nikbin düşünənlər də var.

Onlar inanır ki, çatışmazlıqlar olsa da, virusa ancaq peyvəndlənərək qalib gəlmək olar.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Hava pisləşəcək: FHN əhaliyə müraciət etdi

31 May 2023

Açıq mənbələrdən götürülüb

Hava şəraitinin pisləşməsi ilə əlaqədar əhaliyə təhlükəsizlik qaydalarına riayət etmək barədə çağırış edilib.  Toplum TV xəbər verir ki, bu barədə mayın 31-də Fövqəladə Hallar Nazirliyi məlumat yayıb.  Bildirilir ki, yaxın günlərdə ölkə ərazisində hava şəraitinin qeyri-sabit keçəcəyi, çaylarda sel və daşğın olacağı, şimşək çaxacağı və güclü külək əsəcəyi gözlənilir. Buna görə də FHN əhalini təhlükəsizlik qaydalarına riayət etməyə çağırıb.  https://toplum.tv/multimedia/pbaki-zelzeleye-hazirdirp-1 "Güclü külək zamanı müvəqqəti tikililərdən, bina və reklam lövhələrindən uzaq durmaq, hündür ağacların altında durmamaq tövsiyyə olunur. Bundan əlavə, küləkli hava şəraitində yanğın təhlükəsizliyi qaydalarına xüsusilə ciddi riayət edilməlidir.  Həmçinin, ildırımla bağlı təhlükədən qorunmaq üçün telefonla danışmamaq, elektrik cihazlarını şəbəkədən...
Sosial

Regionlarda təbii fəlakət: Göygöldə iki nəfər həlak olub

26 May 2023

Sosial Media

Göygöl rayonunda təbii fəlakət nəticəsində iki nəfər həlak olub. Toplum TV xəbər verir ki, bu barədə mayın 26-da Daxili İşlər Nazirliyi məlumat yayıb. Bildirilir ki, Göygöl Rayon Polis Şöbəsinin əməkdaşları tərəfindən təbii fəlakət nəticəsində Gəncə çayında baş vermiş sel axınına düşərək itkin düşmüş 1954-cü il təvəllüdlü Muxtar Hüseynov və 2001-ci il təvəllüdlü İbrahim Qurbanovun axtarışları davam etdirilib. İtkin düşmüş hər 2 şəxsin meyiti səhər saatlarında tapılıb. Polis əməkdaşları hər iki şəxsin meyitini çıxaraq müvafiq ekspertizaya təqdim edib. Araşdırmalar davam etdirilir. Göygölün bəzi kəndlərində güclü sel yerüstü  qaz xətlərini zədələyib. Nəticədə 4 kəndin qaz təchizatı dayandırılıb. “Azəriqaz” İstehsalat Birliyindən verilən məlumata...

Seçilmiş Videolar

Toplum TV loqo