Sosial

Vəkil: ""Tovuz məhbusları" məhkəmədən sonra işgəncəyə məruz qalıblar"

Şahbala Şahbaladov
6 May, 2021
1533

Sosial Media

Vəkil Elçin Sadıqov mayın 5-də “Tovuz məhbusları”ndan olan Babək Məmmədli ilə görüşüb.

Bu barədə “Toplum TV”-yə Elçin Sadıqov məlumat verib.

O bildirib ki, B.Məmmədli və digərlər məhbuslar məhkəmədən sonra işgəncəyə məruz qalıblar.

"Babək Məmmədli aclıq aksiyasını dayandırmayacağını deyir"

"Onun vəziyyəti yaxşı deyildi, yeriyə bilmirdi. Sifətində, alnında və gicgah nahiyələrində xəsarət izləri, qançırlar var. Dedi ki, dünən məhkəmədən sonra avtomobildə hamısını döyüblər. Çanaq nahiyəsinin və hər iki tərəfdən qabırğalarının kəskin ağrıdığını bildirdi", - vəkil belə deyib.

E.Sadıqov həmçinin bildirib ki, işgəncə faktaları ilə bağlı Baş Prokurorluğa şikayət edəcək: “Əslində, Ombudsman və Baş Prokurorluğun əməkdaşları mənim şikayətimdən sonra onlarla görüşməlidirlər, amma hər ehtimala qarşı bu gün teleqram da göndərəcəyəm. Xahiş edəcəm ki, dərhal görüşüb arşadırmalara başlasınlar".

“Bəraət tələb edirik”

Vəkil Bakı Ağır Cinayətlər Məhkəməsinin mayın 4-də "Tovuz məhbusları" ilə bağlı çıxardığı hökmdən apelyasiya şikayəti verəcəyini deyib: "Böyük ehtimal, Bakı Apellyasiya Məhkəməsinin qərarı iyunun əvvəlində çıxar. Ümumiyyətlə, bu  işdə böyük cinayət yoxdur, ona görə də məhbuslara bəraət tələb edirik".

Elçin Sadıqov Babək Məmmədlinin hələ də aclıq aksiyasını davam etdirdiyini vurğulayıb: “Çəkisi 90 kiloqramdan 59 kiloqrama düşüb. O, qanunsuz həbsinə etiraz olaraq bu aksiyaya başlayıb. Dəfələrlə aclığı dayandırmasını xahiş etsəm də, sonuna qədər davam etməkdə israrlıdır".

11 məhbusa 49 il...

2019-cu ilin may ayının 9-da Babək Məmmədli də daxil olmaqla, 11 azərbaycanlı DTX tərəfindən saxlanıb.

İŞİD-ə maliyyə yardımı, terrora cəhd, qadağan olunmuş ədəbiyyat əldə etmə kimi ittihamlarla həbs olunan və "Tovuz məhbusları" kimi tanınan bu şəxslər Cinayət Məcəlləsinin 167-2.2.1-ci (qanunsuz olaraq dini təyinatlı ədəbiyyatı, audio və video materialları, mal və məmulatları və dini məzmunlu başqa məlumat materiallarını istehsal etmə, idxal etmə, satma və ya yayma; qabaqcadan əlbir olan bir qrup şəxs və ya mütəşəkkil dəstə tərəfindən törədildikdə), 167-2.2.2-ci (təkrar törədildikdə), 167-3.1-ci (dini ekstremist materialları, yəni dini ekstremist fəaliyyəti həyata keçirməyə çağıran və ya belə fəaliyyəti əsaslandıran, yaxud belə fəaliyyətin zəruriliyinə bəraət qazandıran materialları hazırlama, saxlama və ya yayma), 214 (terrorçuluq) və 218-ci (cinayətkar birlik (təşkilat) yaratma) maddələri ilə ittiham olunublar.

2021-ci il mayın 4-də Bakı Ağır Cinayətlər Məhkəməsində hakim Səbuhi Hüseynovun sədrliyilə ümumilikdə 11 məhbusa 49 il azadlıqdan məhrumetmə cəzası verilib.

Hökmə əsasən, Samir Qurbanov 8 il; Amil Həsənov, Əflatun Bayramov və Babək Məmmədli 7 il; Tehran Qasımov 5 il, Orxan Qurbanov, Cavid Əmənov, Ələddin İbişov, Yusif İmanov, Elgün İsmayılov və Şəhriyar Cabbarov isə 2 il 6 ay azadlıqdan məhrum ediliblər.

Sosial

Zorla ərə verilən 17 yaşlı qız sığınacağa yerləşdirilib

29 Sentyabr 2022

Rəsmi səhifə

Bakıda 17 yaşlı qızın zorla ərə verilməsi ilə bağlı sosial şəbəkələrdə yayılan iddialar təsdiqini tapıb. Bu barədə Daxili İşlər Nazirliyinin (DİN) mətbuat xidmətinin şöbə rəisi Elşad Hacıyev sosial media hesabında məlumat verib.  "Bakıda 17 yaşlı qızın zorla ərə verilməsi ilə bağlı  sosial şəbəkələrdə yayılan iddialar təsdiqini tapıb. İddialar nəzarətə götürülməklə araşdırılıb. Məcburi olaraq öz qohumu ilə ailə qurmağa vadar edilən A.A. polis əməkdaşları tərəfindən müvafiq sığınacağa yerləşdirilib. Qarşı tərəf dəvət olunub, dinlənilib, izahatları alınıb. Araşdırmalar davam etdirilir", - məlumatda qeyd olunub. 
Sosial

Rusiyanı tərk edən vətəndaşlar – “Rusiya? Vətən? O nədir? Əvvəlcədən çıxmaq lazımıydı”

29 Sentyabr 2022

Sosial Media

Rusiya-Gürcüstan sərhədindəki tıxac sentyabrın 27-də 20 kilometrdən çox uzanırdı. Səfərbərlikdən qurtulmağa çalışan rusiyalılar ölkədən çıxmaq üçün günlərini sərf edirlər. Eyni zamanda Şimali Osetiya hakimiyyəti sərhəddə hərbi komissarlığın səfərbərlik məntəqəsini yaradıb. “Meduza”nın xahişinə əsasən jurnalist Vladimir Sokolov rusiyalıların öz avtomobillərini ataraq Yuxarı Lars nəzarət-buraxılış məntəqəsini (NBM) keçmələri barədə danışır. Materialı azərbaycan dilində Toplum TV oxucularına təqdim edirik. Sanki möhürü qırdılar Tbilisi  aeroportunda qohumların və taksi sürücülərinin gələnləri  qarşıladığı zonada 40 yaşlı qadın və iki oğlu duraraq çaşqın-çaşqın ətrafa göz gəzdirirlər. Üçü də havaya uyğun geyinməyib, Tbilisidəki 18+ hərarət üçün şərf və gödəkçələri çox qalındır. Valentina uşaqları ilə - birinin 13, digərinin...

Seçilmiş Videolar

Toplum TV loqo